Lajme nga vendi

Spasovski: Forcimi i sistemit arsimor dhe kontrollit prindëror mbi fëmijët

Published

2 years ago

May 8, 2023

Ministri i Punëve të Brendshme, Oliver Spasovski, ka thënë se forcimi i sistemit të kontrollit në institucionet arsimore, ngritja e nivelit arsimor dhe forcimi i shërbimeve profesionale që do të kujdesen për shëndetin mendor të fëmijëve, do të ndihmonte më shumë në procesin e parandalimit të rasteve të përgjegjësisë penale te të miturit. Ai tha se kjo është e nevojshme që prindërit të marrin përgjegjësi serioze në kontrollin e fëmijëve.

Spasovski tha se do të ketë një debat të gjerë i cili do të ndihmonte këtë proces. Sipas tij, ndalimi i rrjeteve sociale dhe ulja e kufirit të moshës për përgjegjësi penale për të miturit janë pjesë e propozimeve të publikut, pas ngjarjeve në Serbi.

“Mendimi im personal është të hapet një debat i gjerë dhe të marrim mendime dhe mos të marrim ndonjë vendim të udhëhequr nga emocionet, por nga arsyeja, ajo që është racionale në një moment për të qenë në gjendje për të bërë atë. Pra, mendoj se kur bëhet fjalë për sigurinë, i’a vlen të merren parasysh dhe të pranohen të gjitha opsionet që do të përmirësojnë sigurinë”, tha Spasovski.

Sipas tij, prindërit kanë përgjegjësi serioze në atë pjesë, duke i’u referuar kontrollit ndaj fëmijëve në lidhje me qasjen në internet, media sociale e të ngjashme.

“Megjithatë, si prindër, secili prej nesh ka një përgjegjësi serioze në këtë fushë. Le të mendojmë seriozisht nëse dhe kur është kufiri në të cilin do t’i lejojmë fëmijët të kenë telefona inteligjentë dhe qasje në internet. Sepse ne ende shohim se një qasje e tillë nga të gjithë ne si qytetarë kontribuon thjesht për t’u dhënë fëmijëve të ashtuquajturat armë në duart e tyre. Koha e zhvillimit të teknologjisë i bën të mundura të gjitha ato aktivitete. Dhe ne nuk duhet të bëjmë një hap prapa tani drejt zhvillimit të shoqërisë. Megjithatë, duhet të krijojmë kushte që do të garantojnë sigurinë në atë fazë”, theksoi Spasovski, ministër i Punëve të Brendshme.koha.mk

Lajme nga vendi

Durmishi ndau mjete financiare për organizatat e konsumatorëve për zbatimin e Programit për mbrojtjen e konsumatorëve

Published

14 hours ago

December 4, 2024

TetovaExpres

Ministri i Ekonomisë dhe Punës, Besar Durmishi ndau sot mjete financiare për organizatat e konsumatorëve për zbatimin e Programit për mbrojtjen e konsumatorëve, Programit për bashkëfinancimin e projekteve për zhvillimin dhe avancimin e sipërmarrësisë dhe zejtarisë, aktivitetet programore të rrjeteve të zejtarëve të biznesit, si dhe Programin për mbështetjen e konkurrueshmërisë së industrisë përpunuese dhe përgjegjësisë shoqërore.

Ministria e Ekonomisë dhe Punës, në përputhje me Thirrjen publike për ndarjen e mjeteve për realizimin e programeve (projekteve) të shoqatave të konsumatorëve, ka ndarë mjete financiare për organizatat e konsumatorëve në qytete të ndryshme të shtetit. Janë ndarë mjete për:

Organizata e Konsumatorëve të Ohrit: 350.000,00 denarë;

Organizata e Konsumatorëve të Manastirit: 350.000,00 denarë;

Organizimi e Konsumatorëve të Koçanës: 319.500,00 denarë;

Organizata e Konsumatorëve të Shtipit: 300.000,00 denarë;

Organizata e Konsumatorëve të Tetovës: 340.000,00 denarë;

Organizata e Konsumatorëve të Maqedonisë-Shkup (OKM): 340.200,00 denarë

Në kuadër të Programit për zhvillimin e sipërmarrësisë dhe konkurrueshmërisë së ndërmarrjeve të vogla dhe të mesme, si dhe për nxitjen e zhvillimit dhe avancimit të sipërmarrësisë dhe konkurrueshmërisë së ndërmarrjeve, Ministria e Ekonomisë dhe Punës realizon bashkëfinancimin e projekteve të fondacioneve dhe shoqatave që lidhen me mbështetjen jofinanciare për zhvillimin e biznesit dhe konkurrencës, për bashkëfinancimin e projekteve të shoqatave, fondacioneve dhe odave të zejtarëve për zhvillimin dhe promovimin e zejtarëve, etj., si dhe bashkëfinancimin e projekteve për veprimtari zejtare.

Për të tre masat, është parashikuar bashkëfinancim i 70% të shpenzimeve të projektit, por jo më shumë se 350.000 denarë për aplikant, ndërsa pas realizimit të programit, do të ndahen subvencione për 26 projekte me vlerë të përgjithshme prej 6.132.240 denarë.

Në kuadër të Programit për mbështetjen e konkurrueshmërisë së industrisë përpunuese dhe përgjegjësisë shoqërore, Ministria e Ekonomisë dhe Punës ka realizuar masën për kompensimin e një pjesë të shpenzimeve për akreditimin e laboratorëve, parashikohet zgjerimi i fushëveprimit të akreditimit të

laboratorëve ekzistues për testimin ose prokurimin e pajisjeve për laboratorët për lëshim në treg të produkteve me cilësi të sigurt.

Në kuadër kësaj mase, parashikohet bashkëfinancimi i shpenzimeve prej 50% të shumës jo më shumë se 400.000 denarë për secilin aplikant. Vlera e përgjithshme e vlerësuar është 3.000.000 denarë. Përdorues të kësaj skeme janë 11 laboratorë.

Duke marrë parasysh nevojat e kompanive, Ministria e Ekonomisë dhe Punës do të vazhdojë të zbatojë masa dhe aktivitete që synojnë përmirësimin e konkurrueshmërisë. Lista e përdoruesve është tashmë e disponueshme në faqen e internetit të Ministrisë.

Lajme nga vendi

Gerasimovski: 1735 pensionistë para festave do të marrin nga 2.500 denarë

Published

14 hours ago

December 4, 2024

TetovaExpres

Kryetari i Komunës Qendër, Goran Gerasimovski njofton se është përfunduar thirrja publike për ndarjen e njëhershme të ndihmës financiare në shumë prej 2.500 denarë për pensionistët me pension pleqërie, familjare, invaliditeti ose pensioni social jo më i lartë se 23.758,00 denarë. Në këtë thirrje kanë aplikuar 1735 pensionistë për mbështetje financiare të njëhershme nga Komuna, e cila do të paguhet deri në fund të vitit.

Gerasimovski thotë se për këtë ndihmë kanë aplikuar 1735 pensionistë, e cila është një hap i rëndësishëm për mbështetje gjatë festave të fundivitit.

“Gjatë festave të Vitit të Ri kur e gjithë familjet festojnë së bashku, këto ditë mund të jenë një presion shtesë financiar për pensionistët. Prandaj, detyra jonë është t’ua lehtësojmë jetën e përditshme. Interesimi për thirrjen publike ishte vërtet i madh, besoj se këto mjete do t’u ndihmojnë për buxhetin familjar të festave”, thotë Gerasimovski.

Komuna Qendër, theksojnë nga atje, vazhdon të realizojë projekte përmes të cilave do të fuqizojë bashkësinë lokale, por edhe do të përmirësojë cilësinë e jetës së të gjithë qytetarëve.

Lajme nga vendi

VLEN: Çdo denarë për qytetarët, sipërmarrësit dhe të ardhmen e përbashkët!

Published

14 hours ago

December 4, 2024

TetovaExpres

“Në këtë kohë sfidash dhe krizash të reja, Koalicioni VLEN nuk ndalet! Sot, Ministria e Ekonomisë dhe Punës e drejtuar nga ministri Besar Durmishi, në përputhje me Thirrjen publike ndau mjete konkrete që prekin drejtpërdrejt jetën e qytetarëve tanë – për konsumatorët, zejtarët dhe sipërmarrësit që janë themeli i ekonomisë sonë.

Sepse për ne, secili qytetar është prioritet, dhe çdo denarë i ndarë shkon për të ndihmuar ata që punojnë dhe krijojnë!
Janë ndarë rreth dy milion denarë në të gjithë Shoqatat e Organizatave të Konsumatorëve në vend. Ndërsa pas realizimit të programit, do të ndahen subvencione për 26 projekte me vlerë të përgjithshme prej 6.132.240 denarë”, thuhet në njoftimin e koalicionit VLEN.

“Në kuadër të Programit për mbështetjen e konkurrentësisë së industrisë përpunuese dhe përgjegjësisë shoqërore, Ministria e Ekonomisë dhe Punës ka realizuar masën për kompensimin e një pjesë të shpenzimeve për akreditimin e laboratorëve, parashikohet zgjerimi i fushëveprimit të akreditimit të laboratorëve ekzistues për testimin ose prokurimin e pajisjeve për laboratorët për lëshim në treg të produkteve me cilësi të sigurt. Në kuadër kësaj mase, parashikohet bashkëfinancimi i shpenzimeve prej 50% të shumës jo më shumë se 400.000 denarë për secilin aplikant. Vlera e përgjithshme e vlerësuar është 3.000.000 denarë. Përdorues të kësaj skeme janë 11 laboratorë.

Te masa e kompensimit të një pjese të shpenzimeve për mirëmbajtjen dhe zbatimin e praktikave të pranueshme sociale të subjekteve afariste, vlera e përgjithshme e mjeteve është 2.000.000 denarë, ndërsa Ministria e Ekonomisë dhe Punës bashkëfinancoi 8 kompani. Duke marrë parasysh nevojat e kompanive, Ministria e Ekonomisë dhe Punës do të vazhdojë të zbatojë masa dhe aktivitete që synojnë përmirësimin e konkurrentësisë.

VLEN angazhohet për lehtësimin e jetës së qytetarëve. VLEN është afër afaristeve dhe qytetarëve. VLEN është zotuar për të dërguar në vend premtimet e saj”, mbyllet njoftimi i koalicionit VLEN.