Lajme nga bota
Çmimet e banesave në Europë bien për herë të parë në 10 vjet
Çmimet e banesave në Europë, ranë për herë të parë në një dekadë, pasi rritja në tregjet e pronave të disa vendeve lindore dhe jugore, u maskua nga rëniet në shumë shtete veriore të BE-së.
Çmimet e pronave rezidenciale, ranë 0.3 % në BE në vitin 2023 dhe 1.1 % në Eurozonë, sipas të dhënave nga Eurostat.
Tregu i banesave në Gjermani, ishte një nga më të goditurit, me rënie 8.4 % në bazë vjetore, i dyti vetëm pas Luksemburgut, me rënie 9.1 %. Ai u pasua nga Finlanda, me 5.6 % dhe Suedia me 5.3 %.
Megjithatë, çmimet u rritën në disa vende, duke përfshirë Kroacinë, Bullgarinë, Lituaninë, Poloninë dhe Portugalinë, ku u rritën midis 8 dhe 12 %.
Rritja më e fortë ekonomike në vendet e Europës Jugore dhe Lindore, në vitet e fundit, kishte ndihmuar që tregjet e tyre të banesave, të vazhdonin të rriteshin, ndërsa vendet kryesore, si Gjermania dhe Franca vuajtën nga stanjacioni ose një rritje e dobët.
Ricardo Amaro nga Oxford Economics, tha se “dinamika e ofertës”, mund të ndihmojë për të shpjeguar performancën e mirë të tregjeve të banesave të disa vendeve, veçanërisht në Europën Jugore “ku ndërtimet e reja, kanë qenë të dobëta”.
Kroacia ka pasur një fluks investimesh, që nga fillimi i përdorimit të Euros në janar 2023. Tregu i banesave në Portugali, është rritur nga stimujt e taksave, për blerësit e shtëpive të dyta dhe oferta e “vizave të arta” për të huajt e pasur, që blejnë prona.
Tregu i banesave në Poloni, po “përfitonte si nga rritja e fortë ekonomike, ashtu edhe nga rritja, e dy uljeve të normave të interesit vitin e kaluar”, tha Carsten Brzeski, kreu global i kërkimit makro në bankën holandeze ING.
Çmimet e shtëpive, kishin rënë më shumë në disa vende, si Gjermania pasi fitimet e mëdha, i lanë ato të duken të mbivlerësuara, krahasuar me qiratë ose të ardhurat e familjeve, tha Andreë Kenningham nga Capital Economics.
“Në të kundërt, në disa ekonomi të Eurozonës jugore, si Spanja ato ende ishin mjaft të ulëta dhe nuk ishin rimëkëmbur plotësisht nga ndryshimet e mëdha të tregut të banesave, gjatë krizës globale financiare dhe krizës së Eurozonës”, tha ai.
Disa vende, si Italia apo Finlanda kanë çmime të banesave në nivele të ngjashme, me ato të një dekade më parë, ndërsa të tjera si Polonia, Portugalia dhe Lituania, kanë dëshmuar më shumë se dyfishim të çmimeve të pronave të banimit.
Eurostat nuk përfshiu të dhënat e Greqisë. Por, tregu i banesave në Greqi, ka qenë një nga më të fuqishmit në rajon, sipas të dhënave nga Banka e Greqisë, e cila kohët e fundit tregoi, se çmimet e pronave të banimit u rritën 13.4 % vitin e kaluar.
Ndryshimet e kohëve të fundit, në tregun e banesave të Eurozonës, ka qenë shumë më pak i rëndë se sa u prit fillimisht, pavarësisht nga rritja e çmimeve pothuajse 50 %, në dekadën pas fillimit të krizës së borxhit sovran të rajonit në 2012.
Në bazë tremujore, çmimet e BE-së ranë 0.3 % në tre muajt e fundit të 2023, krahasuar me tremujorin e mëparshëm dhe çmimet e Eurozonës ranë me 0.7 %.
Çmimet arritën kulmin në tremujorin e tretë të 2022, menjëherë pasi Banka Qendrore Europiane, filloi të rrisë normat e interesit në përgjigje të rritjes më të madhe të inflacionit.
Kritikët e BQE-së, fajësuan politikën e pashtrënguar deri në vitin 2022, për fryrjen e çmimeve të aktiveve, veçanërisht pronave, gjatë dekadës së fundit. Por, që kur banka qendrore, filloi të rrisë normën e saj standarde të depozitave, për të arritur një nivel rekord prej 4 % vitin e kaluar, çmimet e banesave në Eurozonë, kanë rënë vetëm 2.9 %.
Ka shenja se çmimet e banesave, po rikuperoheshin në Gjermani në fillim të këtij viti, pasi huadhënësit e vendit, ulën normat e hipotekave, ndërsa ndërmjetësi Interhyp, tha se janari ishte muaji më i ngarkuar ndonjëherë për kërkesat e klientëve./abcnews.al
Tarifa e hyrjes në Venecia do të rifillojë nga e premtja, me risinë kryesore këtë vit që ata që planifikojnë vizita për një ditë do të paguajnë dyfishin, raporton The Guardian, transmeton KosovaPress.
Vitin e kaluar, si pjesë e një eksperimenti për të demoralizuar vizitorët e ditës gjatë periudhave të ngarkuara, Venecia u bë qyteti i parë turistik i madh në botë që ngarkon njerëzit për të hyrë.
Megjithëse iniciativa pati një ndikim të vogël në numrin e vizitorëve, ajo arriti të mbledhë 2.4 milionë euro për thesarin e qytetit të lagunës, shumë më tepër se sa pritej, dhe autoritetet e Venecias besojnë se do të kontribuojë në ndihmën për të luftuar turizmin masiv në qytetin që është pjesë e trashëgimisë botërore të UNESCO-s.
Tarifa e këtij viti, e cila mund të rezervohet online, mbetet 5 euro, por do të dyfishohet nëse blihen brenda tre ditëve para mbërritjes në qytet. Për më tepër, ajo është zgjeruar për t’u aplikuar në 54 data, kryesisht fundjavave, nga 18 prilli deri më 27 korrik, pothuajse dyfish i numrit të ditëve krahasuar me vitin e kaluar. Masa do të aplikohet nga ora 8:30 deri në orën 16:00, sipas orarit lokal.
Vizitorëve u jepet një kod QR, i cili duhet të prezantohet përpara stafit të angazhuar për të patrulluar pikat kryesore të hyrjes në qytet, siç është stacioni hekurudhor Venezia Santa Lucia.
Kushdo që ka rezervuar një qëndrim për natën në Venecia është i përjashtuar nga pagesa e tarifës, ashtu si turistët nga rajoni më i gjerë i Veneto-s, nga i cili vijnë shumica e vizitorëve të ditës, si dhe fëmijët nën moshën 14 vjeçare. Por, edhe nëse një vizitor ka rezervuar një dhomë hoteli, ata janë ende të detyruar të regjistrojnë praninë e tyre në faqe.
Viti i kaluar vendosi një rekord të ri për vizitorët në Venecia dhe rajonin e saj më të gjerë, me më shumë se 3.9 milionë njerëz që qëndruan për natë në qendrën historike të qytetit. Megjithatë, rreth 30 milionë njerëz vizitojnë çdo vit, shumica e të cilëve vijnë vetëm për një ditë.
Më shumë se 35,000 vizitorë të ditës kanë rezervuar tashmë një biletë, sipas faqes lokale të lajmeve, Venezia Today.
Simone Venturini, këshilltar i turizmit në Venecia, tha se, megjithëse nuk ka një “shkop magjik” për të zgjidhur një problem që ndikon shumë qytete turistike evropiane, plani i tarifës së hyrjes “përfaqëson një mjet të prekshëm dhe inovativ” për analizën e të dhënave dhe menaxhimin e flukseve të vizitorëve.
“Do të jetë një udhëtim i gjatë, por nga tani qyteti do të mund të mbështetet në të dhëna objektive, jo thjesht në vlerësime, për të kuptuar fenomenin e turizmit masiv”, tha ai. “Qëllimi ynë është të inkurajojmë turizmin cilësor – qëndrimet për natë – që respekton qytetin dhe kërkon të angazhohet me të në një nivel më të thellë, duke përqafuar karakterin dhe ritmin e tij unik”.
Një tjetër qëllim ishte “të arrihet një balancë më e mirë midis të drejtave të atyre që jetojnë në Venecia dhe atyre që dëshirojnë ta vizitojnë”, shtoi ai.
Ndërkohë, tarifa u pranua kryesisht nga turistët vitin e kaluar, por u kundërshtua ashpër nga banorët e Venecias. Shumë prej tyre besojnë se mënyra e vetme për të arritur një turizëm më të qëndrueshëm do të ishte të synohen ata që qëndrojnë për natë duke u ndaluar qiratë e pushimeve afatshkurtra dhe duke përmirësuar shërbimet për popullatën e gjithë vitit, e cila në vitin 2022 ra nën 50,000 për herë të parë. Giovanni Andrea Martini, këshilltar në Venecia nga opozita, është ndër kritikët më të dukshëm të tarifës.
“Nuk ka bërë absolutisht asnjë ndryshim”. tha ai. “Numrat në fakt janë rritur. Disa ditë të fundit, jemi mbingarkuar”.
Megjithëse nuk ka pasur protesta të reja kundër tarifës, banorët kanë kundërshtuar përpjekjet për të inkurajuar turistët të vizitojnë zona më pak të njohura të ishullit kryesor të Venecias.
“Është një masë e synuar për të reduktuar presionin turistik, por natyrisht ka provokuar zemërim te ata që jetojnë në këto zona, pasi do të prishë paqen e tyre”, tha Martini. “Po bëhet akoma më tragjike për ata që jetojnë këtu”.
Kina njoftoi të premten se e ka rritur tarifën ndaj mallrave amerikane nga 84 për qind në 125 për qind, duke iu kundërpërgjigjur presidentit amerikan, Donald Trump, i cili ditë më parë e rriti tarifën ndaj mallrave kineze në 145 për qind.
Tarifa e re e Pekinit për mallrat e importuara nga Shtetet e Bashkuara do të hyjë në fuqi të shtunën.
Kina kishte paralajmëruar se do t’i luftonte tarifat amerikane me kundërmasa, duke i cilësuar veprimet e Trumpit si “bullizëm ekonomik”.
Veprimet e Trumpit për tarifa ndaj të gjitha vendeve të botës bënë që drejtuesit e bizneseve të paralajmëronin për recesion të mundshëm ekonomik. Disa nga partnerët më të mëdhenj tregtarë të SHBA-së u hakmorën duke vendosur taksa ndja mallrave amerikane, megjithatë Trump njoftoi një pezullim 90 ditor.
Por, Trump dhe Kina vazhduan tarifat reciproke ndaj njëri-tjetrit.
“SHBA-ja, duke rritur tarifa anormale ndaj Kinës, është kthyer në një lojë numrash, e cila nuk ka asnjë rëndësi praktike ekonomike, dhe do të shndërrohet në një shaka në historinë e ekonomisë botërore”, tha një zëdhënës i Ministrisë së Financave të Kinës në një komunikatë.
“Megjithatë, nëse SHBA-ja këmbëngul të vazhdojë t’i shkelë në mënyrë të konsiderueshme interesat e Kinës, Kina do të kundërpërgjigjet me vendosmëri dhe do të luftojë deri në fund”, tha ai.
Ministria e Tregtisë e Kinës tha se do ta dorëzojë një tjetër padi në Organizatën Botërore të Tregtisë kundër tarifave amerikane.
Javën e kaluar, Pekini pezulloi importet e sorgumit dhe shpendëve nga disa kompani amerikane, vendosi më shumë kontrolle eksporti mbi mineralet e rralla, të cilat janë thelbësore për teknologji të ndryshme, dhe vendosi disa dhjetëra kompani amerikane në lista që ua ndalojnë kompanive kineze t’u shesin atyre mallra për përdorim të dyfishtë.
Duke pasur parasysh madhësinë e dy ekonomive, ekspertët kanë frikë se do të ketë trazirë ekonomike globale.
Kreu i OBT-së, Ngozi Okonjo-Iweala, tha më herët këtë javë se lufta tregtare midis SHBA-së dhe Kinës “mund ta dëmtojë rëndë perspektivën ekonomike globale”.
Dyshohet se një shtetas i Kosovës ka vrarë bashkëshorten e tij, po ashtu kosovare, në një fshat të Zvicrës, e më pas ka vrarë edhe vetën.
Thuhet se i dyshuari mësohet të jetë nga Malisheva dhe ka shtënë me armë zjarri ndaj viktimës, e cila po ashtu është nga një fshat i Malishevës.
Referuar medias La liberte, thuhet se fillimisht i dyshuari ka shtënë me armë zjarri edhe jashtë shtëpisë, në të cilën ka hyrë më pas dhe objekti më vonë është kapluar nga zjarri.
Raportohet se në shtëpi janë gjetur dy trupa të pajetë, dhe thuhet se njëri nga ta mund të jetë i dorasit.
Ndërkohë mosha e dorasit sipas policisë zvicerane është 42 vjeç, ndërsa gruaja është e moshës 38 vjeçe.
Gjithashtu, mësohet se çifti ka lënë pas katër fëmijë.
Mediat në Zvicër raportojnë se rasti është ende i dyshimtë dhe se viktimat ende nuk janë identifikuar.
Televizioni ka mësuar se çifti është përballur me probleme me vete për një kohë të gjatë, dhe kanë pasur një lidhje me ndarje e bashkime.
E ndjera thuhet ta ketë denoncuar bashkëshortin e tij për dhunë, dhe i njëjti ka qëndruar i mbyllur për 1 muaj. E me të dalë në liri, dyshohet të ketë ndodhur rasti tragjik.
Media zvicerane laliberte.ch ka dhënë detaje nga ky rast i rëndë, i ndodhur të enjten në mëngjes në fshatin Epagny në Zvicër.
Dy persona janë gjetur pa shenja jete në rrënojat e një shtëpie të shkatërruar nga zjarri. Policia thotë se njëri nga dy trupat e vdekur mund të jetë i të dyshuarit për të shtënat me armë zjarri në afërsi të shtëpisë para zjarrit.
papërcaktuara”, ka thënë policia kantonale e Fribourgut të enjten mbrëma.
Dy viktima ende nuk janë identifikuar.
Policia kantonale është njoftuar për një rast të shtënash rreth orës 9:15 të enjten nga një person afër një shtëpie. Sipas informacioneve që ka siguruar policia, një burrë, me një armë të gjatë, ka hyrë në shtëpi. Zjarri ka shpërthyer më pas në atë shtëpi, e ndodhur afër disa bizneseve të cilat shpëtuan.
Zjarrfikësit kanë intervenuar në fikjen e zjarrit, i cili u vu nën kontroll në mesditë. Vetëm në orët e pasdites, policia arriti të identifikonte njërin nga trupat në rrënojat e mbetura nga zjarri, ndërsa u gjet edhe një armë zjarri.
Trupi i dytë i pajetë është gjetur në mbrëmje.
Hetimet po vazhdojnë nga Zyra e Prokurorit Publik. Në këtë fazë, shumë pyetje mbesin pa përgjigje derisa identifikimi formal i dy viktimave po vazhdon.
Avokatja ndan detaje tronditëse nga rasti i “foshnjës në lavatriçe”
Kthehet tarifa prej 5 euro për turistët në Venecia
Prokuroria dorëzon ankesë për vendimin e Gjykatës së Tetovës për rastin e vdekjes së Teodora Ristovskës
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve