Lajme nga vendi

Maqedoni, sot nis projekti i financuar nga BE-ja për reforma në pylltari

Published

1 year ago

May 10, 2023

Me 1,26 milionë euro ndihmë nga BE-ja, vendi do të bëhet me ekspertizë teknike për themelimin e agjencisë për pyje dhe mbështetje për transformimin e ndërmarrjes publike “Pyjet e Maqedonisë” në organ efikas kombëtar për pyje. Do të vendosen ueb-pajisje për parandalim të prerjeve ilegale, si dhe sistem për certifikimin e pyjeve të të paktën 100.000 hektarëve të pyjeve në Maqedoninë e Veriut.

Kjo është parashikuar me projektin “Mbështetje për reformat në pylltari në Maqedoninë e Veriut”, fillimi zyrtar i së cilës do të shënohet sot, në praninë e euroambasadorit David Geer, ministrit të Bujqësisë, Pylltarisë dhe Ekonomisë së Ujërave, Lupço Nikollovski dhe ministres së Mjedisit Jetësor dhe Planifikimit Hapësinor, Kaja Shukova.

“Bashkimi Evropian do të mbështesë zhvillimin e qëndrueshëm të sektorit pyjor përmes zbatimit të lehtësuar të strategjive dhe politikave. Ministria e Bujqësisë, Pylltarisë dhe Ekonomisë së Ujërave do të jetë bashkëbiseduesi kryesor në reformën e ardhshme dyvjeçare të menaxhimit të pyjeve. Kjo reformë është e lidhur ngushtë me parimet bazë të Planit të gjelbër të BE-së dhe Axhendës së gjelbër për Ballkanin Perëndimor dhe synon të sigurojë mbrojtje më të mirë të pyjeve dhe ruajtjen e biodiversitetit pyjor. Menaxhimi më i mirë ekonomik, social dhe ekologjik i pyjeve çon në një cilësi më të mirë të jetës, veçanërisht në rajonet rurale dhe malore”, theksojnë nga Zyra e BE-së në Shkup.

Në vitin 2020, BE-ja ka pas vlerësuar 160 milionë hektarë pyje, që do të thotë se pyjet kanë mbuluar 39 për qind të sipërfaqes tokësore të BE-së. Zonat më të mëdha pyjore në BE ishin në Suedi (28 milionë hektarë), Finlandë (22 milionë hektarë) dhe Spanjë (19 milionë hektarë).

Lajme nga vendi

Tetovë, interesim I lartë për vaksinim

Published

9 hours ago

October 22, 2024

TetovaExpres

Vaksinimi kundër gripit sezonal ka nisur sot dhe zhvillohet në 36 loakcione të vendit. Janë siguruar 70 mijë doza, ndërsa 32 mijë qytetarë janë paraqitur për vaksinim.Në Qendrën për Shëndet Publik në Tetovë shihet një interesim i madh i qytetarëve për t’u vaksinuar.Bllagorodna Mishkovska mjeke në Qendrën për Shëndet Publik në Tetovë thotë se, vaksinimi po zhvillohet pa pengesa, ndërsa tregon edhe arsyet pse duhet vaksinuar.Sipas saj, nëse ka interesim më të madh do të sigurohen doza shtesë. “Sikurse viteve të kaluara edhe këtë vit kemi një interesim të shtuar për vaksinim.Të gjithë qytetarët e interesuar aplikojnë në portalin vakcinacija.mk, pra bëhet fjalë për grupet e rrezikuara dhe marrin sms termin se kur të vijnë të marrin vaksinën. Janë siguruar vaksina për pesë grupet e rrezikuara, të sëmurit kronikë, personat e moshës mbi 60 vjeçare, puntorët shëndetësorë, fëmijët deri në moshën 5 vjeçare dhe gratë shtatzëna.Për të gjithë këta, Ministria e Shëndetësisë ka siguruar vaksina pa pagesë.Qendra për Shëndet Publik në Tetovë, deri më tash ka siguruar 1700 doza të vaksinës kundër gripit sezonal” thotë Bllagorodna Mishkovska mjeke në Qendrën për Shëndet Publik në Tetovë Nga Qendra për Shëndet Publik thonë se vaksinimi mbron pacientët kundër gripit sezonal dhe ka nivel të lartë të imunitetit, por edhe nëse infektohen simptomat janë më të vogla dhe gripi kalohet më lehtë. Ministria e Shëndetësisë njofton se të gjithë të regjistruarit do të marrin porosi SMS për datën, orën e saktë dhe vendin ku duhet të paraqiten për vaksinim. Mjekët apelojnë që të gjithë qytetarët që janë pjesë e pesë grupeve të rrezikuara, në kohë të marrin vaksinën dhe të mbrohen nga viruset e ndryshme gjatë periudhës së ardhshme. / TV KOHA/

Lajme nga vendi

Visar Ganiu : Fëmijët ma rregulluan ditën që në mëngjes

Published

9 hours ago

October 22, 2024

TetovaExpres

Fëmijët ma rregulluan ditën që në mëngjes, teksa mora pjesë në bazarin vjeshtor të organizuar nga kopshti “Fidani”. Ishte një aktivitet i jashtëzakonshëm, ku fëmijët, të udhëhequr me dashuri dhe përkushtim nga mësimdhënëset, kishin përgatitur ushqime të ndryshme dhe me entuziazëm i ofronin ato prindërve dhe mysafirëve. Drejtoresha e kopshtit, Gezime Bakiu, së bashku me ekipin e saj, kishin bërë një punë të shkëlqyer për të organizuar këtë aktivitet të bukur dhe domethënës për të gjithë komunitetin.

Mësimdhënëset, me përkushtim maksimal, qëndronin pranë fëmijëve në çdo hap, duke i ndihmuar dhe mbështetur gjatë procesit të shitjes. Atmosfera festive dhe bashkëpunimi shembullor mes stafit dhe fëmijëve e bënë këtë ditë një sukses të vërtetë. Ky aktivitet jo vetëm që pasuroi aftësitë sociale dhe praktike të fëmijëve, por kontribuoi edhe në forcimin e lidhjeve të komunitetit tonë, duke inkurajuar të gjithë të ndihen krenarë për angazhimin dhe punën e bërë./TV KOHA/

Lajme nga vendi

Miratohet ribalansi I buxhetit të komunës së Tetovës

Published

9 hours ago

October 22, 2024

TetovaExpres

Është miratuar rebalansi i buxhetit të komunës së Tetovës për vitin 2024.

Në seancën e 40 të këshillit të komunës së Tetovës ishin 17 pika në rendin e ditës, ndërsa sipas kryetarit të këshillit të komunës së Tetovës

Naim Ismaili deri tek ribalansi I buxhetit të komunës së Tetovës ka ardhur për shkak të rritjes së bllok-dotacioneve si dhe rritjes së të hyrave vetenake.

Në ndërkohë, komuna e Tetovës ka pranuar një donacion nga kompania e telefonisë A1, ku bëhet fjalë për vendosjen e WI Fi falas në parkun e e

Xhamisë së Pashës dhe para qendrës për kulturë për qytetarët dhe vizitorët./ TV KOHA/