Connect with us

Lajme nga vendi

Taravari: Për ne miqësia me SHBA-të është e shenjtë, do të punojmë pareshtur me ta për një Maqedoni të integruar në BE dhe larg ndikimit rus

Published

on

Kandidati i VLEN-it për president, Arben Taravari sot bashkë me liderët e koalicionit VLEN, mbajti tubimin e fundit në Shkup në sheshin “Skënderbeu”.

Në fjalimin e tij, kandidati i VLEN-it për president, Arben Taravari theksoi se në tubimin e fundit në Shkup, vjen pas shumë takimeve dhe tubimeve anembanë vendit duke përfshirë edhe diasporën dhe se kanë dëgjuar nga afër problemet e qytetarëve me të cilat ballafaqohen tash e 22 vite.

“Po vijmë këtu pas shumë tubimeve dhe takimeve anembanë qyteteve dhe fshatrave të tjera të vendit, ku kemi parë dhe kemi prekur problemet e përditshme të njerëzve tanë. Varfëria dhe mungesa e punës, problemet në klinikat dhe spitalet, mungesa e investimeve dhe subvencioneve, këto janë fatkeqësisht realiteti i popullit tonë pas 22 viteve me qeveri të papërgjegjshme dhe të korruptuar. Po vijmë këtu, edhe pas tubimeve masive në diasporë, ku morëm mbështetje nga ata që ndihmojnë çdo ndryshim pozitiv, nga vëllezërit dhe motrat tona në mërgatë. Po vijmë këtu pas takimeve me Albin Kurtin dhe me shumë miq e vëllezër nga Kosova, të cilët maksimalisht po e përkrahin fitoren tonë. Shumë e madhe është nevoja për ndryshim. Jemi të vetëdijshëm se çfarë detyre na pret. Detyrë sa e rëndë aq edhe fisnike, prandaj dhe u bëmë bashkë që të gjithë si një ALEANCË, me një LËVIZJE të përbashkët, ta japim BESËN, e nën numrin 6 të ofrojmë një ALTERNATIVË që VLEN”, u shpreh Taravari.

Taravari u shpreh se është për një Maqedoni të Veriut e anëtarësuar në Bashkimin Evropian, me miqësi të përhershme me SHBA-të dhe se të veprimet e koalicionit VLEN do të jenë në përputhje të plotë me interesin strategjik të SHBA-ve.

“Si President i Republikës, zotohem se politika ime e jashtme do të jetë e bazuar në vlerat evropiane dhe properëndimore, me synim për anëtarësimin e vendit në Bashkimin Evropian. Këtë do ta arrijmë edhe me përkrahjen e aleatit tonë të përhershëm, pa ndihmën e të cilit nuk do të ishim këtu ku jemi sot – Shtetet e Bashkuara të Amerikës. Për ne miqësia me Amerikën është e shenjtë dhe Koalicioni VLEN është zotuar se çdo hap i yni në vijim, do të jetë në përputhje të plotë me interesin strategjik të SHBA-ve, pra një Maqedoni e Veriut e integruar në BE dhe larg ndikimeve ruse, një Maqedoni e Veriut e shëruar nga epidemia e korrupsionit si parakusht për zhvillim shoqëror dhe ekonomik. Si President i Republikës, zotohem se do të punoj me zell që Maqedonia e Veriut të jetë një shtet i sigurt dhe ta promovojë sigurinë dhe paqen rajonale. Do të kujdesem që të kemi aftësi kredibile mbrojtëse, si pjesë e obligimeve tona në NATO dhe BE”, u shpreh Taravari duke shtuar se do të luftojë ta kthejë besimin te sistemit i drejtësisë duke luftuar korrupsionin dhe do të mbrojë me gjithë qenien e tij demokracinë konsensuale, lirinë e shprehjes dhe sistemin e drejtësisë.

Advertisement

Lajme nga vendi

Shërbimet globale po i rikthehen normalitetit pas problemit kibernetik

Published

on

Biznese dhe shërbime në gjithë botën janë gradualisht duke iu kthyer normalitetit, pas një problemi kibernetik, që ka prekur sistemet kompjuterike për disa orë të enjten dhe të premten, transmeton Radio Evropa e Lirë.

Biznese, banka, spitale dhe kompani ajrore janë prekur më së shumti, pasi një përditësim i sistemit, i nisur prej kompanisë së sigurisë kibernetike Crowdstrike, ka shkuar keq dhe për pasojë është prekur sistemi Microsoft Windows.

Kompania Crowdstrike ka kërkuar falje për komplikimet dhe ka thënë se problemi është rregulluar, mirëpo e ka pranuar që do të duhet kohë derisa të kryhet e gjitha puna.

CrowdStrike, kompani amerikane, është në mesin e kompanive më të njohura në botë, e cila ka më shumë se 20.000 abonues.

Ajo krijon sisteme për t’i mbrojtur pajisjet e klientëve nga viruset kompjuterike.

Advertisement

Kompanitë e fluturimeve kanë raportuar për mijëra fluturime të anuluara dhe operatorët kanë thënë të shtunën se presin që vonesat të vazhdojnë edhe përgjatë fundjavës.

Disa shërbime shëndetësore në Britani, Izrael dhe Gjermani, nuk kanë mundur të ofrohen.

Kaosi global ka rritur shqetësime për cenueshmërinë e teknologjisë së ndërlidhur botërore, dhe shkallën e problemit që mund të shkaktojë problem në përditësim i vetëm një sistemi aq të përhapur.

Continue Reading

Lajme nga vendi

Aksident në rrugën e Banjës në Tetovë, lëndohet rëndë një 18-vjeçar

Published

on

Më 19.07.2024 në orën 22:20 në SPB Tetovë është raportuar se në rrugën lokale Tetovë – Banjicë, një automjet “Chevrolet” me targa të Tetovës, i drejtuar nga B.A. (24) nga Tetova, ka dalë jashtë rrugës. Në aksident, pasagjeri D.L. (18) nga Tetova ka pësuar lëndime të rënda trupore, të konstatuara në Spitalin Klinik të Tetovës. Është kryer inspektimi nga një ekip hetimi i SPB Tetovë.

Continue Reading

Lajme nga vendi

Bastisje për narkotikë në Shkup, privohet nga liria 43 vjeçari

Published

on

Me datë 19.07.2024 në ora 15:30 në Shkup, në zonën e Qendrës, zyrtarë policorë nga Njësiti për trafikim të paligjshëm në SPB Shkup dhe nga Departamenti i Policisë Kriminale – Njësiti për Trafikim të Paligjshëm me drogë dhe armë, kanë privuar nga liria G.S. (43) nga Shkupi.

Gjatë kontrollit të ushtruar në banesën e tij, të kryer me vendim gjykate, iu gjet dhe u sekuestrua marihuanë, një lëndë narkotike e bardhë dhe një peshore dixhitale me mbetje narkotike.

Personi është ndaluar në komisariat dhe pas dokumentimit të plotë të rastit ndaj tij do të bëhet kallëzim përkatës.

Continue Reading

Më të lexuarat