Lajme nga vendi
“Po shkunden plakat”, qytetarët për ndryshimin e motit
Ndryshimi i temperaturave brenda ditësh, reshjet e shiut dhe borës që përfshinë disa pjesë të vendit, të moshuarit i përshkruajnë me një fjali “Po shkunden plakat”. Kjo gojëdhënë e përcjellë gjeneratë pas gjenerate kujtohet çdo pranverë në fund të muajit mars, kur moti pëson ndryshime të mëdha.
“Koha në pranverë, se ato plakat janë, tash koha është, ato plakat e bëjnë dimër, i kanë tre ditë që ja ka marr (shkurtit), edhe për shkak të asaj i dërgon ato adetet, për këtë koha ndryshon… Muhabeti i plakave, ajo kishte qenë një plakë që ka nxjerrë dhi dhe dele në bjeshkë edhe thot krejt i kam, Zotit i thotë, ty nuk ta kam, edhe Zoti ja dërgon një furtunë (kijametin) edhe ja zhduk bagëtinë. Tre ditë e bën atë borën, kijametin. Edhe në atë kohë ka mbet, akoma ato adete i çon ajo”, tha një qytetare.
Ndryshimi drastik i motit ndikon ndaj shëndetit. Një pjesë e qytetarëve ankohen se për shkak të motit të ndryshueshëm po përballen me probleme shëndetësore.
“Kokëdhimbje, humbje të vetëdijes, por edhe vitet e bëjnë të vetën”, u shpreh një tjetër qytetare.
Nga ndihma e shpejtë thonë se gjatë kësaj periudhe ka pasur rritje të thirrjeve për ndihmë. Mjekët rekomandojnë konsum të shtuar të ujit, frutave dhe perimeve.
“Numri i thirrjeve normal është rrit, zakonisht kemi më shumë persona që kërkojnë ndihmë kur kanë probleme me vështirësitë në frymëmarrje duke e ditur që ndryshimi I temperaturave ndikon zakonisht te personat me sëmundje në sistemin kardiovaskularë, të tipit me tension të lartë…Ne mjekët rekomandojmë që këta persona zakonisht të marin terapinë paraprakisht duke e matur tensionin, sidomos ata me tension të lartë”, deklaroi Rihad Rexhep , Ndihma e Shpejtë.
Ndërkohë sipas sinoptikëve temperatura të ulëta nuk do të ketë më. Në fundjavë temperaturat do të jenë verore, pasi pritet të arrijnë deri në 28 gradë celsius.
“Reshjet do të vazhdojnë edhe nesër, në orët e mëngjesit dhe të paradites, megjithatë kjo valë e lagështisë do të kalojë shumë shpejt, kështu që prej pasdite do të kemi përmirësim të motit dhe ulje të vranësirave… Prej të premten dhe në ditët e fundjavës do të kemi mot të qëndrueshëm, me diell dhe ngrohtë. Të shtunën dhe të dielën me temperaturë ditore deri në 28 gradë”, tha Juliana Fidanoska Mishkoska, sinoptikane.
Sipas analizave të fundit të temperaturat këtë pranverë do të jenë më të larta se të zakonshmet për këtë periudhë të vitit, por nuk do të mungojnë edhe reshjet e shumta të shiut. /Alsat.mk
Një defekt teknik në sistemin e qarkullimit të ujit, shkaktoi avull të fortë dhe kollë, tek klientët në një pishinë hoteli në Ohër. Katër persona u dërguan në Spitalin e Përgjithshëm të Ohrit pas një arome të fortë dhe depërtuese e klorit, që u ndje në një pishinë hoteli në qytet, që u shoqëruar me avull të shtuar.
Incidenti u paraqit nw Sektorin e Policisë së Ohrit, më 19 janar rreth orës 17:30. Sipas informacioneve, personat që ndodheshin aty i kaploi kola e fortë, gjë pas së cilës u kërkua ndihmë mjekësore.
Të lënduarit u mbajtën në spital për trajtim, por, siç informojnë autoritetet, ata janë jashtë rrezikut.
Pas kontrolleve të ndërmarra, u përcaktua se kishte një problem teknik në sistemin e qarkullimit të ujit të pishinës. Një kompani e autorizuar ndërhyri dhe zëvendësoi pjesën difektoze të sistemit, gjë që e vuri situatën nën kontroll.
Shërbimet kompetente njoftuan se masat për sqarimin dhe dokumentimin e plotë të ngjarjes po vazhdojnë, pas së cilës do të paraqitet një raport përkatës. (plusinfo.mk)
Lajme nga vendi
Para, ar, ilaçe e cigare! Drejtoria e Doganave njofton për disa sekuestrime të realizuara
Drejtoria e Doganave informon se janë zbuluar disa tentativa për kontrabandë të mallrave të ndryshme dhe disa tentativa për trafik të shumave të mëdha të parave, përcjell TV21. Mes tjerash, tek dy shtetas grekë, të cilët u paraqitën për dalje nga vendi në pikën kufitare “Tabanoc”, u gjetën 13.900 euro të pa deklaruara, tre monedha ari dhe një pllakë ari rreth 90 gramë.
“Gjatë kontrollit personal të personave, tek xhepi i xhaketës së shoferit u gjetën 23.900 euro, ndërsa në portofolin e tij dhe në xhepin e përparëm të pantallonave të tij u gjetën tre monedha ari, secila me peshë rreth 8 gramë, dhe një pllakë ari me peshë rreth 90 gramë. Sipas ligjeve në fuqi, pasagjerit iu kthyen 10.000 euro, shuma që një rezident mund ta nxjerrë lirshëm nga vendi, ndërsa 13.900 euro, monedhat e arit dhe pllakën e arit u sekuestruan përkohësisht”, njofton Drejtoria e Doganave.
Lajme nga vendi
Trençevska: Kemi frikë nga abuzimet me “Safe City”, nuk e dimë kush e kontrollon atë
Nënkryetarja e LSDM-së, Jovanka Trençevska, është skeptike në lidhje me Ligjin për Kundërvajtjet, i cili është i rëndësishëm për funksionimin e projektit “Safe City”.
“Mbikëqyrja mbi të gjithë sistemin nuk është në ligj dhe kjo është një çështje që duhet të diskutohet. Kemi frikë nga abuzimi.
Prandaj, duhet të ketë një mekanizëm për mbikëqyrje dhe kontroll. Mënyra se si është ngritur sistemi, nuk e dimë kush e kontrollon dhe nuk e dimë nëse do të ketë abuzime, dhe duke mësuar nga sundimi dhe praktika e pushtetit të OBRM-PDUKM-së, me të vërtetë kemi dyshime. Kush e ushqen softuerin dhe kompjuterin? Faktori njerëzor, në fund të fundit. Kemi frikë nga çdo lloj abuzimi”, tha Trençevska në emisionin “360 gradë”.
Trençevska pohon se si projekt, LSDM e mbështet atë, duke theksuar se është koha për të ndaluar numrin e viktimave të aksidenteve rrugore. Megjithatë, sipas saj, ata do të diskutojnë brenda partisë një qëndrim përfundimtar në lidhje me një votim të mundshëm për Ligjin për Kundërvajtjet.
Sistemi “Safe City”, sipas njoftimeve nga autoritetet, duhet të fillojë zyrtarisht funksionimin më 1 shkurt.
4 persona u shtruan në spital për shkak të klorit në pishinën e hotelit në Ohër
Para, ar, ilaçe e cigare! Drejtoria e Doganave njofton për disa sekuestrime të realizuara
Trençevska: Kemi frikë nga abuzimet me “Safe City”, nuk e dimë kush e kontrollon atë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
