Connect with us

Lajme nga vendi

Duke u marë me Rusinë, partitë shqiptare po i harrojnë hallet e qytetarëve në Maqedoni

Published

on

Deri sa qytetarët në Maqedoninë e Veriut po përballen me probleme  të shumta e të përditshme, partitë shqiptare kanë zgjedhur temën e Rusisë për t’u “përplasur” mes vete në distancë në fushatën e cila edhe pse nuk ka filluar zyrtarisht, megjithatë po mer hov gjithnjë e më shumë. Rusia është bë temë qendrore e debatit politik, deri sa qytetarët çdo ditë përballen me thellim të varfërisë, largim të rinisë jashtë vendit, rënie të ekonomisë në shumë sektorë të saj, si dhe probleme tjera.

Korrupsioni luëzon, vazhdon rënia e besimit tek gjyqësori, tenderët e dyshimtë shothen edhe më tej dhe këto do të mund të ishin temat e radhës ku do të duhej të vendoset fokusi, e jo i gjithë potenciali të harxhohet me “Rusinë”, kur e dimë se ka kush e lufton Rusinë, e jona është që të zhvillojmë demokracinë.

Vlen e shpall të “pavlefshëm” proamerikanizmin e BDI-së

Opozita shqiptare theksin mes tjerash e vendos tek takimi i kandidatit të BDI-së për president Bujar Osmani në cilin e ministrit të jashtëm të RMV-së me ministrin e jashtëm rus Sergej Lavrov në samitin e OSBE-së, në Shkup.   “Është pikërisht kandidati për president i BDI-së, ministri i Jashtëm Bujar Osmani, i cili si bedel i Ali Ahmetit ishte njeriu që negocioi me Nikolla Gruevskin në Budapest për kthimin e tij, ndërsa ai vetë u bë edhe nikoqir i ministrit të Jashtëm të Rusisë, Sergej Llavrov, duke u bërë i pari dhe i vetmi që ia ka hapur dyert Rusisë për të defiluar në Europë pas agresionit të saj në Ukrainë. Proamerikaznimi i rremë i BDI-së e ka emrin “Sergej Llavrov mysafir i Bujar Osmanit”, akuzon VLEN.

Sipas opozitës, sa më shumë që kalon koha gjithnjë e më shumë po bindemi se slogani i BDI-së, “Po Europës – jo Rusisë”, në vete fsheh një frikë nga droja e zbulimit të lidhjeve të vërteta ruse të Bashkimin Demokratik për Integrim.

Advertisement

“Duke dashur të shtiren sa më perëndimorë dhe më proamerikanë, duket se ata i ka tradhtuar nënvetëdija, ashtu që në sloganin e fushatës e kanë projektuar realitetin e asaj që fshihet nën emrin BDI. Opinioni e di fare mirë, por vetëm po ia rikujtojmë se pikërisht eksponentë të lartë të kësaj partie janë persona të dyshuar për lidhje me qarqe antiamerikane dhe për këtë ka fakte të prekshme. Është kryetari i Strugës, kuadër i BDI-së, Ramiz Merko, i cili është futur në listën e zezë amerikane për shkak të korrupsionit dhe abuzimit me drejtësinë. Por, nuk është vetëm ai. Ish kryetarja e Komunës së Tetovës dhe nënkryetarja e deridjeshme e BDI-së, Teuta Arifi, vazhdon të mbahet mend si bashkëpunëtore e biznesmenit me lidhje ruse, Daka Davidoviq, që po ashtu është në listën e zezë amerikane.

Madje, sipas informacioneve tona, Teuta Arifi është refuzuar për ambasadore në SHBA dhe në Bruksel pikërisht për shkak të këtyre vjegëzave. Në listën e zezë amerikane vazhdon të jetë edhe Menduh Thaçi, bashkëpunëtori i ngushtë i Ali Ahmetit. Gjykuar nga kjo që u tha më sipër, mund të konkludojmë se nuk ka provë më të mirë se BDI-ja po i humb zgjedhjet sesa teza e tyre e dëshpëruar se zgjedhjet e 24 prillit dhe 8 majit të këtij viti janë zgjedhje ku qytetarët duhet të zgjedhin mes Amerikës dhe Rusisë. E vërteta është se në këto zgjedhje qytetarët duhet të përcaktohen mes koalicionit proeuropian VLEN dhe elitës së korruptuar të BDI-së që NUK VLEN për asgjë, sepse tashmë 20 vjet po i mban peng shqiptarët e Maqedonisë së Veriut.

Ndërkaq, narracioni me gogolin rus më shumë flet shërben si një tregues tjetër simptomatik se BDI-ja po përgatit një krizë politike për ta parandaluar njohjen e disfatës së sigurt zgjedhore. Sidoqoftë, krejt këto ëndrra perëndojnë më 8 maj në mbrëmje dhe nga 9 maji nuk u bën më dobi as propaganda e shtrenjtë mediale e as llafologjia boshe properëndimore”, thekson opozita shqiptare në kumtesën e fundit.

BDI e “shqetësuar” se opozita po “koordinohet” me Levicën dhe VMRO-DPMNE-në

Bdi shprehet e shqetësuar nga akuzat e opozitës, e madje në këto akuza sheh edhe koordinim të koalicionit VLEN me Levicën dhe VMRO-DPMNE-në, shkruan Zhurnal.  “Bashkimi Demokratik për Integrim me shqetësim të madh po përcjell akuzat, shpifjet dhe fyerjet që opozita i bën kandidatit për president Bujar Osmani, si dhe ndaj kryeministrit Talat Xhaferit, ndërsa alarmon për skenar rus që synon trazira politike pas 8 majit.

Advertisement

Të koordinuar bashkë me VMRO-DPMNE-në e Mickoskit dhe LEVICËN e Apasievit, si dhe në mungesë të Programit zgjedhor, koalicioni VLEN ka përforcuar shpifjet ndaj Bujar Osmanit dhe Talat Xhaferit, ndërsa nuk po i kursejnë edhe familjarët e zyrtarëve, gjë që po shqetëson edhe qytetarët, por është njoftuar edhe faktori ndërkombëtar në vend. Ftojmë opozitës si shqiptare ashtu edhe atë maqedonase, të zhvillojnë fushatë në pajtim me vlerat europiane dhe demokratike, pasi çdo gjë kundër, do të thotë largim nga Bashkimi Europian dhe afrim me Moskën e Putinit”, thuhet në reagimin e BDI-së.

Partia e Ahetit përshëndet vendimin e OSBE-ODIHR që zgjedhjet e 24 prillit dhe 8 majit t’i përcjellin me 24 vëzhgues afatgjatë dhe 300 vëzhgues afatshkurtër, pasi “vlerësojmë se këto zgjedhje do të jenë vendimtare për të ardhmen e vendit – atë “PO Europës, JO Rusisë”. “Sigurojmë opinionin se BDI, njëjtë sikurse edhe vitet tjera, do të organizojë zgjedhje të lira, demokratike dhe të pranuara ndërkombëtarisht, ndërsa tentimet e opozitës për të shkaktuar krizë do të marrin përgjigjen e merituar më 8 maj – kur do të vuloset përfundimisht humbja e tyre”, .

Për cilat tema përplasen partitë maqedonase?

“LSDM ka një vizion të qartë për vendin si shtet anëtar i Bashkimit Evropian dhe ne kemi një plan të qartë se si ta bëjmë atë. Ne jemi partia që siguruam statusin e kandidatit për anëtarësim në BE, dhe anëtarësimin në NATO dhe fillimin e negociatave me BE e siguruam pas 17 vitesh pritje”, tha Dimitar Kovaçevski për “Sloboden Peçat”.

“Në anën tjetër, VMRO nuk ofron ndonjë plan për progres të qartë në integrimet evropiane, përkundrazi dëgjohen deklaratat e tyre ku thonë se nuk duhet të anëtarësohemi për njëqind vjet, e ndoshta asnjëherë. Kjo tregon se ata po vazhdojnë politikën e Nikolla Gruevskit, ish-kryetarit të tyre, duke qenë se këto janë të njëjtat qëndrime që kemi dëgjuar në atë kohë. Me ta, Maqedonia e Veriut do të kthehet në dhomat e pritjes dhe në të kaluarën e errët të proceseve jodemokratike”, shtoi ai.

Advertisement

Kurse nga VMRO-DPMNE akuzojnë kandidatin për president të mbështetur nga LSDM, Stevo Pendarovski, se ka amnistuar një kriminel. Nga kjo parti kanë publikuar disa fotografi të Pendarovskit bashkë me disa figura, emrat e të cilëve lakohen për lidhje me nëntokën. “Çfarëdo që të thotë Stevo Pendarovski, ai hedh poshtë fjalën. Në vitin 2019 ai premtoi se nëse nuk ka drejtësi, nuk do të ketë qetësi. Ai premtoi se ata që kanë kryer krime do të mbajnë përgjegjësi pa dallim. Ai tha se nga pozita e presidentit nuk i shkonte ndërmend të amnistonte kriminelët. Jo që nuk e mbajti fjalën, por amnistoi një person, që sipas mediave është lider i një karteli të drogës në Shkup përgjegjës për vrasje mafioze dhe tregti të paligjshme të drogës. Nëse kjo nuk është një nga format më të rënda të krimit, atëherë Stevo Pendarovski ka problem real me perceptimin”, thuhet mes tjerash në kumtesën e VMRO-DPMNE-së.

Në fund të njoftimit, VMRO-DPMNE akuzon Pendarovskin për mungesë të përgjigjeve dhe fshehjen nga publiku për dy javë, duke e cilësuar si një shkelje të dinjitetit të popullit dhe shtetit të Maqedonisë. Ata e përshkruajnë kohën për ndryshime të menjëhershme. Ky skandal ka potencialin për të përkeqësuar imazhin dhe integritetin e Presidentit Pendarovski./Zhurnal

Lajme nga vendi

Komuna e Gostivarit dhe qeveria do të punojnë bashkërisht në përmirësimin e transparencës dhe luftës kundër korrupsionit

Published

on

Vetëqeverisja lokale dhe Qeveria së bashku do të punojnë në përmirësimin e transparencës në punë dhe në përballjen me korrupsionin. Këto janë konkluzionet pas takimit të personit të parë të komunës së Gostivarit, Valbon Limani dhe zëvendëskryeministrit për Politika dhe Qeverisje të Mirë, Arben Fetai.

Në paraqitjen e parë zyrtare dhe vizitën e parë në Komunën e Gostivarit, Fetai foli në gjuhën shqipe dhe deklaratën për mediat që raportonin në gjuhën maqedonase e dha në gjuhën angleze me arsyetimin se nuk mund të shprehej mirë.

“Kemi diskutuar gjithashtu se do të doja të punoja me pushtetin vendor, për të forcuar transparencën, kemi një ligj për qasje në informacione publike që mezi zbatohet. Do të punojmë me komunat që procedurat e tenderit të publikohen dhe të jenë të aksesueshme për qytetarët dhe për kompanitë dhe që të publikohen dhe kontratat që ndahen, në mënyrë që qytetarët dhe kompanitë të dinë se çfarë po bëjnë komunat me paratë e taksapaguesve”, deklaroi zëvendëskryeministri Fetai.

Ushtruesi i detyrës së kryetarit të Komunës së Gostivarit, Valbon Limani theksoi se me zëvendëskryeministrin kanë biseduar për mundësitë dhe aktivitetet që do të ndikojnë në punën e vetëqeverisjes lokale dhe bashkëpunimin me qeverinë.

“Përveç për transparencns, kemi diskutuar edhe për planet vjetore për përballjen me korrupsionin. Ne propozuam gjithashtu vendisjen e një numri telefoni dhe një adrese elektronike për raportimin e rasteve të dyshimta. Presim që të organizohet një diskutim apo forum publik ku do të diskutohet për këtë fenomen dhe do të nxirren konkluzione që do të ndihmojnë në përballimin e kësaj dukurie”, tha Limani.

Advertisement

Zëvendëskryeministrja Fetai ka treguar se i duhet pak kohë për të shqyrtuar situatën dhe për të përcaktuar prioritetet të cilat, siç tha ai, do të vendosen deri në fund të vitit

Continue Reading

Lajme nga vendi

Ngritet kallëzim penal ndaj Besija Iljazit ish drejtoreshës së Klinikës Universitare për Toksikologji

Published

on

MPB ka njoftuar se Më 12.07.2024, Departamenti për luftimin e krimit të organizuar dhe të rëndë, Njësia për korrupsion në bashkëpunim me Departamentin e Policisë Kriminale, ngriti kallëzim penal kundër B.I. (29) nga Tetova, për shkak të dyshimit të bazuar se ka kryer vepër penale “shpërdorim i pozitës dhe autorizimeve zyrtare”, e parashikuar dhe e dënueshme sipas nenit 353, paragrafi 3 dhe paragrafi 1 të Kodit Penal.

E pandehura B.I., në cilësinë e ushtrueses së detyrës së drejtorit organizativ të Institucionit Publik Shëndetësor – Klinika Universitare për Toksikologji, duke tejkaluar autorizimet e saj zyrtare në periudhën nga 14.02.2024 deri më 24.06.2024, me qëllim të sigurimit të përfitimeve të paligjshme pasurore për 17 persona, më 15.05.2024 ka nënshkruar 15 kontrata për punë me 15 persona të cilët ishin të angazhuar në Klinikën Universitare për Toksikologji (dhe persona të tjerë pa bazë ligjore të rregulluar për praninë e tyre në klinikë), pas çka, retroaktivisht, për personat e supozuar të angazhuar për punë, për muajt prill dhe maj 2024 ka lëshuar dy urdhra pagese dhe ka kryer pagesën e kompensimit mujor për angazhimin e supozuar në një shumë totale prej 659,781 denarë me përfshirjen e tatimit personal mbi të ardhurat.

Pagesat e përmendura janë kryer në mënyrë të paligjshme, me çka e pandehura B.I. ka dëmtuar Institucionin Publik Shëndetësor Klinika Universitare për Toksikologji për një shumë totale të pagesave të kryera me tatimin e paguar prej 659,781 denarë.

Sipas të dhënave të lartpërmendura, e pandehura ka kryer veprime zyrtare të cilat nuk duhej t’i kryente, domethënë B.I. ka kryer vepër penale “shpërdorim i pozitës dhe autorizimeve zyrtare” sipas nenit 353, paragrafi 3 i lidhur me paragrafi 1 të Kodit Penal, duke dëmtuar Institucionin Publik Shëndetësor Klinika Universitare për Toksikologji për shumën prej 659,781 denarë.

Continue Reading

Lajme nga vendi

DMSH nënshkroi kontratë me dy pilotët e pensionuar të “Er traktor”, pritet përfshirja e tyre në shuarjen e zjarrit në rajonin e Negotinës

Published

on

Drejtoria për Mbrojtje dhe Shpëtim (DMSH) ka nënshkruar marrëveshje me dy pilotët në pension të “Er traktor” dhe gjatë ditës pritet të përfshihen në shuarjen e zjarrit në rajonin e Negotinës, ka bërë të ditur për MIA-n drejtori i DMSH-së, Bekim Maksuti.

Ai theksoi se dy pilotët tashmë kanë shkuar në aeroport dhe pasi të kenë kaluar procedurat që kërkohen para çdo fluturimi do të drejtohen për në malin Serta në rajonin e Negotinës.

“Kemi nënshkruar marrëveshje me dy pilotët dhe për një kohë shumë të shkurtër do të përfshihen në shuarjen e zjarreve në rajonin e Negotinës. Pilotët tashmë janë rrugës për në aeroport, duhet të kalojnë disa procedura para se të jenë gati për të fluturuar dhe në një kohë shumë të shkurtër do të përfshihen në shuarje”, deklaroi Maksuti për MIA-n.

Drejtori nuk ka dashur të tregojë se për sa rrogë dy pilotët janë rikthyer. Në një bisedë për MIA -në muajin e kaluar, Maksuti tha se për kthimin e dy pilotëve të trajnuar, DMSH-ja kërkon nga Ministria e Financave pagë prej 300 mijë denarë, sepse puna e pilotit në DMSH-së me pagë prej 72 mijë denarë është joatraktive.

Ai shtoi se kontrata është nënshkruar deri në fund të vitit dhe pas skadimit duhet të vendosë Qeveria, sepse, theksoi ai, “është e nevojshme që pagat të shlyhen në nivel shtetëror”.

Advertisement

“Kontrata është nënshkruar deri në fund të këtij viti, do të shohim se çfarë do të vendosë qeveria. Ka ndalesë për konkurse të reja, kështu që sapo të kemi mundësi të rinovojmë konkurset për marrjen e pilotëve të rinj, do ta bëjmë dhe do të shohim nëse ka të interesuar. Para së gjithash, duhet të rregullohet statusi i tyre për sa i përket të ardhurave, është i nevojshëm rregullimi i pagave në nivel shtetëror. Kjo është ende problem, sepse duhet zgjidhur në një nivel më të lartë”, tha Maksuti.

Continue Reading

Më të lexuarat