Lajme nga vendi
(VIDEO) Gjithnjë e më shumë raste të pedofilisë dhe përdhunimit të të miturve – A janë të sigurt fëmijët tanë?
Mbi 300 të dënuar për pedofili dhe abuzim seksual të të miturve në vendin tonë. Numri më i madh i rasteve janë nga Shkupi.
Në vetëm një muaj disa raste shqetësuan opinionin maqedonas. Në të fundit, vajza e mitur është dehur fillimisht nga një vajzë 20-vjeçare, e cila më pas e ka zhveshur dhe e ka mbajtur që dy burra ta përdhunojnë. Ky lloj përshkrimi i ngjarjeve do të shqetësojë çdo prind dhe është normale të pyesim veten nëse fëmijët tanë janë të sigurt?
Maqedonia ka një regjistër të pedofilëve që nga viti 2012. Çdo qytetar mund të kërkojë me emrin dhe mbiemrin, pseudonimin, vendbanimin dhe komunën, për të parë nëse një autor i një krimi të tillë jeton pranë tyre. Regjistri përmban të dhëna për emrin dhe mbiemrin, datëlindjen, adresën e banimit, krimin për të cilin është dënuar dhe një fotografi.
Shifra prej 300 të dënuarish është nga të regjistruarit në këtë regjistër. Shumica prej tyre janë nga Shkupi, rreth 60, Prilepi 16, Velesi 14, Strumica 12 – në listën e të dënuarve janë edhe 13 gra.
Shihni se si funksionon në analizën e Scan.
Lajme nga vendi
Tetovë, interesim I lartë për vaksinim
Vaksinimi kundër gripit sezonal ka nisur sot dhe zhvillohet në 36 loakcione të vendit. Janë siguruar 70 mijë doza, ndërsa 32 mijë qytetarë janë paraqitur për vaksinim.Në Qendrën për Shëndet Publik në Tetovë shihet një interesim i madh i qytetarëve për t’u vaksinuar.Bllagorodna Mishkovska mjeke në Qendrën për Shëndet Publik në Tetovë thotë se, vaksinimi po zhvillohet pa pengesa, ndërsa tregon edhe arsyet pse duhet vaksinuar.Sipas saj, nëse ka interesim më të madh do të sigurohen doza shtesë. “Sikurse viteve të kaluara edhe këtë vit kemi një interesim të shtuar për vaksinim.Të gjithë qytetarët e interesuar aplikojnë në portalin vakcinacija.mk, pra bëhet fjalë për grupet e rrezikuara dhe marrin sms termin se kur të vijnë të marrin vaksinën. Janë siguruar vaksina për pesë grupet e rrezikuara, të sëmurit kronikë, personat e moshës mbi 60 vjeçare, puntorët shëndetësorë, fëmijët deri në moshën 5 vjeçare dhe gratë shtatzëna.Për të gjithë këta, Ministria e Shëndetësisë ka siguruar vaksina pa pagesë.Qendra për Shëndet Publik në Tetovë, deri më tash ka siguruar 1700 doza të vaksinës kundër gripit sezonal” thotë Bllagorodna Mishkovska mjeke në Qendrën për Shëndet Publik në Tetovë Nga Qendra për Shëndet Publik thonë se vaksinimi mbron pacientët kundër gripit sezonal dhe ka nivel të lartë të imunitetit, por edhe nëse infektohen simptomat janë më të vogla dhe gripi kalohet më lehtë. Ministria e Shëndetësisë njofton se të gjithë të regjistruarit do të marrin porosi SMS për datën, orën e saktë dhe vendin ku duhet të paraqiten për vaksinim. Mjekët apelojnë që të gjithë qytetarët që janë pjesë e pesë grupeve të rrezikuara, në kohë të marrin vaksinën dhe të mbrohen nga viruset e ndryshme gjatë periudhës së ardhshme. / TV KOHA/
Lajme nga vendi
Visar Ganiu : Fëmijët ma rregulluan ditën që në mëngjes
Lajme nga vendi
Miratohet ribalansi I buxhetit të komunës së Tetovës
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve