Fakulteti i Teknologjisë Ushqimore dhe të Ushqyerit i Universitetit të Tetovës, ka filluar zbatimin e Projektit të Transformimit të Gjelbër, të përgatitur me Agjencinë Turke për Bashkëpunim dhe Koordinim (TIKA) dhe koordinatorin për Transformimin e Gjelbër të Universitetit Çanakkale, Onsekiz Mart.

Ky projekt synon të ofrojë trajnime për transformimin e gjelbër në një hapësirë të gjerë nga Ballkani dhe të kontribuojë në zhvillimin e qëndrueshëm. Një nga objektivat e projektit është inkurajimi i mundësive të barabarta në qasjen e proceseve të transformimit të gjelbër, i cili parashikohet t’u mundësojë të rinjve nga vende të ndryshme të trajnohen në fushën e transformimit të gjelbër dhe të punësohen.

Po ashtu, projekti synon të rrisë njohuritë dhe aftësitë e të rinjve, të zgjerojë mundësitë e punësimit në sektorë kritikë për zhvillimin e qëndrueshëm, duke kontribuar njëkohësisht në parimet e qëndrueshmërisë mjedisore, sociale dhe ekonomike.

Presidenti i TİKA-s Serkan Kayalar dhe Rektori i Universitetit të Çanakkale Onsekiz Mart Prof. Dr. R.Cüneyt Erenoğlu janë koordinatorë të Transformimit të Gjelbër ndërsa projekti realizohet nën drejtimin e Dr. Dilvin İpek dhe Recep Çetinkaya nga TIKA dhe Assoc Dr. Didem Saygın, Dr. Tuğçe Yıldız, Dr. Savaş Gürdal dhe. Dr. Kadir Yılmaz nga Universiteti i Çanakalasë, ndërkaq Prof. Dr. Erhan Sulejmani është koordinator nga Universiteti i Tetovës. Trajnimet, të cilat kanë filluar në Maqedoninë e Veriut, pritet të vazhdojnë edhe në vende të tjera në të ardhmen.

Përfaqësuesit e Universitetit të Tetovës dhe Universitetit të Çanakalasë shprehën kënaqësinë e tyre që e drejtojnë këtë  projekt të vlefshëm i cili do të kontribuojë për një të ardhme të qëndrueshme.

Advertisement

Kryetarja aktuale e Qytetit të Shkupit, Danella Arsovska nuk do të kandidoj për një mandat të ri. Në deklaratën për media dhënë sot pas pranimit të gjashtë autobusëve të rinj ekologjikë për nevojat e NQP-së, Arsovska tha se gjendja në vend është tejet e polarizuar dhe se nuk planifikon të bashkëpunojë me njerëz që dinë vetëm të sabotojnë dhe bllokojnë.

Do doja që së paku një herë të tregojnë para qytetarëve se atë që thonë, do të mund ta realizojnë në mënyrë që në zgjedhjet e ardhshme të kenë mbështetje. Kur kam kandiduar për kryetar komune kam pasur mbështetjen e VMRO-DPMNE-së e cila fatkeqësisht nuk arriti ta tejkalojë veten… Faleminderit, por me njerëz të tillë që dinë vetëm të sabotojnë dhe të bllokojnë nuk do të doja asnjëherë të bashkëpunoj”, ka thënë Arsovska.

E pyetur nëse me zhvillimet e fundit në NQP ka filluar fushata për zgjedhjet lokale, Arsovska tha se nuk do të hyjë në agjendat politike, por se qytetarët janë të vetëdijshëm të mund të vlerësojnë se kush janë ata që mundën ta zgjidhin problemin me transportin publik në tre vitet e fundit.

“Nëse dikush thotë se këtë problem do ta zgjidh vitin e ardhshëm pas zgjedhjeve lokale, pyeteni pse nuk e ka zgjidhur deri tani. Sepse Këshilli është ai që ka mundur vendimin për furnizimin e autobusëve të rinj ta miratojë tre vjet më parë. Pse nuk është miratuar një vendim i tillë duhet t’i pyesni ata. Të mund pa vendim të Këshillit, Qyteti i Shkupit të funksionojë dhe të mund të bënte furnizim publik, deri tani do të ishte bërë”, ka thënë Arsovska.

Kryetari i Bashkimit Demokratik për Integrim, z. Ali Ahmeti, sot në Zagreb, takoi ambasadorin e Norvegjisë në Kroaci z. Arne Bjornstad.

Kryetari Ahmeti dhe Ambasadori norvegjez diskutuan për situatën politike në rajon, integrimit europian të Maqedonisë së veriut, marrëveshjen e Ohrit dhe sundimin e ligjit.

Kryetari Ahmeti informoi ambasadorin norvegjez që pas zgjedhjeve presidenciale dhe parlamentare në Maqedoni të veriut, nuk u respektua vullneti i qytetarëve shqiptarë nga mandatari.

Stabiliteti dhe siguria në vend burojnë nga Marrëveshja e Ohrit e cila rregullon marrëdhëniet midis komuniteteve dhe garanton paqen, sigurinë dhe stabilitetin.

Prandaj, gjuha shqipe nuk duhet të preket me diktat politik të qeverisë pa legjitimitet etnik.

Advertisement

Z. Ahmeti shprehu shqetësim edhe nga largimi nga perspektiva europiane dhe tensionini i marrëdhënieve me fqinjtë.

Ahmeti theksoi që në rajon nevojitën dy procese historike, e para, pajtim historik shqiptaro-serb me njohje reciproke të Kosovës dhe Serbisë si dhe marrëveshje rajonale e të gjithë fqinjëve, Bulgarisë, Greqisë, Serbisë, Shqipërisë dhe Kosovës për mos cënim të integritetit teritorial të Maqedonisë së veriut.