Connect with us

Lajme nga vendi

Incident në Veles, volejbollistët e Shkëndijës provokohen nga tifozët, thirren edhe në polici

Published

on

Klubi i volejbollit “Shkëndija” nga Tetova ka humbur ndeshjen e dytë të gjysmëfinales si mysafire në Veles në përballjen me klubin e volejbollit “Borec”.

Rezultati i ndeshjes është përmbyllur me rezultatin 3:2, por kjo ndeshje u mbyll nën hijen e një incidenti, ku turmat e tifozëve kanë provokuar dhe fyer volejbollistët tetovarë, gjë që ka nxitur edhe revoltën e tyre.

Por nga ana tjetër, disa portale në gjuhën maqedonase kanë raportuar me titujt se “volejbollistët e Shkëndijës janë përplasur me tifozët”.

Lidhur me incidentin kanë reaguar nga KV “Shkëndija”, duke shprehur shqetësim se janë lojtarët janë thirur për biseda në policinë e Velesit.

“Ndeshja kthyese kundër KV Borec, përfundon në disfavor të KV Shkëndija me rezultat 3-2 në sete. Rezultati mbeti nën hije të pritjes jo sportive të publikut vendas me skandime dhe sulme ndaj lojtarëve tanë që solli rrëmujë në sallën Park në Veles. Si pasojë e kësaj lojtarët dhe stafi teknik momentalisht jane thirur në pyetje në zyrat e SPB Veles. Detajet rreth ndeshjes së 3, që do të luhet ditën e Enjte në Tetovë dhe vendimtare për kualifikim në finalen e play off, do ti ndajmë në ditët në vijim. Shkëndija, më shumë se një klub!”, thuhet në njoftimin e klubit. (INA)

Advertisement
Advertisement

Lajme nga vendi

Mexhiti: Kafen e mëngjesit me sportistë dhe veprimtarë të sportit

Published

on

Kryetari i Lëvizjes Demokratike, Izet Mexhiti, ka takuar sot ish sportistë të dalluar, me suksese ndërkombëtare, kampionë olimpik, medalist e veprimtarë sporti.

“Sot kisha kënaqësinë që ditën ta filloj me një kafe në Parkun e Çairit me ish sportistë të dalluar, me suksese ndërkombëtare, kampionë olimpik, medalist e veprimtarë sporti.

Lagjet e tona gjithmonë janë dalluar për sportistë të jashtëzakonshëm që kanë arritur majat e sportit.

Është obligim i yni, ashtu siç edhe deri tash kemi bërë maksimumin për sportin dhe sportistët, edhe më tutje të kontribuojmë sepse arsimi dhe sporti janë mënyra më e mirë për të investuar që gjeneratat e ardhshme ti kemi të shëndosha, sepse RINI e shëndoshë nënkupton KOMB të shëndoshë”, ka shkruar Mexhiti.

Rezultati dhe mundi juaj VLEN!

Advertisement

Continue Reading

Lajme nga vendi

Në Kroaci arrestohet dhe më pas lirohet Goran Grujevski, ish-Kryeshefi i Drejtorisë së Pestë – “bosi” i përgjimeve të jashtëligjshme!

Published

on

Më 13.04.2024, të shtunën, në Zagreb është arrestuar Goran Grujevski i lindur më 13.10.1966, shtetas i RMV-së, kundër të cilit ishte shpallur fletarrest ndërkombëtar, njofton KlanM.

Ndryshe Goran Grujevski ishte Kryeshef i Drejtorisë së Pestë në MPB.

Grujevski së bashku me Boshkovskin janë të akuzuarit kryesor në procesin gjyqësor “Fortesa – Target”, lidhur me përgjimin masovik të jashtëligjshëm, gjatë kohës kur në qeveri ishte VMRO-DPMNE.

Grujevski, sic njofton KlanM, gjithashtu ishte I akuzuar edhe në lëndën “Fortesa 2”, për djegien e jashtëligjshme yë dokumenteve të DSK-së. dëshmitë për përgjimin e jashtëligjshëm, por edhe në lëndën “Arka” bashkë me Sasho Mijalkovin dhe Nebojsha Stajkoviq për furnizim të jashtëligjshëm të pajisjes për përgjim nga Britania e Madhe.

Goran Grujevski, sic njofton KlanM, është në arrati që nga 26 korriku i vitit 2017, kur duhej të shkonte për paraburgim, por policia nuk e kishte gjetur në shtëpi.

Advertisement

Grujevski dhe Boshkovski u arratisën pasi Apeli pas miratimit të vendimit për paraburgim. Në vend që të dërgohen në Shutkë, sic përcjell KlanM, gjykata u dha afat një javë për ankesë në Gjykatën Supreme. Pikërisht këtë periudhë të dy e shfrytëzuan për t`u arratisur nga vendi.

Policia kufitare e Maqedonisë e kishte lëshuar Grujevskin me identitetin respektivisht pasaportën e kolegut të tij Vladimir Varelov, gjithashtu i akuzuar në lëndën “Fortesa – Target”.

Grujevski dhe Boshkovski, sic njofton KlanM, ishin arrestuar më 18 tetor 2017 në Aeroportin e Selanikut me pasaporta të rreme bullgare, me emrat Nexhbi Asan dhe Hristo Atanasov. Ndërkohë të dy kërkuan azil politik në Greqi.

Burime të Tv Klan mësojnë se ambasada e Greqisë në Kroaci e ka vizituar dhe ka kërkuar lirimin e menjëhershëm të tij për arsye se Grujevski posedon azil në Greqi.

Grujevski mësohet se tani do të qëndroj në Zagreb ndërsa kishte udhëtuar për në kryqytetin kroat për të vizituar djalin i tij i cili gjendet për studime në Kroaci.

Advertisement

Ndryshe Goran Grujevski ishte Kryeshef i Drejtorisë së Pestë në MPB. Grujevski së bashku me Boshkovskin janë të akuzuarit kryesor në procesin gjyqësor “Fortesa – Target”, lidhur me përgjimin masovik të jashtëligjshëm, gjatë kohës kur në qeveri ishte VMRO-DPMNE.

Goran Grujevski, sic njofton KlanM, është në arrati që nga 26 korriku i vitit 2017, kur duhej të shkonte për paraburgim, por policia nuk e kishte gjetur në shtëpi.

Continue Reading

Lajme nga vendi

Ndalohet një person nga Kosova, i sekuestrohen 1592 kuti cigare në Maqedoni

Published

on

Në orën 00:30 të datës 14 prill 2024, në vendin e quajtur “Rusheni Vodenik”, zyrtarë policorë nga Stacioni Policor për Mbikëqyrje Kufitare Rogaçevë në Qendrën Rajonale për Çështje Kufitare Veri kanë ndërmarë një veprim në luftën kundër kontrabandës.

Gjatë një kontrolli të zakonshëm në kufirin e tyre, ata kanë kapur dhe privuar nga liria G.L. (42) nga Republika e Kosovës për aktivitetin e tij të paligjshëm. Zyrtarët e policisë kanë zbuluar se G.L. kishte në pronësi 1592 kuti cigare dhe produkte të tjera të paligjshme, për të cilat nuk mund të paraqiste asnjë dokument zyrtar.

Rasti është raportuar menjëherë tek prokurori publik në Prokurorinë Publike të Tetovës për hetim të mëtejshëm. Sipas informacioneve, pas dokumentimit të plotë të veprës së tij të paligjshme, do të ngritet një akuzë për shkak të dyshimit të bazuar për veprën penale “kontrabandë”, sipas nenit 278 të Kodit Penal.

Continue Reading

Më të lexuarat