Lajme nga vendi
Qeveria çoi në Kuvend listën e zëvendësministrave, këto janë emrat?
Qeveria e Republikës së Maqedonisë së Veriut i propozoi Kuvendit emrat e mëposhtëm për zëvendësministrave, përcjell INA.
Me këtë është kompletuar plotësisht ekipin qeveritar:
Elfete Ismaili propozohet për zëvendësministre në Ministrinë e Mbrojtjes.
Ismaili është e diplomuar për ekonomi. Eksperiencën e punës e ka nisur në Fondin për rrugët kryesore dhe rajonale. Nga viti 2006 deri në vitin 2008 ka qenë drejtoreshë e Postës Shkup 2, ndërsa nga viti 2008 deri në vitin 2019 është punësuar në SHA Posta si bashkëpunëtore për marketing. Nga viti 2019 deri në vitin 2024, ajo ishte shoqëruese e personit të referuar në Delegacionin e Republikës së Maqedonisë në NATO, Bruksel, Mbretëria e Belgjikës.
Astrit Iseni propozohet për zëvendësministër në Ministrinë e Punëve të Brendshme. Iseni ka diplomuar në Fakultetin e Edukimit Fizik, Sportit dhe Shëndetësisë dhe ka fituar titullin Doktor i Shkencave në Kinesiologji, profesor i asociuar. Aktualisht është profesor i asocuar në Universitetin e Tetovës dhe në Fakultetin e Shkencave Bioteknike në Manastir.
Alen Dereban propozohet për zëvendësministër në Ministrinë e Drejtësisë. Dereban ka një diplomë master në drejtësi në fushën e së drejtës ndërkombëtare dhe marrëdhënieve ndërkombëtare, me provim të përfunduar të jurisprudencës. Nga viti 2014 ka zyrën e tij të avokatisë, ndërsa për dy mandate ka qenë këshilltar në Këshillin e Komunës së Strugës.
Nezhdet Mustafa propozohet për zëvendësministër në Ministrinë e Marrëdhënieve me Komunitetet. Mustafa është profesor i diplomuar i filozofisë. Nga viti 1996 deri në vitin 2002 ka qenë kryetar i Komunës së Shuto Orizarit. Më pas ka qenë pjesë e Kuvendit të Maqedonisë si deputet, ndërsa nga viti 2006 deri në vitin 2017 është emëruar ministër pa portofol – Koordinator Nacional i Dekadës dhe Strategjisë për Romët.
Zoran Dimitrovski propozohet për zëvendësministër në Ministrinë e Punëve të Jashtme dhe Tregtisë së Jashtme. Dimitrovski ka magjistruar në shkenca politike, dhe ka përvojë shumëvjeçare të punës në media, si kryeredaktor. Dimitrievski është zgjedhur zëvendësministër i Vetëqeverisjes Lokale nga viti 2020 deri në vitin 2023.
Viktorija Trajkov propozohet për zëvendësministre në Ministrinë e Çështjeve Evropiane. Trajkov u diplomua në Universitetin e St. Kliment Ohridski Manastir, dhe fitoi titullin Doktor i Shkencave Ekonomike. Që nga viti 2010 është e punësuar në Ministrinë e Punëve të Jashtme dhe Tregtisë së Jashtme. Dhe që nga viti 2019 është zgjedhur asistente në Universitetin e Shkupit.
Nikolçe Jankullovski propozohet për zëvendësministër në Ministrinë e Financave. Jankullovski është doktor i shkencave ekonomike dhe aktualisht është profesor ordinar në Departamentin e Ekonomisë Bujqësore në Universitetin e St. Kliment Ohridski në Manastir. Ka botuar disa botime vendase dhe ndërkombëtare.
Marjan Risteski propozohet për zëvendësministër në Ministrinë e Ekonomisë dhe Punës. Risteski është ekonomist i diplomuar, nga viti 2005 deri në vitin 2017 ka qenë kryetar i Komunës së Prilepit. Është fitues i disa çmimeve ndërkombëtare dhe vendore.
Miroslav Labudoviq propozohet për zëvendësministër në Ministrinë e Energjisë, Minierave dhe Burimeve Minerale. Labudoviq ka një diplomë master në inxhinieri elektrike dhe teknologji informacioni. Që nga viti 2022, ai ka qenë menaxher inxhinierik në Telamon Corporation.
Flakron Bexheti propozohet për zëvendësministër në Ministrinë e Bujqësisë, Pylltarisë dhe Menaxhimit të Ujërave. Bexheti është profesor i shkencave politike në Universitetin Nënë Tereza në Shkup. Ka përvojë shumëvjeçare të punës në Fondin për sigurim pensional dhe invalidor në Republikën e Maqedonisë së Veriut. Ka qenë sekretar shtetëror në Ministrinë e Punës dhe Politikës Sociale, ndërsa aktualisht është shef i Departamentit për Peticione dhe Propozime, Sektori Juridik.
Jovica Andovski propozohet për zëvendësministër në Ministrinë e Shëndetësisë. Andovski është ekonomist i diplomuar, nga viti 2011 deri në vitin 2017 ka qenë zëvendësministër i Shëndetësisë.
Zëvendësministër i Arsimit dhe Shkencës propozohet Lulzim Aliu. Aliu është doktor i shkencave filologjike. Është profesor i rregullt në lëndën Metodologjia e mësimdhënies së gjuhës shqipe, Letërsi për fëmijë në Fakultetin Pedagogjik “Shën Kliment Ohri” Shkup në Universitetin “St. Kirili dhe Metodi – Shkup”. Nga viti 2023 deri në vitin 2024 ka qenë prodekan.
Gjoko Velkovski propozohet për zëvendësministër në Ministrinë e Politikës Sociale, Demografisë dhe Rinisë. Velkovski ka diplomuar në ekonomi. Ka përvojë pune shumëvjeçare në Ministrinë e Punës dhe Politikës Sociale, ka qenë sekretar i Qytetit të Shkupit, ndërsa në Qeverinë e fundit teknike ka qenë Ministër Teknik i Punës dhe Politikës Sociale. Nga viti 2013 deri në vitin 2024 ka qenë këshilltar në Këshillin e Komunës së Çairit.
Erxhan Selimi propozohet për zëvendësministër në Ministrinë e Vetëqeverisjes Lokale. Selimi ka magjistruar në shkenca politike. Nga viti 2009 deri në vitin 2014 ka qenë këshilltar në kabinetin e ministrit pa portofol. Nga viti 2014 deri në vitin 2024 ka qenë nëpunës civil në Sekretariatin e Përgjithshëm të Qeverisë, ndërsa nga viti 2017 deri në vitin 2024 ka qenë këshilltar në Këshillin e Qytetit të Shkupit.(INA)
Ruga Tetovë Kodra e diellit, që lidhë shumicën e fshatrave të malësisë së Tetovës por edhe qytetin me pikën turistike Kodra e Diellit kohëve të fundit është lënë në mëshirë të fatit.Edhe nga pamjet mund të shihet se kullosat dhe drunjtë që janë rritur kanë bërë që rruga të ngushtohet, ndërsa për kalimin e një veture dhe një kamioni apo autobusi , njëra duhet të hyjë në pjesën e papastruar.Zeqirja Qazimi ish kryetar I bashkësisë lokale të fshatit Shipkovic thotë se rruga është ngushtuar shumë, ndërsa ata kanë dëmtuar veturat e tyre. Sipas tij, ata paguajnë sigurim të automjetit, taksa për mirëmbaje të rrugëve, por punët nuk janë askund . “ Tash momentalisht kamionët dhe ndonjë autobus patjetër duhet të ngjitemi në dega I kemi qëruar veturat I kemi bërë në hall, nuk e dije kush e ka përkujdesen, por këtë vit nuk është punuar hiq tash përgjegjësia e kujt është atë vetëm një zot e dijë. Momentalisht shihet pak po ngushtë behët ja shiko, ma poshtë me keq është, se shumë kanë dal në rrugë në dy anët, dhe kur dalin ata në rrugë rruga ngushtohet ku do shkojmë I dëmtojmë pasqyrat I them sendet ngjitemi për drunj, thera harxhime paguajmë sigurim rrugësh sigurim veturash dhe më në fund I prishim.” Zeqirja Qazimi – ish kryetar i B.L Shipkovic Nga ndërmarrja rrugët e Maqedonisë thonë se për momentin janë duke lyer vizbardhat, ndërsa shumë shpjetë sipas tyre do të fillohet dhe me pastrimin e kësaj rruge. “ Ndërmarrja publike Rrugët e Maqedonisë për momentin është duke vizatuar vizë bardhat në rrugën Tetovë Kodra e Diellit ndërsa nga data 12 deri me datë 20 nëntor do të fillojnë punët për pastrimin e pjesëve anësore dhe drunjtë që kanë zënë rrugën.” thonë nga Ndërmarrja Rrugët e Maqedonisë.Rruga Tetovë Kodra e Diellit ka një gjatësi rreth 20 kilometra, mirëmbajtjen e saj e bën ndërmarrja rrugët e Maqedonisë. Banorët e Shipkovicës thonë se rrugën në fshatin e tyre e kanë pastruar vetë ndërsa ajo që është pjesë e rrugëve të Maqedonisë. Zakonisht pastrimi i drunjve anësor behët njëherë në vit por sipas banorëve asnjëherë nuk është bërë ashtu siç duhet. /TV KOHA/
Ditëve të fundit, veçanërisht në mëngjes dhe në mbrëmje vonë, në rajonin Tetovë-Gostivar kanë qenë të pranishme temperatura relativisht të ulëta, të cilat e kanë intensifikuar sezonin e ngrohjes, jo vetëm nëpër banesa, por edhe në objekte komerciale, publike dhe të tjera. Për shkak të kësaj, mundësitë për zjarre janë rritur ndjeshëm këto ditë, para së gjithash si pasojë e pakujdesisë njerëzore, instalimeve vjetëruara elektrike dhe të rrënuara në ndërtesa, furrave me defekte dhe oxhaqeve të papastruar me kohë në shtëpi apo objekte banimi.Së këndejmi, Sektori për Punë të Brendshme në Tetovë sërish apelon tek qytetarët për vigjilencë maksimale, gjegjësisht të mos i lënë të ndezura aparatet ngrohëse kur nuk ndodhen për një kohë të gjatë në shtëpi apo ambiente të punës, e sidomos jo ngrohëset, kondicionerët apo shporet me dru. Sepse mjafton vetëm një shkëndijë e vogël për të ndezur një zjarr të madh me pasoja të rënda materiale dhe të tjera. Kjo vlen veçanërisht për ndërtesat e banimit, ku lokalizimi i zjarreve është shumë më i vështirë, për shkak të mungesës së pajisjeve të nevojshme në shumë prej tyre dhe aksesit të vështirë në ndërtesa, kryesisht për shkak të ndërtimit apo arsyeve të tjera. Pronarët e shtëpive dhe qiramarrësit në ndërtesa këshillohen të kontrollojnë dhe pastrojnë oxhaqet të paktën dy herë në vit, por edhe të mos mbingarkojnë instalimet duke ndezur disa pajisje elektrike njëherësh. Sepse, sipas nenit 288 të Kodit Penal, shkaktimi i rrezikut publik është vepër penale për të cilën është paraparë dënim me burg nga gjashtë muaj deri në pesë vjet, e nëse është bërë nga pakujdesia, dënimi është deri në tre vjet.Prandaj qytetarët luten që në vazhdimësi të respektojnë këto apele dhe udhëzime, për të parandaluar zjarret e mundshme dhe për të parandaluar pasoja më të rënda për jetën dhe pronën e tyre, thonë nga Sektori për Punë të Brendshme në Tetovë./TV KOHA/
Kryetari i Aleancës për Shqiptarët dhe ministri i Shëndetësisë, Arben Taravari sot në Abu Dhabi zhvilloi takim pune me zëvendësministrin e Shëndetësisë njëherit dhe drejtor i përgjithshëm i Emirates Health Service, Dr. Yousif Mohamed AlSerkal.
Në takim janë diskutuar intensifikimi i bashkëpunimit midis dy vendeve, sidomos në sferën e shkëmbimit të përvojave dhe specializimeve të mjekëve në universitetet e dy vendeve.
Po ashtu është biseduar edhe për hapjen e tregjeve të reja për sektorin e farmacisë si dhe njohjen e ndërsjellë të diplomave të mjekëve mes dy vendeve.
“Rëndësi e veçantë u theksua në shqyrtimin e mundësive tek investimet në sektorin e shëndetësisë, në veçanti në ndërtimin e spitaleve të reja në Maqedoninë e Veriut. Emiratet e Bashkuara Arabe kanë treguar interes të veçantë në përkrahjen e sistemit shëndetësor të vendit tonë. Në takim, nga ana e EBA-s ishin edhe Dr. Hussain Abdulrahman Al Rand, ndihmës ministër për sektorin publik dhe Dr. Amin Hussain Alameeri, ndihmës ministër për sektorin e rregullimit të shëndetësisë”, shprehet Taravari.
Mos pastrimi i rrugës Tetovë-Kodra e Diellit, reagojnë banorët
Sezoni i ngrohjes, polica me apel për qytetarët
Taravari takon në Abu Dhabi zv.ministrin Yousif Mohamed AlSerkal
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve