Lajme nga vendi

Përse mungojnë duelet televizive ndërmjet politikaneve shqiptarë?

Published

1 year ago

June 19, 2023

Po vjen shumë shpejt koha për zgjedhjet parlamentare, presidenciale, e nuk janë larg as ato lokale. Në zgjedhje partitë politike në emër të demokracisë garojnë për të marrë besimin e qytetarëve që të qeverisin si në pushtetin lokal ngjashëm edhe në atë qendrorë. Por, për të bërë vlerësime objektive e jo të gabuara qytetarëve i duhet të shohin aftësitë e kandidaëve që garojnë pavarësisht pozitave. Pra, thënë më qartë jetike janë debatet televizive ndërmjet kandidateve të ndryshëm nga parti politike të ndryshme për të parë qartë ndeshjen dhe ballafaqimin e argumenteve dhe ofertave të tyre që kanë për qytetarët. Por, kjo praktikë mbase është pak e zbehur në vendin tonë, që është shumë e vështirë t’i bësh bashkë kandidatët që garojnë në një debat televiziv. E aq më pak krerët e partive politike. Përjashtojmë, ish kryeministrin Zaev i cili pati marrë pjesë në një debat televiziv me oponentin e tij Mickovski, që është rast i rrallë. Përderisa në kampin maqedonas dy liderët më të votuar oponent mund të ulen në një studio televizive dhe të debatojnë, në kampin shqiptarë kjo çështje vazhdon të mbetet utopike. Liderët maqedonas nuk e knaë fare problem edhe të ulen kokë më kokë të bisedojnë kur bëhet fjalë për çështje që janë me interes nacional, e për fat të keq liderët shqiptarë mund t’i bashkojë vetëm ndonjë rast mortor, shkruan Zhurnal.

Mickovski fton Kovaçevskin në duel televiziv –

Në kontekst të zhvillimeve aktuale politike në vend lidhur me ndryshimet kushtetuese, Mickovski i bëri thirrje kryeministrit dhe liderit të LSDM-së, Dimitar Kovaçeski që të ballafaqohen në duel televiziv.

“Kovaçevski ka frikë të shkojë në zgjedhje, ka frikë të dalë në duel televiziv. Që të mos ketë e thamë kështu, e thamë ashtu, takim ekipesh, takim liderësh, këtu publikisht para publikut në duel televiziv, ballë për ballë le të themi çfarë të duam dhe ta lëmë popullin të gjykojë”, tha lideri i VMRO-DPMNE-së, Hristijan Mickovski.

LSDM dhe VMRO- DPMNE nuk po bien dakord edhe pas dy javëve prej kur u takuan tek a tek se si të shqyrtohen propozimet, që përfshijnë ndryshime kushtetuese me zbatim të mëvonshëm, zgjedhje të parakohshme, një qeveri të gjerë dhe heqjen e të ashtuquajturës qeveri teknike që doli nga Marrëveshja e Përzhinës. Propozimi për heqjen e qeverisë në njëqind ditët e fundit të mandatit, në parim, ka pëlqimin e të gjitha subjekteve politike, megjithëse ishte pikërisht periudha që BDI pritej ta përdorte për të përmbushur premtimin kryesor parazgjedhor për kryeministrin e parë shqiptar. LSDM përsëriti se ky qëndrim i është ofruar Mickovskit dhe për çështjen e qeverisë teknike, si dhe për propozimet e tjera, i bëri thirrje opozitës të zhvillojë bisedime në grupe pune.

Ishte viti 2018 kur lideri i VMRO-DPMNE-së Mickovski pas mbledhjes së Komitetit Qendror të partisë, duke ju përgjigjur pyetjeve të gazetarëve për takimin me kryeministrin Zaev, pati theksuar se do të dëshironte që ky takim të jetë ballafaqim televiziv, e jo në kabinet.

Ishte i menjëhershëm reagimi dhe përgjigje e Qeverisë së asaj kohe në krye me Zaev, me çka shprehën gatishmërinë që në çdo kryeministri Zaev është i gatshëm të debatojë me oponentin e tij Mickovski. Ky duel televiziv u organizua dhe nuk u bë fundi i botës, zhvillimet politike sërish vazhduan. Ajo çka përfituan qytetarët nga ai debat i realizuar pesë vite më herët ishte fakti që e kishin më të lehtë të bëjnë pozicionimin e tyre, dhe se kujt t’ia besojnë e japin votën e tyre.

Përse liderët shqiptarë nuk pranojnë duelet televizive?

Kampi politik shqiptarë është i organizuar në më shumë parti politike, por që deri më tani nuk ka pasur ende ndonjë debat të shëndoshë apo duel televiziv në mes të liderëve të partive politike, shpesh herë për arsye të njëjta e rrallë herë për arsye të ndryshme.

Një kohë lideri i BDI-së, Ali Ahmeti, i shqetësuar dhe me një tonalitet të lartë teksa po fliste në një emision debativ deklaroi se nuk ulet me horra. Duke aluduar në horra tek ish lideri i Aleancës për Shqiptarët, Ziadin Sela. Ky i fundit, pasi shpëtoi pas ngjarjeve të 27 prillit, më vonë kishte shprehur dyshimet e tij se mund të ketë qenë i informuar Ali Ahmeti për ngjarjet e kobshme në Kuvend, prandaj edhe sipas Selës, Ahmeti është dashtë ta informojë Selën se po përgatitet atentat ndaj tij. E Ali Ahmeti ishte i zhgënjyer thellësisht dhe i dëshpëruar maksimalisht, e kishte deklaruar se nuk do të turpërojë kurrë gjyshërit, prindërit e gjithë veprimtarinë e tij, në përgjigje të akuzave të Selës.

Kujtojmë që, për një kohë të gjatë oponent politik i Ali Ahmetit ishte Menduh Thaçi, por pas daljes së Selës nga PDSH dhe formimit të ASH-së, partia e parë opozitare u bë ASH dhe lideri i opozitës shqiptare për një kohë ishte Ziadin Sela. Ky i fundit i bënte thirrje të vazhdueshme para dhe pas zgjedhjeve Ali Ahmetit për një debat televiziv, por Ahmeti nuk ka pranuar asnjëherë.

E më vonë Ahmeti filloi të arsyetohej me atë se njëherë duhet të vendosin partitë opozitare se cili është lider i opozitës që pastaj të debatojnë me Ahmetin. Pra, ishin vetëm justifike rasti e çasti për të mënjanuar dhe injoruar një duel të mundshëm televiziv mes politikanëve shqiptarë. Përpos që mungojnë duelet televizive, mungojnë edhe takimet tek a tek mes politikanëve shqiptarë për të diskutuar për çështje eventuale që janë me karakter nacional.

Mungesa e ballafaqimit publik si dhe takimeve jo në prezencë të mediave por në mënyrë konsultative mes krerëve të partive politike shqiptare, flet qartazi për nivelin e organizimit politik të shqiptarëve në Maqedoninë e Veriut. Mbase, njëherë ishin bashkuar në një tryezë të organizuar nga Edi Rama, por më pastaj u kritikuar shumë nga maqedonasit se kinse po hartojnë platformën e Tiranës, gjë që nuk e përsëritën më këtë “gabim” politikanët shqiptarë. Dhe, të vendosur një zëri për të mos u takuar dhe ballafaquar publikisht të kërkojnë votën e qytetarëve pa fije korrektësie. /Zhurnal.mk

Lajme nga vendi

Durmishi ndau mjete financiare për organizatat e konsumatorëve për zbatimin e Programit për mbrojtjen e konsumatorëve

Published

13 hours ago

December 4, 2024

TetovaExpres

Ministri i Ekonomisë dhe Punës, Besar Durmishi ndau sot mjete financiare për organizatat e konsumatorëve për zbatimin e Programit për mbrojtjen e konsumatorëve, Programit për bashkëfinancimin e projekteve për zhvillimin dhe avancimin e sipërmarrësisë dhe zejtarisë, aktivitetet programore të rrjeteve të zejtarëve të biznesit, si dhe Programin për mbështetjen e konkurrueshmërisë së industrisë përpunuese dhe përgjegjësisë shoqërore.

Ministria e Ekonomisë dhe Punës, në përputhje me Thirrjen publike për ndarjen e mjeteve për realizimin e programeve (projekteve) të shoqatave të konsumatorëve, ka ndarë mjete financiare për organizatat e konsumatorëve në qytete të ndryshme të shtetit. Janë ndarë mjete për:

Organizata e Konsumatorëve të Ohrit: 350.000,00 denarë;

Organizata e Konsumatorëve të Manastirit: 350.000,00 denarë;

Organizimi e Konsumatorëve të Koçanës: 319.500,00 denarë;

Organizata e Konsumatorëve të Shtipit: 300.000,00 denarë;

Organizata e Konsumatorëve të Tetovës: 340.000,00 denarë;

Organizata e Konsumatorëve të Maqedonisë-Shkup (OKM): 340.200,00 denarë

Në kuadër të Programit për zhvillimin e sipërmarrësisë dhe konkurrueshmërisë së ndërmarrjeve të vogla dhe të mesme, si dhe për nxitjen e zhvillimit dhe avancimit të sipërmarrësisë dhe konkurrueshmërisë së ndërmarrjeve, Ministria e Ekonomisë dhe Punës realizon bashkëfinancimin e projekteve të fondacioneve dhe shoqatave që lidhen me mbështetjen jofinanciare për zhvillimin e biznesit dhe konkurrencës, për bashkëfinancimin e projekteve të shoqatave, fondacioneve dhe odave të zejtarëve për zhvillimin dhe promovimin e zejtarëve, etj., si dhe bashkëfinancimin e projekteve për veprimtari zejtare.

Për të tre masat, është parashikuar bashkëfinancim i 70% të shpenzimeve të projektit, por jo më shumë se 350.000 denarë për aplikant, ndërsa pas realizimit të programit, do të ndahen subvencione për 26 projekte me vlerë të përgjithshme prej 6.132.240 denarë.

Në kuadër të Programit për mbështetjen e konkurrueshmërisë së industrisë përpunuese dhe përgjegjësisë shoqërore, Ministria e Ekonomisë dhe Punës ka realizuar masën për kompensimin e një pjesë të shpenzimeve për akreditimin e laboratorëve, parashikohet zgjerimi i fushëveprimit të akreditimit të

laboratorëve ekzistues për testimin ose prokurimin e pajisjeve për laboratorët për lëshim në treg të produkteve me cilësi të sigurt.

Në kuadër kësaj mase, parashikohet bashkëfinancimi i shpenzimeve prej 50% të shumës jo më shumë se 400.000 denarë për secilin aplikant. Vlera e përgjithshme e vlerësuar është 3.000.000 denarë. Përdorues të kësaj skeme janë 11 laboratorë.

Duke marrë parasysh nevojat e kompanive, Ministria e Ekonomisë dhe Punës do të vazhdojë të zbatojë masa dhe aktivitete që synojnë përmirësimin e konkurrueshmërisë. Lista e përdoruesve është tashmë e disponueshme në faqen e internetit të Ministrisë.

Lajme nga vendi

Gerasimovski: 1735 pensionistë para festave do të marrin nga 2.500 denarë

Published

13 hours ago

December 4, 2024

TetovaExpres

Kryetari i Komunës Qendër, Goran Gerasimovski njofton se është përfunduar thirrja publike për ndarjen e njëhershme të ndihmës financiare në shumë prej 2.500 denarë për pensionistët me pension pleqërie, familjare, invaliditeti ose pensioni social jo më i lartë se 23.758,00 denarë. Në këtë thirrje kanë aplikuar 1735 pensionistë për mbështetje financiare të njëhershme nga Komuna, e cila do të paguhet deri në fund të vitit.

Gerasimovski thotë se për këtë ndihmë kanë aplikuar 1735 pensionistë, e cila është një hap i rëndësishëm për mbështetje gjatë festave të fundivitit.

“Gjatë festave të Vitit të Ri kur e gjithë familjet festojnë së bashku, këto ditë mund të jenë një presion shtesë financiar për pensionistët. Prandaj, detyra jonë është t’ua lehtësojmë jetën e përditshme. Interesimi për thirrjen publike ishte vërtet i madh, besoj se këto mjete do t’u ndihmojnë për buxhetin familjar të festave”, thotë Gerasimovski.

Komuna Qendër, theksojnë nga atje, vazhdon të realizojë projekte përmes të cilave do të fuqizojë bashkësinë lokale, por edhe do të përmirësojë cilësinë e jetës së të gjithë qytetarëve.

Lajme nga vendi

VLEN: Çdo denarë për qytetarët, sipërmarrësit dhe të ardhmen e përbashkët!

Published

13 hours ago

December 4, 2024

TetovaExpres

“Në këtë kohë sfidash dhe krizash të reja, Koalicioni VLEN nuk ndalet! Sot, Ministria e Ekonomisë dhe Punës e drejtuar nga ministri Besar Durmishi, në përputhje me Thirrjen publike ndau mjete konkrete që prekin drejtpërdrejt jetën e qytetarëve tanë – për konsumatorët, zejtarët dhe sipërmarrësit që janë themeli i ekonomisë sonë.

Sepse për ne, secili qytetar është prioritet, dhe çdo denarë i ndarë shkon për të ndihmuar ata që punojnë dhe krijojnë!
Janë ndarë rreth dy milion denarë në të gjithë Shoqatat e Organizatave të Konsumatorëve në vend. Ndërsa pas realizimit të programit, do të ndahen subvencione për 26 projekte me vlerë të përgjithshme prej 6.132.240 denarë”, thuhet në njoftimin e koalicionit VLEN.

“Në kuadër të Programit për mbështetjen e konkurrentësisë së industrisë përpunuese dhe përgjegjësisë shoqërore, Ministria e Ekonomisë dhe Punës ka realizuar masën për kompensimin e një pjesë të shpenzimeve për akreditimin e laboratorëve, parashikohet zgjerimi i fushëveprimit të akreditimit të laboratorëve ekzistues për testimin ose prokurimin e pajisjeve për laboratorët për lëshim në treg të produkteve me cilësi të sigurt. Në kuadër kësaj mase, parashikohet bashkëfinancimi i shpenzimeve prej 50% të shumës jo më shumë se 400.000 denarë për secilin aplikant. Vlera e përgjithshme e vlerësuar është 3.000.000 denarë. Përdorues të kësaj skeme janë 11 laboratorë.

Te masa e kompensimit të një pjese të shpenzimeve për mirëmbajtjen dhe zbatimin e praktikave të pranueshme sociale të subjekteve afariste, vlera e përgjithshme e mjeteve është 2.000.000 denarë, ndërsa Ministria e Ekonomisë dhe Punës bashkëfinancoi 8 kompani. Duke marrë parasysh nevojat e kompanive, Ministria e Ekonomisë dhe Punës do të vazhdojë të zbatojë masa dhe aktivitete që synojnë përmirësimin e konkurrentësisë.

VLEN angazhohet për lehtësimin e jetës së qytetarëve. VLEN është afër afaristeve dhe qytetarëve. VLEN është zotuar për të dërguar në vend premtimet e saj”, mbyllet njoftimi i koalicionit VLEN.