Lajme nga vendi
Publikohet thirrja publike nga programi IPARD në vlerë 14 milionë euro

Angazhimet për fermerët vazhdojnë me përdorimin e fondeve nga fondet e BE-së, me ç’rast Agjencia për Mbështetje Financiare në Bujqësi dhe Zhvillim Rural shpalli Thirrjen Publike nr. 02/2024 për dorëzimin e kërkesave për mbështetje financiare për masën 7 të Programit IPARD 2021-2027
Mbështetja financiare në kuadër të kësaj thirrjeje publike për masën 7 “Diversifikimi i fermave dhe zhvillimi i bizneseve” është 14,000,000.00 euro ose 862,890,000.00 denarë.
Mbështetja financiare për këtë Thirrje Publike përbëhet nga 75% fonde të siguruara nga Instrumenti i Ndihmës Paraqasëse për Zhvillim Rural të Bashkimit Evropian (IPARD) sipas Programit IPARD 2021-2027 dhe 25% fonde të siguruara nga Buxheti i Maqedonisë.
Mjetet financiare për kërkesat individuale do të ndahen si mbështetje financiare e pakthyeshme (grant) në vlerë prej:
3.1. 60% e vlerës së shpenzimeve totale të pranueshme për investimet për masën Diversifikimi i fermave dhe zhvillimi i bizneseve.
Përqindja rritet deri në 70% për investimet e propozuara nga bujqit e rinj dhe/ose prodhuesit organikë të certifikuar dhe për investimet kolektive.
Përqindja e bashkëfinancimit mund të rritet edhe me 10% shtesë për investimet që kanë të bëjnë me menaxhimin e mbetjeve, energjinë e rinovueshme dhe investimet të llojit për ekonomi cirkulare.
Niveli më i lartë kumulativ/kombinues i mbështetjes nuk duhet të kalojë 75%.
Afati i fundit për dorëzimin e kërkesave është 20 dhjetor 2024.
Lajme nga vendi
Tmerr në Gostivar: 15-vjeçari përdhunoi kushëriren e tij pesëvjeçare

Dje në ora 23:30, zyrtarë policorë nga SPB Gostivar, në prani të nënës së tij, kanë ndaluar një të mitur 15-vjeçar nga Gostivari, duke vepruar sipas kallëzimit të mëparshëm të një gruaje 39-vjeçare nga Gostivari, se i mituri, i cili është djali motrës së saj, ka sulmuar seksualisht vajzën e saj pesëvjeçare në shtëpinë e vëllait të tyre.
“Është njoftuar prokurori publik dhe Qendra për Çështje Sociale Gostivar dhe po ndërmerren masa për zbardhjen dhe dokumentimin e plotë të rastit”, thonë nga SPB Tetovë.
Lajme nga vendi
DPHM: Nga e diela ulje të temperaturave, reshje të shiut dhe borës në RMV

Drejtoria për Punë Hidrometeorologjike njofton se të dielën do të ketë depërtim të shpejtë të një mase ajrore të ftohtë nga veriu, e cila do të shkaktojë ndryshim të ndjeshëm të motit.
“Do të mbizotërojë mot kryesisht i vranët me reshje shiu, ndërsa në vendet më të larta reshje shiu dhe bore. Në male reshjet do të jenë nga bora dhe do të formohet mbulesë bore (10 deri në 15 cm).
Lajme nga vendi
Privohet nga liria pronari i një lokali në Gostivar, MPB: Falsifikoi kartën e aparateve kundër zjarrit

Pronari i një lokali në Gostivar është arrestuar pasi sipas Ministrisë së Punëve të Brendshme, është konstatuar se ka pasur kartë të falsifikuar të aparateve kundër zjarrit.
“Më 03.04.2025 në orën 17, nëpunësit policorë të SPB Gostivar e privuan nga liria B.R.(70), pronar i një objekti hotelerie nga Gostivari. Në bashkëveprim me inspektorët e Drejtorisë së Mbrojtjes dhe Shpëtimit-Shkup, ishte kryer kontrolli i aparateve kundër zjarrit në objektin e hotelerisë në Gostivar, me çrast u vërtetua se kartela e servisimit nuk është origjinale. B.R. është ndaluar në stacionin policor dhe kundër tij do të vijojë kallëzim përkatës”, thonë nga MPB.
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve