Lajme nga vendi
Rriten çmimet e banesave në tremujorin e dytë të vitit
Çmimet e banesave në Shkup në tremujorin e dytë të vitit janë rritur për 11,5 për qind në nivel vjetor, ndërsa rritje prej 8,2 për qind vërehet në krahasim me tremujorin e kaluar, tregon Indeksi i çmimeve të apartamenteve të Bankës Popullore
Në tremujorin e parë të vitit, çmimet u rritën për 4,7 për qind në nivel vjetor dhe u shënua rënie prej 0,8 për qind e që ishte rënia e parë minimale gjatë tremujorit në një periudhë të gjatë që nga rënia e fundit prej një për qind në tremujorin e tretë të vitit 2020.
Sipas të dhënave të Bankës Popullore, në tremujorin e fundit të vitit 2023, çmimet e banesave u rritën për një për qind në krahasim me tremujorin e tretë dhe me 6,9 për qind në nivel vjetor. Në tremujorin e parë të vitit të kaluar, çmimet e banesave u rritën për 18.9 për qind në nivel vjetor, pra me 1.4 për qind në bazë tremujore. Në tremujorin e dytë u shënua rritje prej 13 për qind në nivel vjetor dhe 1.6 për qind në nivel tremujor, ndërsa në tremujorin e tretë për 11 për qind në nivel vjetor dhe 2.9 për qind në nivel mujor. Në tremujorin e katërt, rritja ka qenë 6.9 për qind në bazë vjetore dhe një për qind në bazë tremujore.
Indeksi i çmimeve të banesave është bërë në bazë të të dhënave që kanë të bëjnë me banesat e shpallura për shitje në territorin e qytetit të Shkupit.
Lajme nga vendi
Tetovë, interesim I lartë për vaksinim
Vaksinimi kundër gripit sezonal ka nisur sot dhe zhvillohet në 36 loakcione të vendit. Janë siguruar 70 mijë doza, ndërsa 32 mijë qytetarë janë paraqitur për vaksinim.Në Qendrën për Shëndet Publik në Tetovë shihet një interesim i madh i qytetarëve për t’u vaksinuar.Bllagorodna Mishkovska mjeke në Qendrën për Shëndet Publik në Tetovë thotë se, vaksinimi po zhvillohet pa pengesa, ndërsa tregon edhe arsyet pse duhet vaksinuar.Sipas saj, nëse ka interesim më të madh do të sigurohen doza shtesë. “Sikurse viteve të kaluara edhe këtë vit kemi një interesim të shtuar për vaksinim.Të gjithë qytetarët e interesuar aplikojnë në portalin vakcinacija.mk, pra bëhet fjalë për grupet e rrezikuara dhe marrin sms termin se kur të vijnë të marrin vaksinën. Janë siguruar vaksina për pesë grupet e rrezikuara, të sëmurit kronikë, personat e moshës mbi 60 vjeçare, puntorët shëndetësorë, fëmijët deri në moshën 5 vjeçare dhe gratë shtatzëna.Për të gjithë këta, Ministria e Shëndetësisë ka siguruar vaksina pa pagesë.Qendra për Shëndet Publik në Tetovë, deri më tash ka siguruar 1700 doza të vaksinës kundër gripit sezonal” thotë Bllagorodna Mishkovska mjeke në Qendrën për Shëndet Publik në Tetovë Nga Qendra për Shëndet Publik thonë se vaksinimi mbron pacientët kundër gripit sezonal dhe ka nivel të lartë të imunitetit, por edhe nëse infektohen simptomat janë më të vogla dhe gripi kalohet më lehtë. Ministria e Shëndetësisë njofton se të gjithë të regjistruarit do të marrin porosi SMS për datën, orën e saktë dhe vendin ku duhet të paraqiten për vaksinim. Mjekët apelojnë që të gjithë qytetarët që janë pjesë e pesë grupeve të rrezikuara, në kohë të marrin vaksinën dhe të mbrohen nga viruset e ndryshme gjatë periudhës së ardhshme. / TV KOHA/
Lajme nga vendi
Visar Ganiu : Fëmijët ma rregulluan ditën që në mëngjes
Lajme nga vendi
Miratohet ribalansi I buxhetit të komunës së Tetovës
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve