Lajme nga vendi
Nënshkrim i marrëveshjeve për ndihmë shtetërore për dy projekte të ndara investuese
Kryetari i Qeverisë Hristijan Mickoski dhe dhe pronari dhe menaxheri të Breinçajld, Ralf Hening Grosel, do të nënshkruajnë dy marrëveshje të pavarura për ndihmë shtetërore për dy projekte të ndara investuese, që do të realizohen paralelisht nga të dy subjektet juridike
Breinçajld është një kompani e krijuar si një investim i përbashkët nga një grup investitorësh nga Gjermania dhe Holanda, që krijojnë një prodhues global të pajisjeve sportive me cilësi të lartë për sportet ujore dhe ato me erë. Produktet përfshijnë krahë, vela dhe pajisje shtesë për fluturim dhe surf në ujë.
Breinçajld është një kompani inovative që kombinon njohuritë teknike dhe përvojën praktike në të gjithë procesin e prodhimit, duke i kushtuar njëkohësisht vëmendje të madhe praktikave të qëndrueshme të prodhimit dhe ekonomisë rrethore në të gjithë ciklin e prodhimit.
Brendi Breinçajld ka themeluar dy kompani në Maqedoni dhe atë: Breinçajld Produksion në vitin 2020 dhe Breinçajld Prodhim në vitin 2022.
Breinçajld Produksion është një kompani që merret me aktivitete kërkimore dhe zhvillimore të produkteve të reja duke përdorur lëndë të para unike për të krijuar një material specifik të nevojshëm për prodhimin e pajisjeve për sportet e erës dhe ujit. Investimi ndodhet në Manastir, në një objekt ekzistues prej 1.500 m2.
“Breinçajld Produksion paraqiti një letër qëllimi dhe plan afarist për realizimin e projektit të investimit për kërkim industrial në fillim të vitit 2024. Plani i investimit përfshin investime në përshtatjen e një laboratori për kërkime dhe zhvillim dhe blerjen e pajisjeve dhe makinerive moderne. Sipas planit afarist dhe marrëveshjes për ndihmë shtetërore, është paraparë që kompania të investojë një shumë totale prej të paktën 2,500,000 euro gjatë një periudhe prej 5 vitesh dhe parashihet të krijojë rreth 40 vende të reja pune me kualifikime të larta”, informuan nga Qeveria.
Nga ana tjetër, Breinçajld Prodhim është kompania që merret me prodhimin serik të pajisjeve dhe elementeve.
“Plani i pronarëve është ndërtimi i një objekti tërësisht të ri prej 3000 m2 në zonën industriale Zhabeni afër Manastirit dhe të punësojnë rreth 200 persona. Sipas planit të investimit, ndërtimi pritet të fillojë në vitin 2025 dhe cikli i investimeve prej rreth 8.500,000 euro të përfundojë brenda pesë viteve të ardhshme. Pavarësisht ndërtimit të objektit të ri të vetin, synimi i kompanisë është të ruajë dhe përmirësojë laboratorin ekzistues për zhvillimin e produkteve të reja dhe proceseve të prodhimit, si dhe për testimin dhe krijimin e materialeve të qëndrueshme”, njofton Qeveria.
Si pjesë e aktiviteteve për lidhjen me komunitetin lokal, Breinçajld ka hapur një shkollë të specializuar për qepjen e materialeve të avancuara që shërben si një qendër trajnimi për aktivitetet e planifikuara të kompanisë. Përveç kësaj, brendi Brainchild është i përkushtuar ndaj një procesi të qëndrueshëm dhe miqësor ndaj mjedisit përmes prodhimit me materiale të ricikluara si lëndë të para dhe proceseve që eliminojnë disa praktika standarde të prodhimit të dëmshme për mjedisin.
Pas nënshkrimit të marrëveshjeve është paraparë konferencë e përbashkët për shtyp e kryeministrit dhe pronarit dhe menaxherit të Breinçajld.
Lajme nga vendi
Mexhiti tha se VLEN do të shkoj në zgjedhje me kandidat, lista, shtabe, platforma e programe të përbashkëta
Kryetari i Lëvizjes Demokratike, Izet Mexhiti tha se të gjitha subjektet politike brenda koalicionit VLEN kanë qëndrim që në zgjedhjet lokale të shkohet me kandidat, lista, shtabe, platforma e programe të përbashkët she shtoi se, në disa vende ka vlerësime se duhet dalë jashtë koalicionit dhe të mbështeten kandidatët e pavarur.
“Në lidhje me listat, pra këtu qëndrimi i të gjitha subjekteve politike brenda VLEN është që të shkojmë me kandidatë të përbashkët, me lista të përbashkëta, me shtab të përbashkët, me program dhe platformë të përbashkët, bile edhe diku ku ka analizë dhe vlerësim se duhet të dalim edhe jashtë VLEN-it, të mbështesim kandidat të pavarur, edhe këtë do ta bëjmë. Në lidhje me listat, dmth kryetarët e komunave zgjidhen sipas modelit të shumicës, ndërsa listat sipas D’Hondt sistemit, që i favorizon të mëdhenjtë, d.m.th nuk ka asnjë kuptim ne jemi te të mëdhenjtë, dhe tani të kalojmë te të vegjlit, sepse kjo do të thotë ndarje dhe të digjen vota që do të shkojnë në favor të BDI-së, atëherë parashtrohet pyetja për kë punojmë? Kështu që të gjitha argumentet politike shkojnë në favor që të shkojmë me lista të përbashkëta, dhe duke e marrë parasysh se tashmë ka nismë që VLEN të shkrihet në një, kështu që nuk ka asnjë dilemë, VLEN do të ketë një kandidat, një listë, një shtab, një program”, tha Mexhiti.
Lajme nga vendi
Mickoski tha se ju duhen ide kreative, BDI: Si në vitin 2001, edhe tani askush nuk dëgjon ankesat e shqiptarëve
Nga Bashkimi Demokratik për Integrim i janë përgjigjur deklaratave të kryeministrit Hristijan Mickoski, i cili tha se BDI po bën politika të ndarjes, ndërkaq sugjeroi që integristët t’i kthehen “agjendës së gjelbër”. Nga BDI mbesin në qëndrimin e tyre se shqiptarët në Maqedoni janë kthyer në periudhën e para vitit 2001.
Reagimi i BDI-së:
Reagim ndaj deklaratës së Hristijan Mickoskit
Në përgjigje të deklaratës së Kryeministrit, i cili tha se “BDI duhet të sjellë ide kreative” dhe se “ankesat për degradimin e situatës janë vetëm mbrojtje e korrupsionit,” dëshirojmë të theksojmë qartë dhe prerë:
Situata e shqiptarëve sot në Republikën e Maqedonisë së Veriut po rikthehet në atmosferën para vitit 2001.
Edhe atëherë, askush nuk donte të dëgjonte ankesat autentike të shqiptarëve.
Në vend të kësaj, këto ankesa legjitime cilësoheshin si aspirata separatiste e irredentiste.
Kudo përhapeshin naracione se “shqiptarët janë në pozitë të mirë” — ndërsa në realitet ishin të shtypur, të përjashtuar dhe të padukshëm në institucionet shtetërore.
Vetëm pas nënshkrimit të Marrëveshjes Kornizë të Ohrit, bota e pa të vërtetën: shqiptarët ishin realisht të margjinalizuar dhe të diskriminuar në mënyrë sistematike.
Sot, 20 vite më vonë, po përsëritet e njëjta përpjekje për të heshtur ankesat legjitime të shqiptarëve — por me një narrativë të re.
Jo më “separatistë” apo “irredentistë”, por “të korruptuar”. E njëjta përmbajtje, vetëm se me mbulesë të re.
Një tentativë e vjetër për ta relativizuar të vërtetën, për ta shpërqendruar debatin dhe për të mbuluar një realitet që është i prekshëm për çdo qytetar.
Nëse Kryeministri kërkon ide kreative, atëherë po i propozojmë disa:
• Mos e prek Marrëveshjen Kornizë të Ohrit – ajo është themeli i bashkëjetesës dhe garancia për barazi.
• Mos e prek ligjin e gjuhës shqipe
• Le të bëjmë vetting të plotë për të gjithë funksionarët nga viti 1991 e deri më sot – të hetohen pasuritë, burimet dhe mënyra se si janë fituar.
• Të rihapet procesi i privatizimit – që të zbardhet sesi u plaçkit pasuria publike dhe kush përfitoi prej saj.
Këto janë idetë kreative që i nevojiten vendit.
Jo fjalë të mëdha për të mbuluar padrejtësitë e reja, por guxim për të përballur të vërtetat e vjetra.
Lajme nga vendi
Shkon në 61 numri i viktimave në Koçan/ Ndërron jetë Aleksandar Gavrillovskin i cili ishte për kurim në Lituani
Edhe një viktimë nga tragjedia në Koçan, bëhet fjalë për 29 vjeçarin Aleksandar Gavrillovski i cili ishte për kurim në Lituani. Lajmin e bëri të ditur ministri i Shëndetësisë, Arben Taravari, sipas të cilit edhe dy pacientë të tjerë janë në gjendje kritike për jetën, shkruan Alsat.
“Tanimë i ndjeri Aleksandar Gavrilovski ishte njëri nga katër pacientët në gjendje kritike”, tha Taravari.
Numri i viktimave nga tragjedia në Koçan arrin në 61 persona. /Alsat.mk
Konfirmohet aktakuza ndaj Naim Murselit dhe të akuzuarve tjerë për vrasjen e Liridona Ademajt
Mexhiti tha se VLEN do të shkoj në zgjedhje me kandidat, lista, shtabe, platforma e programe të përbashkëta
Mickoski tha se ju duhen ide kreative, BDI: Si në vitin 2001, edhe tani askush nuk dëgjon ankesat e shqiptarëve
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve