Lajme nga vendi
Punonjësit e Ministrisë së Kulturës edhe sot në protestë
Punonjësit e Ministrisë së Kulturës, Drejtorisë për Trashëgimi Kulturore dhe Agjencisë së Filmit do të zhvillojnë sot për të gjashtën ditë protestë duke kërkuar takim me kompetentët dhe rritje pagash.
Pjesëmarrësit e protestës që do të mbahet sot para Qeverisë kërkojnë takim edhe me ministrin e Financave Fatmir Besimi. Ata i bëjnë thirrje ministrit të Financave që të miratojë Marrëveshjen Kolektive për punonjësit e Ministrisë së Kulturës, Drejtorisë së Trashëgimisë Kulturore dhe Agjencisë së Filmit, me anë të së cilës të gjithë punonjësit, sipas parimit të Ministrisë së Financave, do të marrin pagë të rritur në vlerë prej 30 për qind.
Protestës së fundmi iu bashkuan edhe përfaqësues të Sindikatës së Punëtorëve të Kulturës (SPKM), të cilët shprehën mbështetjen e tyre, ndërsa punonjësit e Ministrisë së Kulturës presin që t’u bashkohen edhe kolegët e tyre nga ministritë tjera.
“Pagat e pothuajse 70 për qind të të punësuarve në këto tri institucione janë nën pagën mesatare në vend, ndërsa diferenca me pagat e të punësuarve në të njëjtat pozita në institucionet e kulturës është 10 mijë denarë. Me pagën prej 25.000 denarë, të cilën e marrin mesatarisht 70 për qind e të punësuarve në kulturë, muaji nuk mund të mbijetohet”, tha kryetari i Organizatës sindikale të AOGJSH-it në Ministrinë e Kulturës, Branko Kostovski, në protestë javën e kaluar.
Ai mbetet i mendimit se do të protestojnë derisa të arrihet qëllimi – valorizimi adekuat i punës së punëtorëve në këto institucione.
Lajme nga vendi
Nis distribuimi i materialit zgjedhor – 3.6 milionë fletëvotime për zgjedhjet e dyfishta!
Nga shtypshkronja “Kiro Dandaro” në Manastir nisi distribuimi i materialit zgjedhor nëpër komisionet zgjedhore. Për zgjedhjet e dyfishta të 8 majit, janë distribuar 3.6 milionë fletëvotime.
Kryetari i KSHZ-së, Aleksandar Dashtevski, thotë se me sukses kanë përfunduar përgatitjet për zgjedhjet e 8 majit.
“Gjithçka përfundoi me sukses. Tani mbetet vetëm që të dëshirojmë fat për rrethin e dytë të zgjedhjeve presidenciale dhe zgjedhjeve të rregullta parlamentare, pasi na ndajnë vetëm disa ditë. Tashmë në mënyrë shumë më efikase e distribuojmë materialin e besueshëm zgjedhor”, tha Aleksandar Dashtevski.
Kanë votuar 140 anëtarët e këshillave zgjedhore që shkojnë nëpër përfaqësitë diplomatiko-konsulare për t`i zbatuar zgjedhjet në diasporë.
Diaspora do të votojë vetëm për presidentin, për shkak se nuk pati interesim për zgjedhjet parlamentare. Por, të gjithë ata që do të vijnë në ditën e zgjedhjeve, mund ta shfrytëzojnë të drejtën e tyre të votës.
Në rrethin e dytë të zgjedhjeve presidenciale, 1.814.317 qytetarë kanë të drejtë të votojnë për njërin nga dy kandidatët.
Për zgjedhjet parlamentare, 17 parti dhe koalicioni dorëzuan lista të kandidatëve, ku të drejtë vote kanë 1.815.350 qytetarë.
Zgjedhjet e dyfishta të 8 majit do të ndiqen nga 1.800 monitorues nga vendi dhe të huaj.
Lideri i Lëvizjes Demokratike Izet Mexhiti thotë se, të gjitha ata që vjedhin vota dhe manipulojnë procesin zgjedhor do të ballafaqohen me drejtësinë.
“E shohim se këto ditë pati edhe vendim nga Gjykata Administrative që konstatoi vjedhjen e votave në Likovë.
Shfryzëzoj rastin të them se të gjithë ata do të mbajnë përgjegjësi para gjyqit dhe organeve të drejtësis.
Secili që ndërmerr një hap të tillë kësaj radhe do të falen, por do të ballafaqohen me drejtësinë”, është shprehur Mexhiti. (INA)
Lajme nga vendi
Dy persona humbën jetën në një ndeshje komunikacioni në RMV, një tjetër ka lëndime të rënda trupore
Policia e Maqedonisë së Veriut sot ka dhënë detaje nga një ndeshje komunikacioni që ndodhi dje pasdite, ku në vendin e ngjarjes humbën jetën dy persona.
“Më 3 maj, në ora 18:05 në SPB është raportuar se në rrugën magjistrale A-4, në dalje nga Rodovishi kah Shtipi, ka ndodhur një ndeshje tragjike e komunikacionit ndërmjet veturës “Pasat” me tabela nga Radvoishi dhe veturës “Opel” me tabela provuese”, raporton Policia.
Në veturën “Pasat” ngasës ishte 27 vjeçari M.L. nga Radovishi, ndërsa në veturën “Opel” ngasës ishte 49 vjeçari Zh.G. nga Radovishi. Të dy ndërruan jetë në vendin e ngjarjes.
Në këtë ndeshje, lëndime të rënda trupore ka marrë edhe 41 vjeçarja e cila ishte në veturën “Opel”.
Nis distribuimi i materialit zgjedhor – 3.6 milionë fletëvotime për zgjedhjet e dyfishta!
Mexhiti: Ata që vjedhin vota nuk falen këtë herë – do të ballafaqohen me drejtësinë
Dy persona humbën jetën në një ndeshje komunikacioni në RMV, një tjetër ka lëndime të rënda trupore
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve