Lajme nga vendi
Durmishi: Mbështetje financiare prej 80 milionë denarë për ndërmarrjet mikro, të vogla dhe të mesme, për zejtarët, për vendosjen e standardeve HALLALL dhe ISO dhe projektet për zhvillimin e sipërmarrësisë
Ministria e Ekonomisë dhe Punës shpalli sot pesë thirrje publike në përputhje me Programin për zhvillimin e sipërmarrjes dhe konkurrentësisë së ndërmarrjeve të vogla dhe të mesme për vitin 2024.
Siç njoftoi ministri i Ekonomisë dhe Punës, Besar Durmishi, për masat në përputhje me këtë Program janë ndarë gjithsej 80.000.000 denarë nga buxheti i Ministrisë së Ekonomisë dhe Punës.
Ndërmarrjet e vogla dhe të mesme prej sot, mund të aplikojnë për pesë masa për të marrë mbështetje financiare për:
1. Thirrje publike për subvencionimin e ndërmarrjeve mikro, të vogla dhe të mesme
2. Thirrje publike për subvencionimin e zejtarëve
3. Thirrje publike për kompensimin e një pjese të shpenzimeve për certifikimin e sistemit HALLALL të ndërmarrjeve të vogla dhe të mesme (NVM)
4. Thirrje publike për kompensimin e një pjese të shpenzimeve për certifikimin e sistemeve të cilësisë sipas standardeve ISO për ndërmarrjet e vogla dhe të mesme (NVM)
5. Thirrje publike për bashkëfinancimin e projekteve për zhvillimin dhe promovimin e sipërmarrësisë dhe zejtarisë, si dhe aktivitete programore të rrjeteve të engjëjve të biznesit.
Për thirrjen publike për subvencionimin e ndërmarrjeve mikro, të vogla dhe të mesme, janë parashikuar 57.000.000 denarë, ndërsa mund të aplikojnë kompanitë që punësojnë të paktën dy persona, përmes bashkëfinancimit të 40% të shpenzimeve të dëshmuara për furnizimin e makinave të reja, por jo më shumë se 350.000 denarë për kërkues.
Mund të aplikojnë ndërmarrjet private, aktive me kapital shumicë vendor (mbi 50%), të mos jetë nisur asnjë procedurë e falimentimit për to, të bëjnë pjesë në kategorinë e ndërmarrjeve mikro, të vogla dhe të mesme, të jenë nga industria përpunuese, të mos kenë punuar me humbje në vitin 2023 dhe të mos kenë borxh ndaj shtetit. Në mesin e kushteve janë edhe të ketë të paktën dy të punësuar në kohë të pacaktuar dhe të mos kanë qenë të subvencionuar sipas thirrjeve publike nga Ministria e Ekonomisë në tre vitet e fundit.
Për Thirrjen Publike për subvencionimin e zejtarëve, parashikohen 6.500.000 denarë, ndërsa do të subvencionohen zejtarët dhe ushtruesit e veprimtarisë zejtare përmes bashkëfinancimit të 40% të shpenzimeve të dëshmuara, por jo më shumë se 200.000 denarë për kërkues, të bëra për furnizimin e makinave dhe/ose veglave të reja dhe dizajn të produktit të ri.
Të drejtën e pjesëmarrjes në thirrjen publike e kanë zejtarët e regjistruar aktivë dhe ushtruesit e veprimtarisë zejtare, të mos jetë hapur procedurë e falimentimit për ta, të mos kenë borxhe ndaj shtetit dhe të punësuarve, të kenë punuar të paktën një vit para shpalljes së thirrjes publike dhe të mos kenë marrë mjete financiare sipas thirrjeve publike të Ministrisë së Ekonomisë në tre vitet e fundit.
Për thirrjen publike për kompensimin e një pjese të shpenzimeve të ndërmarrjeve mikro, të vogla dhe të mesme për certifikimin e sistemit HALLALL, janë parashikuar gjithsej 2.000.000 denarë, ndrësa do të bashkëfinancohen 40% e shpenzimeve të dëshmuara, por jo më shumë se 200.000 denarë individualisht për secilin aplikant.
Në këtë thirrje publike mund të aplikojnë të gjitha kompanitë që bëjnë pjesë në kategorinë e ndërmarrjeve mikro, të vogla dhe të mesme, nga industria përpunuese, të mos jenë në falimentim, të kenë punuar të paktën një vit para shpalljes së thirrjes publike, të mos kenë punuar me humbje në vitin 2023, të mos kenë borxh ndaj shtetit dhe të punësuarve dhe të mos kenë marrë mbështetje financiare për dedikimin e njëjtë.
Për thirrjen publike për kompensimin e një pjese të shpenzimeve të ndërmarrjeve mikro, të vogla dhe të mesme për certifikimin e sistemeve të cilësisë sipas standardeve ISO, janë parashikuar 2.000.000 denarë, ndërsa do të bashkëfinancohen 40% e shpenzimeve të dëshmuara, por jo më shumë se 200.000 denarë individualisht për secilin aplikant.
Në këtë thirrje publike do të mund të aplikojnë ndërmarrjet aktive mikro, të vogla dhe të mesme nga industria përpunuese që nuk kanë procedurë falimentimi, që kanë punuar të paktën një vit para shpalljes së thirrjes publike, që nuk kanë punuar me humbje në vitin 2023, që nuk kanë asnjë borxh ndaj shtetit dhe të punësuarve dhe që nuk kanë marrë mbështetje financiare për dedikimin e njëjtë.
Për thirrjen publike për bashkëfinancimin e projekteve për zhvillimin dhe promovimin e sipërmarrjes dhe zejtarisë, si dhe aktivitetet programore të rrjeteve të engjëjve të biznesit, parashikohen 8.000.000 denarë.
Për këtë masë, parashikohet bashkëfinancimi i projekteve të fondacioneve dhe shoqatave që kanë të bëjnë me mbështetjen jofinanciare për zhvillimin e sipërmarrësisë dhe konkurrentësisë së ndërmarrjeve të vogla dhe të mesme, përmes bashkëfinancimit të 70% të shpenzimeve për realizimin e projektit, por jo më shumë se 350.000 denarë për aplikant.
Fushat e bashkëfinancimit: ekonomia e gjelbër; tregtia elektronike; qasja në financa dhe format alternative të financimit; ndërkombëtarizimi; ekonomia cirkulare;- digjitalizimi i proceseve; inteligjenca artificiale; aktivitetet promovuese të konceptit të engjëjve të biznesit dhe krijimi i një kulture të sipërmarrësisë sociale.
Në këtë thirrje publike mund të aplikojnë fondacionet dhe shoqatat aktive, që janë formuar për qëllime që lidhen me zhvillimin, mbështetjen dhe promovimin e sipërmarrësisë dhe konkurrentësisë së NVM-ve të regjistruara sipas Ligjit për shoqatat dhe fondacionet.
Në shtojcë janë lidhjet nga thirrjet e publikuara publike:
1.Thirrje publike për subvencionimin e ndërmarrjevemikro, të vogla dhe të mesme
2. Thirrje publike për subvencionimin e zejtarëve
Lajme nga vendi
Prokuroria thellon hetimin për rastin “Vedat Ademi”. Në pritje të autopsisë për të ngritur ak’uzë eventuale
Dosja hetimore e rastit të vdekjes së Vedat Ademit, e nxjerr ekskluzivisht në Emisioni “Inside21” tregon se i ndjeri ka vuajtur nga gurët në tëmth, duke e bërë që të kthehet nga Gjermania në Kumanovë për tu mjekuar dhe eventualisht për t’ju nënshtruar një intervenimi kirurgjikal. Sipas raportit, i ndjeri Vedat Ademi së pari është paraqitur në Emergjencë natën e 16 Marsit, ku është pranuar nga doktori kujdestar Asim Ademi, duke i dhënë infuzionin me përbërës pa analgin. Dokumentët zbulojnë që doktor Asimi Ademi është konsultuar me kirurgun Zoran Gjeorgjievski për kurim të mëtutjeshëm në spitalin ditor.
“Dr. Zoran Gjeorgjievski, Pa pasur informacion të mëparshëm që pacienti është alergjik në Analgetikë, e dha udhëzim që në infuzionin e dytë të shtohet ampula ANALGIN si përforcim të terapisë kundër dhimbjeve, kjo është evidentuar në shkresën për pranim të terapisë; Para aplikimit të terapisë së udhëzuar, infermieret kujdestare NUK e kanë pyetur pacientin në mënyrë plotësuese për ragime eventuale alergjike ndaj barërave të cakutara dhe madje NUK është kontrolluar libreza e shëndetësisë”, thotë Raporti i Komisionit të posaçëm të MSH.
Nga Prokuroria, deri më tani kanë marr në pyetje të gjitha palët relevante të përfshira në këtë tragjedi. Janë duke u ekzaminuar edhe dokumentet shëndetësore të të ndjerit nga mjeku amë Rexhai Dalipi, i cili fillimisht i ka dhënë tableta Pantroprazoll, nga internisti ku janë bërë kontrollet e fundit dhe ekg, deri tek mjekët në Gjermani, ku Vedat Ademi ishte me punë të përkohshme atje ku ka ndjerë dhimbjet e para.
Lëshime të shumë janë gjetur nga Komisioni i posaçëm i përbërë nga 5 specialist të klinikave universitare siç janë: Gjorgji Trajkovski, Vladimir Avramvoski, Enes Shehu, Goran Mitrevski dhe Smillko Jovanovski.
“Pas nisjes me procesin e reanimimit kardio-pulmunar është thirrur edhe anesteziologu dhe internisti kujdestar, komisioni ka konstatuar që nuk ka raport EKG të defibrilatorit. MUNGOJNË pajisjet për respirator automatik të ventilimit mekanik në tërë spitalin, si pasojë pacienti ka qenë i intubuar dhe i ventiluar me BALON ambulantor i lidhur me bombolën e oksigjenit, por në rast të vazhdimit të reanimimit do të ishte patjetër të lidhet me respirator”, thuhet ne raport.
Nga Prokuroria e Kumanovës thonë se ende janë në pritje të raportit të autopsisë nga Mjekësia Ligjore.
Ata për Inside21 thonë se hetimin janë duke e bërë edhe në dosjen mjekësore të pacientit të ndjerë për të parë gjendjen e tij shëndetësore ndër vite. Shefja e Prokurorisë së Kumanovës, Teuta Ramadani, flet ekskluzivisht për këtë çështje duke thënë se vendimtare është raporti autopsisë që presin. Pas saj, do të merren edhe masat përkatëse ndaj të dyshuarve për të ngritur akuzat adekuate, tha Ramadani.
“Kur kemi pasoja fatale shkojmë më veprën penale: Vepër e rënd kundër shëndetit të njerëzve, sipas Nenit 217 të Kodit Penal, ku parashikohet burgim deri në 10 vite. Mirëpo shkaku i vdekjes do të vërtetohet në bazë tu autopsisë që është kyçe për hetuesinë se a do shkojnë në përgjegjësi penale”, tha Teuta Bediu-Ramadani, Prokurore në PTHP-Kumanovë.
Ndërkaq, raporti i Inspektoratit shtetëror sanitar shëndetësor tregon edhe lëshime të tjera. Intervenimi i ngathët në procesin e reanimimit në kushte spitalore nuk do të ishte me fatalitet na shoku anafilaktik nëse do të ishin të gjitha pajisjet e duhura dhe gatishmëria e stafit mjekësor për të intervenuar në kohë. Në raportin specialistik të kryer nga dr.Zoran Gjeorgjievski nuk është e shkruar anamneza e pacientit. Në terapinë e dhënë në ora 10:30 më 17.03.2025 përveç tjerash i janë dhënë edhe dy ampula Analgin. Këto në fakt, kanë qenë pikat e ilaçit që sa hynin në gjakun e Vedatit vinin e i ngushtonin indet e frymëmarrjes…
Komuna e Gostivarit ka dhënë mbi 70 vendime pune për mësimdhënësit, punonjësit e administratës komunale si dhe për zjarrfikësit, që nga fillimi i vitit 2025. Lajmin e bëri të ditur kryetari i Komunës, Valbon Limani, i cili theksoi se shumica e vendimeve janë dhënë për sektorin e arsimit, konkretisht për shkollat fillore dhe të mesme në qytet dhe fshatra.
“Bëhet fjalë për punonjës të arsimit që kanë përmbushur të gjitha kriteret ligjore dhe që tashmë do të kenë siguri më të madhe në vendet e tyre të punës. Kjo është një mënyrë për të rritur stabilitetin dhe motivimin në sektorin arsimor,” deklaroi kryetari Limani.
Ndërkohë, në administratën komunale dhe Njësinë Territoriale Kundër Zjarrit janë dhënë gjithsej 20 vendime pune. Kryetari Limani nënvizoi se këto vendime janë dhënë për të gjithë ata punonjës që kanë plotësuar të gjitha kushtet ligjore dhe që kanë kontribuar në mënyrë të vazhdueshme në institucionet përkatëse.
“Vlerësojmë punën dhe përkushtimin e të gjithë të punësuarve, dhe si komunë do të vazhdojmë t’u qëndrojmë pranë të gjithëve që kontribuojnë ndershmërisht. Vendime të tjera do të ketë edhe në periudhën në vijim,” shtoi ai.
Lajme nga vendi
Kryetari Limani dhe Ministri Taravari Inspektojnë punimet e rikonstruimit të dy rrugëve në Gostivar
Këto dy rrugë janë rruga ‘Servet Bajrami’, e cila çon për në Banjicë të Poshtme, dhe rruga ‘Nikolla Tesla’, nga gjimnazi deri në fund të rrugës. Sipas kryetarit Limani, këto projekte kapin një vlerë prej rreth 30 milionë denarë dhe synojnë rikonstruimin e plotë të këtyre dy rrugëve, duke siguruar kushte më të mira infrastrukturore për qytetarët e Gostivarit.
“Me këto projekte, ne po investojmë në përmirësimin e kushteve të jetesës për qytetarët tanë, duke ofruar infrastrukturë më të zhvilluar dhe më të sigurt për ata. Rikonstruimi i këtyre rrugëve është një hap tjetër përpara në realizimin e qëllimeve tona për një qytet më të zhvilluar dhe më të aksesueshëm”, tha kryetari Limani gjatë inspektimit të punimeve.
Prokuroria thellon hetimin për rastin “Vedat Ademi”. Në pritje të autopsisë për të ngritur ak’uzë eventuale
Mbi 70 vendime pune në arsim, administratë dhe Njësinë e Zjarrfikësve në Gostivar
Kryetari Limani dhe Ministri Taravari Inspektojnë punimet e rikonstruimit të dy rrugëve në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve