Lajme nga vendi
Institucionet e RMV-së për ushqimin gjatë valës së të nxehtit: Hani pemë dhe perime me përmbajte të lartë uji, shmangni mishin
Në ditët kur moti është i nxehtë si tani, rekomandohet që qytetarët të konsumojnë ushqime “të lehta” dhe cilësore, njofton Instituti i Shëndetit Publik (IShP).
“Konsumoni perime me përmbajtje të lartë uji, si domatet, kastraveca, lakra etj. Merrni më pak kalori. Konsumoni vakte me bazë të lëngshme si supa dhe zierje. Konsumoni fruta, veçanërisht shalqi, pjepër, pjeshkë, kajsi. Gjatë valës së të nxehtit, duhet të shmangni ngrënien e mishit ose ushqimeve të pasura me proteina. Tretja e proteinave kërkon një kapacitet më të madh tretës, i cili krijon nxehtësi”, informon ISHP.
IShP thotë se një gamë e gjerë studimesh kanë treguar se disa vitamina (B3, C dhe E), karotenoidet, acidet yndyrore dhe polifenolet mund të zvogëlojnë rrezikun e djegies nga dielli, duke mbrojtur kështu lëkurën.
“Marrja e një shumëllojshmërie frutash dhe perimesh është baza për lëkurë të shëndetshme dhe elastike. Acidet yndyrore omega-3, vitamina B3 dhe astaxanthin – këta përbërës në peshk kanë një efekt pozitiv në reduktimin e skuqjes nga djegia nga dielli, shërimin e plagëve dhe përmirësimin e mbajtjes së lagështisë, duke reduktuar kështu shfaqjen e rrudhave. Si burimi më i pasur i zakonshëm me origjinë shtazore për këta tre përbërës janë: salmoni, skumbri, harenga, sardelet, karkalecat. Por nuk do të “gaboni” me llojet e tjera të peshqve”, thekson Instituti.
Si burimi më i pasur i zakonshëm me origjinë jo shtazore për omega 3, vitamina B3 dhe astaksantina janë produktet e arrave si arrat, lajthitë, bajamet, fëstëkët, etj.
Domatet, kajsitë, pjepri, rrushi, pjeshkët, shalqinjtë dhe boronicat janë burimi më i pasur i zakonshëm i likopenit, bioflavonoideve, vitaminës A, C, E (“vitamina e bukurisë”) në ushqim.
“Duke konsumuar këto ushqime, ju mund të reduktoni proceset inflamatore të lëkurës, të shkaktuara nga veprimi i rrezeve të dëmshme UV, duke neutralizuar kështu efektet e dëmshme të ekspozimit në diell. Nga ana tjetër, me beta-karoten, lëkura merr më shpejt një ngjyrë më të errët, zvogëlohet edhe mundësia e alergjisë nga dielli dhe sigurisht një kontribut i rëndësishëm në plakjen më të ngadaltë të së njëjtës. Mirëpo, për efektivitetin e beta-karotinës, e me këtë edhe përgatitjen në kohë të lëkurës për rrezitje, duhet të rritet marrja 2-3 muaj para verës”, thonë nga ISHP.
Gjëja e rëndësishme që duhet të theksohet, thonë ata, është se beta-karoteni duhet të merret në formën e tij natyrale, domethënë nga ushqime si frutat dhe perimet portokalli dhe perimet me gjethe jeshile të errët, sepse në këtë moment është më efektiv.
“Rekomandojmë ushqime që e përmbajnë në sasi të mëdha, si: karotat, kajsitë, pjeshkat, mango, shalqinj, pjepër, spinaq, marule, lulelakër, brokoli”, shtojnë ata në ISHP.
Lajme nga vendi
Arrihet marrëveshje për shportën konsumatore të vjeshtës, do të shqyrtohet në mbledhjen e ardhshme qeveritare
Në mbledhjen e ardhshme qeveritare duhet të gjendet propozimi për shportën konsumatorë të vjeshtës, deklaroi sot kryeministri Hristian Mickoski.
Në deklaratën për mediat Mickoski tha se është arritur marrëveshje dhe se propozimi i Ministrisë së Ekonomisë dhe Punës dje ishte dorëzuar në Qeveri.
“Kishte dje propozim nga ana e ministrit të Ekonomisë, i cili është rezultat i takimit të cilin e kishin kompetentët me prodhuesit dhe me tregtarët. Thamë se punët do t’i zgjidhim përmes dialogut, ishte arritur marrëveshje dhe i njëjti do të jetë tashmë në mbledhjen e ardhshme të qeverisë. Dje nuk ishte për shkaqe të përcaktuara teknike, por duam që t’i kalojë edhe ato filtra siç janë Kolegiumi i përgjithshëm dhe Komisioni për Sistem Ekonomik. Pres që në mbledhjen e ardhshme qeveritare të martën të jetë në rend dite”, tha Mickoski, duke u përgjigjur në pyetjet e gazetarëve pas vizitës së sotme në komunën Aerodrom.
Për Ligjin për praktika të padrejta tregtare që duhet të hyjë në fuqi nga data 28 e këtij muaji, tha se nëse nuk marrin qëndrim përfundimtar nga sektori i biznesit, do të shkohet sipas dinamikës së paraparë.
Deri të martën duhet të dihet se cilat produkte ushqimore do të përfshihen me shportën konsumatore të vjeshtës dhe nëse do të shkohet me masën për ngrirjen e çmimeve ose për kufizimin e marzhave. Për këtë gjatë periudhës së kaluar punoi një grup pune me përfaqësues të ministrive të Ekonomisë, Financave dhe Bujqësisë.
Lajme nga vendi
Më shumë se 18 milionë euro do të investohen në rindërtimin e konvikteve
Kryeministri Hristijan Mickoski, në pyetjen e gazetarit lidhur me rindërtimin e konviktit shtetëror studentor “Steve Naumov”, tha se më shumë se 18 milionë euro do të investohen në rindërtimin e konvikteve studentore, jo vetëm në Shkup, por edhe në qytete të tjera, ku kemi universitete.
“Për dy konviktet në Shkup, ‘Kuzman Josifovski-Pitu’ dhe ‘Steve Naumov’ do të investohen 18 milionë euro. Rikonstruksioni i konvikteve të tjera studentore në vend do të vijojë si një nga prioritetet kryesore të Qeverisë. Ky është një nga ato premtime që kemi bërë për studentët dhe rininë“, deklaroi kryeministri.
Ai shtoi se të dy konviktet do të rikonstruktohen dhe aty ka filluar rikonstruksioni. Presim që të përfundojë në periudhën e ardhshme. Në fund Mickoski shtoi se instalimet elektrike aktualisht janë duke u kryer, por e njëjta do të projektohet edhe në qendrat e tjera universitare në vend.
Lajme nga vendi
Qeveria e Maqedonisë së Veriut emëroi disa drejtorë e zëvendës të rinj
Në seancën e sotme të Qeverisë së Maqedonisë së Veriut, u miratuan disa ndryshime kadrovike në disa institucione shtetërore, në kuadër të ndryshimeve që vijnë nga Qeveria e re e udhëhequr nga kryeministri Hristijan Mickoski, transmeton Portalb.mk.
Abaz Selmani u emëruar Koordinator nacional për interkulturalizëm, zhvillim të kulturës dhe bashkëpunimit ndërsektorial.
Në këtë seancë, Qeveria emëroi Daniela Jovçevska – Mihajllovskën për ushtruese detyre në pozitën e drejtorit të Qendrës Shtetërore për Provime, ndërsa në pozitën e zëvendësit u emërua Ali Abdulla.
Qeveria sot gjithashtu u.d. drejtor te Shërbimet Pedagogjike e emëroi Robert Axhipetrovin.
Ndryshe, Qeveria e përbërë nga koalicioni VMRO-VLEN-ZNAM ka vazhduar me emërimet e reja në institucionet që udhëhiqen nga pushteti qendror.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve