I pyetur për rastin “Alfa” dhe rastin “Monstra”, Bilall Kasami nga VLEN në Click Plus në TV21 tha se do të ketë rishikim të rasteve. Kasami tha qeveria nuk mund të përzihet në vendimet e gjyqësorit, por tha se mund të flitet për shans për t’u rishikuar argumentet e gjitha palëve, që të ketë vendim të drejtë.

TV21: U harrua lirimi i të burgosurve për rastin Alfa kryetar, bashkë me të edhe për Monstrën kryetar. S’po folni më, para zgjedhjeve ju kemi dëgjuar duke folur, kërkoj ndjes prej dy palëve, por nuk kam qare pa e përmend, para se me e mbyll. A ka ndonjë risi, që nuk e dimë, apo i keni harruar krejt?

-Fatmir, për shkak se çdo ditë në opinion po hapen tema që i prëmendëm dhe harxhuam edhe në këtë emision, tha Kasami.

TV21: Po, po, ne mund me e kry atë punë, me i liru njerëzit edhe pa folë për ta.

-Do të vijë edhe ai moment, tash nuk flasim për atë…dmth do të ketë rishikim të të gjithë atyre proceseve, dhe konform asaj që do të konstatohet në të gjithë procesin, do të sillet vendim. Ne mund të garantojmë që të ketë qasje fer të kësaj, por ne nuk mund të flasim në këtë rast për vendimet e institucioneve të drejtësisë pra, deklaroi Kasami.

Advertisement

Nëpunësit policor nga Zyra e jashtme për punë kriminalistike pranë DPB Kërçovë, mbrëmë në orën 23:40 minuta në Kërçovë, privuan nga liria S.Z. (64) nga Kërçova.

Siç kumtoi sot MPB, gjatë bastisjes në shtëpinë e tij, të kryer me urdhër gjyqësor, janë gjetur dhe marrë disa paketime dhe disa kavanoza me marijuanë, peshore digjitale dhe gjëra tjera me mbetje nga marijuana.

Personi është mbajtur në stacionin policor dhe pas dokumentimit të plotë të rastit kundër tij do të dorëzohet padi adekuate.

Në Kuvend sot seancë do të mbajë Komisioni për çështje ekonomike, punë dhe politikë energjetike.

Në seancën e këtij komisioni do të shqyrtohet Raporti përfundimtar për revizionin e kryer të suksesit me temën “Efektiviteti i masave për parandalimin e ikjes së kuadrove profesionale dhe me arsim të lartë” i përgatitur nga Enti Shtetëror i Revizionit.

ESHR në raport konkludon se me revizionin e kryer dhe Metodologjinë e aplikuar të revizionit, evidenca e mbledhur e revizionit, ka fituar bindje se aktivitetet e Qeverisë si bartës i politikave për menaxhim me migrimin nuk janë efektive për uljen e ikjes së kuadrit me arsim të lartë nga shteti. Vlerësimet nga analiza e kryer e ekspertit të angazhuar të ESHR-së tregojnë se në periudhën e vitit 2013-2021 nga shteti mesatarisht migrojnë rreth 2.500 kuadro me arsim të lartë, për të cilët shteti mesatarisht në vit ka investuar rreth 5 miliardë denarë ose gjithsej për periudhën e analizuar ka shpenzuar 44,7 miliardë denarë. Theksohet se ikja e kuadrove me arsim të lartë i kushton shtetit 0,8 për qind nga PBB-ja e vitit.

“Efekti total i kostos oportune në lidhje me PBB-në e humbur i cili nuk është gjeneruar për shkak të migrimit vjetor të popullatës së përgjithshme nga shteti vlerësohet në 5,15 për qind të PBB-së në nivel vjetor. Nëse në këtë shtohet investimi i humbur real në arsim në këto kuadro e cila mesatarisht arrin 3,19 për qind në vit nga PBB-ja, efekti i përgjithshëm ekonomik negativ reflekton humbje të përgjithshme prej 8,34 për qind të PBB-së në nivel vjetor, thuhet në raport.

Nga Revizioni theksojnë se pas skadimit të periudhës së vlerës të Strategjisë Nacionale për rrjetëzim dhe bashkëpunim me kuadrot profesionale dhe me arsim të lartë të vitit 2013-2020 nuk është miratuar një dokument i ri strategjik i cili e përfshin problemin e lidhur me ikjen e trurit përkatësisht strategjia gjithëpërfshirëse për migrim ekonomik, me masa dhe aktivitete lidhur me uljen e ikjes së kuadrit me arsim të lartë, me të cilën mund të ulen edhe efektet negative në fushën e zhvillimit ekonomik të vendit dhe veprimtarisë shkencore hulumtuese.

Advertisement

“Masat e strategjisë nuk janë implementuar plotësisht. Nuk është vendosur një sistem funksional për ndjekjen e menaxhimit me migrimin intelektual dhe bazën gjithëpërfshirëse të të dhënave për migrim nga shteti. Mungojnë analizat për krijimin real të politikës së regjistrimit, që synon harmonizimin e ofertës dhe kërkesës, dhe mënyra e vendosur e studimit të ciklit të dytë dhe të tretë të studimeve jashtë vendit nuk siguron shfrytëzim efikas të mjeteve të paguara dhe përfitimeve për shtetin. Monitorimi i zbatimit të masave dhe aktiviteteve nga Strategjia nuk është vendosur dhe as nuk janë vlerësuar efektet e zbatimit të masave”, theksojnë nga Enti Shtetëror i Revizionit.

Nga ESHR rekomandojnë që universitetet dhe fakultetet publike ta shqyrtojnë mundësinë e përmirësimit të funksionalitetit të Qendrave për karrierë përmes ndarjes së mjeteve financiare për zbatimin e aktiviteteve të parashikuara, me qëllim të lidhshmërisë së sektorit privat dhe studentëve.