Lajme nga vendi

Vela: Shtatë ashensorë për spitalin e Tetovës

Published

11 months ago

May 22, 2023

Në spitalin klinik të Tetovës do të vendosen ashensorë të rinj, premton drejtori Pëllumb Vela. Sipas tij, dy nga shtatë ashensorët do të sigurohen nga buxheti i spitalit, ndërsa pesë ashensorë tjerë do t’i sigurojë Ministria e Shëndetësisë.

“Përfundimisht me pesë ashensorë të rinj do të na ndihmojë Ministria Shëndetësisë, ndërsa dy ashensorë do i marrin në kuadër të furnizimeve publike që i kemi në kuadër të spitalit. Do vendosen dy ashensorë në pjesën internistike, katër në pjesën kirurgjike dhe një në pjesën e urgjencës, tek pjesa urgjencës që edhe do të hapet së shpejti. Një punon dhe është në rregull dhe një do të vendoset i ri.”- deklaroi Pëllumb Vela – Drejtor I Spitalit të Tetovës.

Edhe nga Ministria e Shëndetësisë thonë se procedura e blerjes se ashensorëve do të fillojë javën që vjen.

“Gjatë javës së ardhshme do të fillojë procedura për blerjen e ashensorëve në Spitalin Klinik të Tetovës. Do të furnizohen me ashensorë edhe Klinika Universitare për Sëmundje Kirurgjikale dhe Klinika Universitare e Stomatologjisë.”- thanë nga Ministria e Shëndetësisë.

Problemi me ashensorët në spitalin e Tetovës është i kamotshëm, të njëjtit janë të amortizuar dhe në të shumtën e rasteve janë edhe me defekte. Televizioni 21 për mos funksionimin e ashensorëve ka informuar edhe muaj më parë, kur pacientët dhe kufomat barteshin me duar ose me një ashensor.

Lajme nga vendi

Zjarret në Parkun Kombëtar “Sharr”, për një muaj digjen mbi 400 hektarë

Published

2 hours ago

April 19, 2024

TetovaExpres

Të punësuarit e parkut kombëtar “Mali Sharr” për një javë janë trajnuar nga një ekip amerikan se si duhet të përballen me zjarret në pyje. Sipas drejtorit të parkut kombëtar vetëm për një muaj në malin Sharr janë djegë mbi 400 hektarë, ndërsa për katër ditë 220 hektarë pyje edhe kullota.

Tash më të punësuarit e parkut kombëtar nacional mali Sharr kanë marrë një trajnim nga një ekip, nga këto shërbime morëm orientime se si të ballafaqohemi me zjarre që muajin e fundit kanë qenë aktive në mali Sharr ku janë djegur 400 hektarë dhe në rastin e fundit në Sellcë janë djegë 220 hektarë ku për katër ditë kanë sjell shumë dëme në biodiversitet, në atë që quhet natyrë, janë djegur pyje të niveli të lartë, të ulëta livadhe, shkurre të ndryshme dhe të mos flasim për botë të egër dhe insekte të caktuara”, është shprehur Ibrahim Dehari, drejtor i Parkut Kombëtar “Mali Sharr”.

Lajme nga vendi

VLEN takon mërgatën shqiptare në Berlin dhe Cyrih

Published

2 hours ago

April 19, 2024

TetovaExpres

Koalicioni VLEN do të qëndroj në Berlin të Gjermanisë dhe në Cyrih të Zvicrës këto ditë për të takuar mërgatën në prag të zgjedhjeve presidenciale dhe parlamentare me 24 prill dhe 8 maj.

Lajme nga vendi

46 raste të reja me kollën e keqe

Published

2 hours ago

April 19, 2024

TetovaExpres

Nga data 12 deri më 18 prill në vend janë raportuar 46 raste të reja me kollën e keqe, me rritje prej 4,5 për qind krahasuar me javën e kaluar, njoftoi pasditen e sotme Instituti i Shëndetit Publik (ISHP).

Shumica e rasteve janë raportuar si pjesë e epidemisë në Shkup – 37, ndërsa raste janë raportuar edhe në Manastir – tre, Kumanovë – dy dhe nga një në Tetovë, Kriva Pallankë, Prilep dhe Strumicë.

Mosha e pacientëve varion nga një muaj deri në 73 vjeç, ndërsa numri më i madh i rasteve janë nga grupmosha 10 deri në 14 vjeç. Sa i përket statusit të vaksinimit të të sëmurëve, 31 persona janë të pa vaksinuar, të pavaksinuar ose me status të panjohur vaksinimi, 13 janë të vaksinuar plotësisht dhe dy janë të vaksinuar sipas moshës.

Nga 46 rastet e reja, nëntë raste janë shtruar në spital.

Deri më 18 prill, në vend janë regjistruar gjithsej 489 raste me kolln e keqe, me një incidencë prej 26.6/100 mijë banorë.

Kjo paraqet një rritje të disafishtë të numrit të të sëmurëve krahasuar me pesëvjeçarin e kaluar 2019-2023, kur janë regjistruar gjithsej 10 raste.