Connect with us

Lajme nga vendi

(VIDEO) Mashtruesit një hap para, sofistikohen metodat

Published

on

Ndër vite, ndryshimet e vrullshme teknologjike që vështirë të ndiqen nga qytetarët, në anën tjetër janë mashtruesit që gjithnjë ndryshojnë edhe mënyrat e veprimit.Nëse në të kaluarën, mashtruesit vepronin afër bankave, tregjeve dhe institucioneve tjera, duke mashtruar qytetarët në mënyrë direkte, tashmë këta mashtrime ndodhin përmes rrjeteve sociale. Por, edhe në këtë drejtim mashtruesit nga viti në vit ndryshojnë mënyrat e mashtrimit.Nëse viteve të kaluara, mashtrimet ndodhnin me rezervime të hoteleve dhe restoranteve për evenimente të ndryshme si
seminare apo ahengje familjare, mashtrimet me lëndën djegëse peletë, tash në modë janë mashtrimet me shitjet online. Në një raport të policisë së Tetovës thuhet se në rajonin e Pollog. brenda 70 ditëve të këtij viti janë regjistruar 11 mashtrime që kanë të bëjnë me blerjet online.
“Në dy muaj e gjysmë të këtij viti në rajonin e Pollogut, janë raportuar gjithsej 11 mashtrime edhe atë në Tetovë 9 dhe dy në Gostivar të cilat kryesisht janë zbardhur plotësisht dhe autorët janë zbuluar, gjegjësishtë janë identifikuar se kush janë, dhe do të rrumbullakohen me parashtresa përkatëse” thotë zëdhënësi i Sektorit për Punë të Brendshme në Tetovë Fatmir Rexhepi.
Mashtruesit shpesh herë hapin faqe të ndryshme ku ofrojnë produkte dhe gjësende të ndryshme, kurse pas marrjes së parave i mbyllin faqet.Kjo e bën të rëndë edhe kapjen e autorëve. Përderisa mashtruesit gjithnjë janë në hap me kohën dhe një hap para të tjerëve, nga policia e Tetovës pohojnë se megjithatë arrijnë që të zbardhin këta vepra të mashtrimit përmes departamentit për krime kompjuterike dhe forenzikë.
“Deri më tani të gjitha rastet e denoncuara janë zbardhur dhe rrumbullakuar me padi përkatëse. Nga ana tjetër, ne si sektor ballafaqohemi për çdo ditë, me raste të ndryshme, të cilët raprotohen në SPB.Kështu që vet numri i zbardhjes së rasteve tregon atë se ia dalim mbanë me këtë vepër penale, e cila nga viti në vit ndryshon nga mënyra e mashtrimit prandaj edhe mashtruesit që të mos zbulohen ndryshojnë taktikat e veprimit dhe jo çdo herë përdorin takikë të njejtë”,deklaroi Rexhepi.
Në anën tjetër, apelohet deri tek qytetarët që të jenë më të kujdesshëm kur paguajnë përmes kartelave bankare.“Sektori i Punëve të Brendshme-Tetovë, apelon dhe paralajmëron qytetarët e zonës Tetovë-Gostivar që të jenë jashtëzakonisht të kujdesshëm në kontakte telefonike apo direkte me persona të panjohur, për qëllime afariste apo të tjera. SPB-Tetovë posaçërisht ju tregon që të shmangen kontaktet elektronike dhe porosive për shërbime ushqimore ose komerciale, të cilat kryesisht janë të rreme dhe përfundojnë me mashtrim dhe që përbëjnë vepër penale të dënueshme sipas nenit 247 të Kodit Penal”, apelojnë nga policia.TV KOHA

Lajme nga vendi

Është rihapur për qarkullim vendkalimi kufitar “Bogorodicë”

Published

on

Vendkalimi kufitar “Bogorodicë” është rihapur dhe funksionon normalisht, njofton Ministria e Punëve të Brendshme (MPB) . Kalimi është mbyllur përkohësisht sot për shkak të zjarrit në anën greke të kufirit. Për shuarjen e zjarrit kanë ndërhyrë 39 zjarrfikëse me dy ekipe këmbësorie, 12 automjete dhe një helikopter.

Deri në normalizimin e qarkullimit në vendkalimin kufitar Bogorodicë – Evzoni automjetet janë devijuar në vendkalimin kufitar “Dojran”. Në kamerat e Ndërmarrjes Publike për Rrugët Shtetërore vërehej se në dalje të shtetit ndodhen tre rreshta të automjeteve që presin në dalje të shtetit dhe nuk lëvizin.

Continue Reading

Lajme nga vendi

(VIDEO)Vazhdimi i bulevardit V.S Bato në Tetovë do të realizohet në dy faza

Published

on

Vazhdimi i bulevardit V.S Bato në Tetovë do të realizohet në dy faza. Faza e parë është deri në lagjen Drenovec, respektivisht deri tek ish fabrika e Tullave, ndërsa faza e dytë duhet të realizohet deri në fshatin Poroj. Aktualisht është duke u punuar në fazën e parë, ku janë duke u vendosur kanalizimi atmosferik dhe fekal, rrjeti I ujësjellësit, ndërsa më pas do të vazhdohet edhe me asfaltimin dhe me ndriçimin publik. Nga komuna e Tetovës thonë se për fazën e parë janë siguruar mjetet ndërsa për fazën e dytë do të kërkohet ndihmë nga qeveria e Republikës së Maqedonisë së Veriut. Krahas punëve në teren në vijim e sipër është edhe procesi I shpronësimit të pronave private. “Për sa I përket këtij bulevardi, aktualisht është duke u bërë kanalizimi atmosferik, njëkohësisht ka filluar edhe shpronësimi I pronave, ku janë 38 lëndë për shpronësim.Pasi të përfundohet faza e parë që përfshinë kanalizimet, asfaltimin dhe ndriçimin publik ku vlera totale e fazës së parë kushton reth një milion euro, më pas do të vazhdohet edhe me fazën e dytë por, pasi që është një projekt që kushton më shumë do të duhet të kërkohet mjete nga qeveria për të përmbyllur këtë buevard”, deklaroi Besarta Ramadani, zëdhënse e komunës së Tetovës. Ndryshe, Bulevardi “Vidoe Smilevski – Bato” apo vazhdimi i bulevardit industrial nga qendra sportive e deri tek rruga për te kazerma, është përuruar në vitin 2021,ndërsa ka kushtuar gjithsej 1 milion euro kurse mjetet janë siguruar përmes bankës botërore. Ky bulevard është një ndër arteriet kryesore të komunikacionit për trafikun e stërngarkuar në rrugët e qytetit të Tetovës dhe kishte për qëllim që të evitojë kaosin në pjesët kryesore, sidomos për automjetete që vijnë nga Shkupi dhe Gostivari dhe desticnacion nuk e kanë Tetovën, por rrugën regjionale Tetovë-Jazhincë dhe anasjelltas.Paralelisht në Tetovë zhvillohen edhe dy projekte, njëri prej te kazerma e Tetovës e deri tek dalja në rrugën Tetovë-Jazhincë dhe qarkorja e Tetovës nga autostrada Tetovë-Shkup e deri në fshatin Neprshten. Të gjitha këto tre segmente rrugore nëse përfundojnë brenda disa viteve, do të jetë shpëtim për Tetovën sidomos për automjetetet e rënda të cilët nuk do të duhet që të hyjnë brenda në qytet por do të shfrytëzojnë njërën prej këtyre tre rrugëve.Qarkorja e Tetovës filloi këtë vit, pak para zgjedhjeve dhe sipas paralajmërimeve do të duhet të përfundojë vitin e ardhshëm. TV KOHA

Continue Reading

Lajme nga vendi

(VIDEO) Punët në rrugën e butiqeve fillojnë më 15 gusht

Published

on

Rruga e Butiqeve pritet të fillojë të rikostruohet kah mesi i muajit gusht, thotë kryetari i komunës së Tetovës Bilall Kasami. Rikostruimi i kësaj rruge është shtyer disa herë, filimisht për shkak të pandemisë, pastaj për shkak të rritjes së çmimit të materialeve, ndërsa kishte edhe prolongim të punëve për shkak të mos dhënies së lejes së punëve nga ana e policisë. Kryetari i komunës së Tetovës thotë se punimet do të fillojnë me 15 gushtë , afat që deri më tash është duke u shtyre nga viti 2022 kur edhe kryetari Kasami nënshkroi me ish ministrit të Vetëqeverisjes Lokale Risto Penov. Bilall Kasami- kryetar i komunës Tetovës “ Në rrugën e butileve është dashur të fillojnë punimet por me kërkesë të banorëve të zonës për shkak të përvojave më të hershme që nuk realizoheshin punimet në kohë , kërkuan që punimet të nisin pas largimit të mërgimtarëve dhe dakordimi është pas 15 gushtit të fillojn punimet dhe besoje në afat rekord para fillimit të dimrit të përmbylljen gjithë punimet.” Zakonisht në këtë periudhë kjo rrugë është më shumë e frekuentuar. Banorët janë të ndarë, disa thonë se punimet duhet të fillojnë të paktën me 1 shtator e disa mendoj se 15 gushti është koha e duhur.Anketa Me këtë projekt pritet që të ruhet identiteti dhe autenticiteti i Rrugës së Butiqeve apo i Çarshisë së Epërme. Kjo rrugë në të kaluarën ishte shumë e njohur dhe e frekuentuar nga qytetarët për artizanalet megjithatë sot bizneset që ndodhen aty nuk kanë punë sikur para disa viteve.TV KOHA

Continue Reading

Më të lexuarat