Connect with us

Lajme nga vendi

Tripunovski: Detyrim i pushtetit lokal është që të sigurojë ujë të pijshëm, intenca jonë ishte vetëm që të ndihmojmë

Published

on

Detyrim i pushtetit lokal është që të sigurojë ujë të pijshëm për qytetarët. Intenca jonë ishte që të ndihmojmë për shkak se kemi parë që pushteti lokal nuk ka arritur ta menaxhojë procesin, deklaroi sot ministri i Bujqësisë, Pylltarisë dhe Ekonomisë së Ujërave, Cvetan Tripunovski pas daljes së djeshme të Strumicës nga BNJVL-ja për shkak të, siç theksuan nga Komuna, sjelljes indiferente ndaj qytetit dhe qytetarëve të saj në periudhën kur përballejn me njërin nga sfidat më të mëdha – ujin e pijshëm dhe për shkak të refuzimit të projektit të vetëm nga Strumica për shfryëzimin e mjeteve nga kredia hungareze.

Tripunovski thotë se në gjithë situatën nuk ka asnjë politikë nga ana e Qeverisë dhe se intenca e vetme e Ministrisë ka qenë që ta ndihmojë komunën për tejkalimin e problemit me ujin e pijshëm.

“Konform ligjeve, përgjegjësi e pushtetit vendor është që ujin që e merr në stacionin e filtrimit ta çojë në fazën e pijshme për t’ua shpërndarë qytetarëve dhe nuk dua të fus politikë këtu. Synimi ynë ishte të viheshim në dispozicion sepse pamë që pushteti vendor e menaxhoi keq atë proces dhe kjo ishte praktikisht e gjithë veprimtaria jonë. Për performancën e tyre në të kaluarën flet edhe fakti që kryetari i Strumicës dhe të gjithë kryetarët e mëparshëm nuk kanë investuar mjaftueshëm në stacionin e filtrimit. Nuk është përgjegjësi e Qeverisë, është përgjegjësi e vetëqeverisjes lokale”, tha Tripunovski, duke iu përgjigjur pyetjeve të gazetarëve pas debatit të sotëm në Qeveri dedikuar bujqësisë, vetëqeverisjes lokale dhe mjedisit jetësor.

Ministri i Pushtetit Lokal, Zllatko Tripunovski e ka përsëritur qëndrimin që e ka parashtruar në intervistën për MIA-n se nuk ka politikë në shpërndarjen e mjeteve nga kredia hungareze dhe se kryetari i Srumicës ka aplikuar me projekt, i cili tashmë është dhënë në tender dhe për të cilin kanë filluar punimet ndërtimore. Perinski e përsëriti qëndrimin se apelon në urt[si tek kryetari i Strumicës dhe karposhit, të cilët kanë paralajmëruar dalje nga BNJVL-ja.

Komuna e Strumicës dje zyrtarisht njoftoi se del nga BNJVL-ja, ndërsa kryetari i Karposhit paralajmëroi një mundësi të këtillë. Për sot është caktuar konferenc e re për shtyp e kryetarit të Karposhit.

Advertisement

Lajme nga vendi

Fetai: Një hap më afër drejt transparencës në menaxhimin me pronën shtetërore

Published

on

Qeveria e Maqedonisë së Veriut miratoi dje kërkesën e Kabinetit të Zëvendëskryeministrit të ngarkuar për politika të qeverisjes së mire, Arben Fetai për zgjerimin e grupit të punës që do të hartojë Planin e Veprimit për zbatimin e rekomandimeve të Raportit final të Revizorit shtetëror mbi menaxhimin e pronës shtetërore.

“Ky është një hap i rëndësishëm drejt krijimit të një sistemi efikas, të drejtë dhe të përgjegjshëm të menaxhimit të pasurisë publike, si dhe në parandalimin e keqpërdorimeve dhe mungesës së transparencës që kanë ndodhur në të kaluarën, thekson zëvendëskryeministri Fetai.

Grupi i punës, i udhëhequr nga Kabineti i Zëvendëskryeministrit, do të përfshijë përfaqësues nga institucionet kyçe shtetërore: Shërbimi i punëve të përgjithshme dhe të përbashkëta të Qeverisë, Ndërmarrja Publike për ndërtimin dhe administrimin e hapësirave banesore dhe afariste (Sh.A. – Shkup), Ndërmarrja Publike për administrimin e hapësirave afariste në pronësi shtetërore (Sh.A. – Shkup), Agjencia për Kadastrën e Pasurive të Paluajtshme, Ministria e Financave, Sekretariati i Përgjithshëm i Qeverisë dhe Komisioni për Çështje Banesore.

Për herë të parë në historinë e vendit, po përgaditet edhe Regjistri Kombëtar i Pronës Shtetërore, një nismë e udhëhequr nga Kabineti i Zëvendëskryeministrit Fetai dhe bazuar në praktikat më të mira evropiane, me qëllim të eliminimit të rrezikut të korrupsionit dhe keqpërdorimeve në këtë sektor të ndjeshëm.

“Ky është një moment kyç për të ndërtuar një sistem modern të menaxhimit të burimeve shtetërore, ku transparenca dhe llogaridhënia janë parimet udhëheqëse,”  vlerëson Fetai.

Advertisement
Continue Reading

Lajme nga vendi

Mexhiti: 229 milionë denarë për projekte ekologjike, ftoj të gjithë qytetarët të aplikojnë!

Published

on

Zëvëndëskryeministri i parë dhe ministri i Mjedisit, Izet Mexhiti, sot ka njoftuar për shpalljen e Konkursit publik për ndarjen e mjeteve nga Programi për Investime në Mjedis për vitin 2025.

“Me këtë program synojmë të financojmë projekte që ndikojnë drejtpërdrejt në përmirësimin e mjedisit; ujë të pastër, tokë të shëndetshme, biodiversitet të mbrojtur dhe vetëdije më të lartë publike. Kemi ndarë gjithsej 229 milionë denarë, të cilat do të shpërndahen për kanalizime dhe pastrim të ujërave të zeza; për ujësjellës; për projekte kërkimore e arsimore; si dhe për edukim dhe vetëdijesim mjedisor”, ka shkruar ministri Mexhiti.

Ai tutje në këtë njoftim ka ftuar të gjithë qytetarët e gjitha kategorive që të aplikojnë dhe ka veçuar kriteret të cilat do të kenë përparësi.

“Ftoj të gjitha komunat, OJQ-të, institucionet arsimore dhe shkencore, si dhe çdo individ apo organizatë që ka ide dhe vullnet të kontribuojë, që të aplikojnë. Këtë vit i japim rëndësi të veçantë zgjidhjeve inovative, ndaj ftoj veçanërisht kompanitë startup dhe IT që të sjellin ide të reja për një mjedis më të mirë. Afati është 3 javë nga dita e sotme dhe formularët janë të disponueshëm në faqen e Ministrisë”, ka përfunduar ministri Mexhiti.

Continue Reading

Lajme nga vendi

Çair, hidhet koktej molotovi për të djegur një kazino

Published

on

Më 8 prill, në orën 03:31, në SPB Shkup është raportuar nga një kazino në rajonin e Çairit se dy persona kishin hedhur një shishe me lëng të ndezshëm para hyrjes së kazinosë. Punonjësit e sigurimit e kanë shuar zjarrin.

Nuk ka persona të lënduar.

Po merren masa për zbardhjen e rastit.

Continue Reading

Më të lexuarat