Lajme nga vendi
Platforma e bixhozit online “2win.mk” do të mbyllet në përputhje me vendimin e Qeverisë
Platforma për lojëra të fatit në internet e Video Lotarisë Shtetërore Kazinos Austria, 2win.mk do të mbyllet. Ky subjekt njoftoi për hapat që do t’i ndërmerr për rikthimin e depozitave të qytetarëve nëpër xhirollogaritë e tyre bankare.
“Ju informojmë se lojërat e fatit në internet që janë në rrjedhë, do të vazhdojnë deri në përmbylljen e tyre dhe fitimet e mundshme do të paguhen. Mjetet nga xhirllogaritë e regjistruara në lojëra të fatit në internet do të paguhen në tërësi. Pas pagesave, platforma do të jetë e qasshme vetëm për shqyrtim të profilit dhe pagesat e kryera. Derisa ka xhirollogari jo valide, do të keni mundësi të regjistroni xhirollogari të re bankare”, thanë nga Video Lotaria Shtetërore Kazinos Austria.
Zëvendëskryeministri i parë, Izet Mexhiti gjatë intervistës në Alsat tha se pas bixhozit online, tani radhën e kanë kazinotë e egra apo kazinotë ilegale. Për këto të fundit është formuar “task force”, ndërsa për licencat jo ligjore për bixhozin online, përgjegjësia do t’i adresohet zyrtarëve të Qeverisë së kaluar.
“Vendimi i tretë në Qeveri ka të bën me organizimin e kazinove në mënyrë të egër. Ka informacione në Qeveri se ka shumë kazino të cilat nuk funksionojnë me koncesione por në mënyrë ilegale dhe kriminale të cilat janë problem për regjionin, jo vetëm për Maqedoninë. Dhe vendimi i tretë i Qeverisë është se kemi formuar “task force” në krye me Ministrinë e Digjitalizimit dhe me disa drejtori të cilat i shpallin luftë kazinove të egra”, deklaroi Izet Mexhiti, Zëvendëskryeministër.
Pas vendimit për marrjen e licencave të ndara në mënyrë jo ligjore dhe mbylljen e bixhozit online pas konstatimit se funksionon i ndarë në disa shoqëri aksionare e që bie në kundërshtim me Ligjin për lojërat e fatit, jo zyrtarisht janë ngritur të paktën 5 kallëzime penale mbi dyshimet për “shpërdorim me detyrën zyrtare” dhe “grup i organizuar kriminal”. /alsat.mk
Lajme nga vendi
Mexhiti: 229 milionë denarë për projekte ekologjike, ftoj të gjithë qytetarët të aplikojnë!
Zëvëndëskryeministri i parë dhe ministri i Mjedisit, Izet Mexhiti, sot ka njoftuar për shpalljen e Konkursit publik për ndarjen e mjeteve nga Programi për Investime në Mjedis për vitin 2025.
“Me këtë program synojmë të financojmë projekte që ndikojnë drejtpërdrejt në përmirësimin e mjedisit; ujë të pastër, tokë të shëndetshme, biodiversitet të mbrojtur dhe vetëdije më të lartë publike. Kemi ndarë gjithsej 229 milionë denarë, të cilat do të shpërndahen për kanalizime dhe pastrim të ujërave të zeza; për ujësjellës; për projekte kërkimore e arsimore; si dhe për edukim dhe vetëdijesim mjedisor”, ka shkruar ministri Mexhiti.
Ai tutje në këtë njoftim ka ftuar të gjithë qytetarët e gjitha kategorive që të aplikojnë dhe ka veçuar kriteret të cilat do të kenë përparësi.
“Ftoj të gjitha komunat, OJQ-të, institucionet arsimore dhe shkencore, si dhe çdo individ apo organizatë që ka ide dhe vullnet të kontribuojë, që të aplikojnë. Këtë vit i japim rëndësi të veçantë zgjidhjeve inovative, ndaj ftoj veçanërisht kompanitë startup dhe IT që të sjellin ide të reja për një mjedis më të mirë. Afati është 3 javë nga dita e sotme dhe formularët janë të disponueshëm në faqen e Ministrisë”, ka përfunduar ministri Mexhiti.
Më 8 prill, në orën 03:31, në SPB Shkup është raportuar nga një kazino në rajonin e Çairit se dy persona kishin hedhur një shishe me lëng të ndezshëm para hyrjes së kazinosë. Punonjësit e sigurimit e kanë shuar zjarrin.
Nuk ka persona të lënduar.
Po merren masa për zbardhjen e rastit.
Çmimi i benzinë BS-95 pas mesnate do të lirohet për 2 denarë, ndërsa çmimi i benzinës BS-98 do të lirohet për 2,5 denarë, njoftoi Komisioni Rregullator për Energjetikë, përcjell TV21. Edhe çmimi i naftës dhe vajit ekstra të lehtë do të lirohet për 2 denarë.
Çmimet sipas vendimit të fundit të KRRE-së:
Benzina BS-95 – 74,0 den/l
Benzina BS-98 – 76,0 den/l
Nafta – 66,5 den/l
Vaji ekstra i lehtë – 66,5 den/l
Ky lirim i paraparin vendimit të 7 prillit, ku çmimet e derivateve të lartpërmendura u ulën për gjysmë denari. Ndërsa sot, çmimet e derivateve në tregjet ndërkombëtare pësuan rënie për 2,6 për qind.
Mexhiti: 229 milionë denarë për projekte ekologjike, ftoj të gjithë qytetarët të aplikojnë!
Çair, hidhet koktej molotovi për të djegur një kazino
Sërish lirohen çmimet e naftës dhe benzinës në Maqedoni
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve