Lajme nga vendi
Vaksinohen mbi 1000 fëmijë për vaksinimet rutinë të humbura gjatë fushatës së MSH-së dhe OBSH-së “Derë më derë”
Mbi një mijë fëmijë janë vaksinuar për kryerjen e vaksinimeve rutinë të humbura në kuadër të fushatës së përbashkët të Ministrisë së Shëndetësisë (MSH) dhe Organizatës Botërore të Shëndetësisë (OBSH) “Derë më derë”, kumtoi sot MSH.
Janë vizituar gjithsej 3,373 familje, komunitete dhe tubime njerëzish në më shumë se 200 mjedise urbane dhe rurale. Në kuadër të fushatës u mbajtën biseda dhe leksione edukative dhe u shpërndanë më shumë se 6000 materiale për rutinë dhe vaksinim kundër kovid-19.
Fushata filloi më 24 prill 2023 dhe u zhvillua për gjithsej katër javë, si pjesë e Javës Evropiane të Imunizimit 2023, me mbështetjen financiare të BE-së.
Në vizitat në terren, siç informoi ministria resore, janë përfshirë 30 ekipe mjekësore, me qëllim prezantimin e përfitimeve nga imunizimi, si dhe administrimin e vaksinave kundër kovid-19 dhe vaksinimin rutinë.
Lajme nga vendi
Tetovë, interesim I lartë për vaksinim
Vaksinimi kundër gripit sezonal ka nisur sot dhe zhvillohet në 36 loakcione të vendit. Janë siguruar 70 mijë doza, ndërsa 32 mijë qytetarë janë paraqitur për vaksinim.Në Qendrën për Shëndet Publik në Tetovë shihet një interesim i madh i qytetarëve për t’u vaksinuar.Bllagorodna Mishkovska mjeke në Qendrën për Shëndet Publik në Tetovë thotë se, vaksinimi po zhvillohet pa pengesa, ndërsa tregon edhe arsyet pse duhet vaksinuar.Sipas saj, nëse ka interesim më të madh do të sigurohen doza shtesë. “Sikurse viteve të kaluara edhe këtë vit kemi një interesim të shtuar për vaksinim.Të gjithë qytetarët e interesuar aplikojnë në portalin vakcinacija.mk, pra bëhet fjalë për grupet e rrezikuara dhe marrin sms termin se kur të vijnë të marrin vaksinën. Janë siguruar vaksina për pesë grupet e rrezikuara, të sëmurit kronikë, personat e moshës mbi 60 vjeçare, puntorët shëndetësorë, fëmijët deri në moshën 5 vjeçare dhe gratë shtatzëna.Për të gjithë këta, Ministria e Shëndetësisë ka siguruar vaksina pa pagesë.Qendra për Shëndet Publik në Tetovë, deri më tash ka siguruar 1700 doza të vaksinës kundër gripit sezonal” thotë Bllagorodna Mishkovska mjeke në Qendrën për Shëndet Publik në Tetovë Nga Qendra për Shëndet Publik thonë se vaksinimi mbron pacientët kundër gripit sezonal dhe ka nivel të lartë të imunitetit, por edhe nëse infektohen simptomat janë më të vogla dhe gripi kalohet më lehtë. Ministria e Shëndetësisë njofton se të gjithë të regjistruarit do të marrin porosi SMS për datën, orën e saktë dhe vendin ku duhet të paraqiten për vaksinim. Mjekët apelojnë që të gjithë qytetarët që janë pjesë e pesë grupeve të rrezikuara, në kohë të marrin vaksinën dhe të mbrohen nga viruset e ndryshme gjatë periudhës së ardhshme. / TV KOHA/
Lajme nga vendi
Visar Ganiu : Fëmijët ma rregulluan ditën që në mëngjes
Lajme nga vendi
Miratohet ribalansi I buxhetit të komunës së Tetovës
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve