Connect with us

Lajme nga vendi

Listat e kombinuara të BDI-së e vetme apo në koalicion, kush janë emrat për deputetë?!

Published

on

Mediat po vazhdojnë me lajme spekulative se BDI a do shkoj e vetme apo në koalicion në zgjedhje.

Një nga opsionet e shumëpërfolura është koalicionimi me Aleancën për Shqiptarët të Ziadin Selës, Lëvizjen Populli të Skender Rexhepit-Zejdi dhe Partinë Demokratike Europiane të Arjanit Hoxhës.

Sipas zërave  në njësinë zgjedhore 1, bartës jozyrtarisht thuhet se do të jetë Blerim Bexheti, kryetar i Sarajit nga radhët e BDI-së, ndërkaq Skender Rexhepi – Zejdi, lider i Lëvizjes Populli do të jetë i dyti në listë.

Dilema mes bartësve ka ende te njësia 2. Të parët në listë përfliten të jenë Sadulla Duraku dhe Ilir Hasani.

Më tej jozyrtarisht, thuhet se në Njësinë 2 i dyti në listë do të jetë Elmi Aziri nga ASH-ja e Selës. Pas tij vijnë Dijana Toska e Arbër Ademi nga BDI-ja.

Advertisement

Edhe te Njësia e 5 Zgjedhore jozyrtarisht mësohet se nuk ka dilema. Bartës do të jetë Ziadin Sela, kurse befason Musa Xhaferi – pjesë e të ashtuquajturit “Grupi i Zjarrit”, i cili pritet të jetë i dyti në listë.

E kurse te njësia zgjedhore numër 6, jozyrtarisht bëhet e ditur se bartës do të jetë Lideri BDI-së, Ali Ahmeti. Talat Xhaferi do të jetë i dyti, ndërsa pas tij thuhet se do të jenë Ilire Dauti nga ASH-ja, Valdet Xhaferi nga BDI-ja dhe Arjanit Hoxha, lider i PDE-së, raporton TV21.(INA)

Lajme nga vendi

Janevska: Nga viti i ardhshëm do të përcaktohen kuotat e fakulteteve sipas analizës së tregut të punës

Published

on

Nga viti i ardhshëm, kuotat e institucioneve të arsimit të lartë do të përcaktohen në bazë të analizës së tregut të punës dhe të dhënave të Agjencisë për Punësim, deklaroi ministrja e Arsimit dhe Shkencës Vesna Janevska në emisionin “Stadiumi” në Kanalin 77.

Siç thuhet në njoftim, ministrja theksoi se këtë vit nuk ka pasur kohë për të ndërhyrë në konkurs, sepse ai ishte përgatitur nga menaxhmenti i mëparshëm dhe për shkak të afatit të shkurtër, Qeveria e re duhej ta miratonte.

Sipas Janevskës, vendi nuk ka nevojë për aq shumë juristë, për dallim nga mësimdhënësit e matematikës, fizikës dhe kimisë.

Këtë vit nuk kemi pasur kohë të ndërhyjmë në konkurs, sepse ai ishte përgatitur nga menaxhmenti i mëparshëm dhe për shkak të afatit të shkurtër, Qeveria e re duhej ta miratonte pa mundësi korrigjimesh. Por analiza ka filluar. Duhet të zvogëlohen disa kuota, për shembull, Maqedonia nuk ka nevojë për aq shumë juristë, ka nevojë për mësimdhënës të matematikës, fizikës, kimisë dhe ne do t’i stimulojmë të rinjtë me bursa që të zgjedhin profesione që janë të pakta, tha Janevska.

Ministria e Arsimit dhe Kulturës shton se po mendon të vendosë provimet pranuese në të gjitha institucionet e arsimit të lartë, por kjo do të diskutohet më tej.

Advertisement

– Janevska foli edhe për buxhetin për shkencën, të cilin, siç tha ajo, Qeveria synon ta rrisë nga 0,3 për qind të bruto-produktit të brendshëm në 1 për qind dhe se kjo do të ndodhë gradualisht, thuhet në njoftimin e Ministrisë së Arsimit.

Continue Reading

Lajme nga vendi

Aksion i policisë në një klub nate në rrugën e vjetër Tetovë-Shkup, kapen 8 shtetase të huaja të moshës 22 deri në 32-vjeç

Published

on

Mbrëmë (20.07.2024) në periudhën nga ora 00:00 deri në 02:00, policët e SPB Tetovë kryen një kontroll në një klub nate në rrugën rajonale Tetovë – Shkup. Gjatë kontrollit në objekt u gjetën tetë shtetase të huaja të moshës nga 22 deri në 32 vjeç nga Rusia, Moldavia dhe Shqipëria, të cilat kishin keqpërdorur qëndrimin e tyre, pra qëndronin në shtet në kundërshtim me qëllimin e deklaruar. Ato janë arrestuar dhe mbajtur në stacionin e policisë për procedurë të mëtejshme.

Continue Reading

Lajme nga vendi

Lëndohet rëndë elektriçisti nga Reçica e Vogël, duke kryer punime në një shtëpi bie në kontakt me një linjë të tensionit të lartë dhe pëson djegie

Published

on

MPB ka njoftuar se me datë 19.07.2024 në orën 10:10, në SPB Tetovë është raportuar se në Qendrën e Urgjencës në Tetovë është sjellë me djegie H.I. (60) nga Reçicë e Vogël e Tetovës. Sipas raportit, ai kishte ardhur në kontakt me një linjë të tensionit të lartë gjatë punës për instalimin e rrjetit elektrik në një shtëpi në ndërtim në Kallnik të Tetovës dhe kishte pësuar djegie. Inspektimi në vendngjarje është kryer nga një ekip i SPB Tetovë dhe një inspektor i punës.

Continue Reading

Më të lexuarat