Sipas të dhënave të mëngjesit nga stacionet hidrologjikë, të larta janë nivelet e ujit të të gjithë lumenjtë në vend, informojnë nga Qendra për menaxhim me kriza (QMK), duke iu referuar informacioneve të Drejtorisë për Punë Hidrometeorologjike.

“Për shkak të reshjeve të dendura gjatë ditës së djeshme në disa vende janë regjistruar derdhje lokale të lumit Markova në disa vende përgjatë rrjedhës së lumit. Gjatë ditës pritet ulje graduale e nivelit të ujit, stabilizim i situatës së nivelit të ujit dhe tërheqje graduale e ujit. Dukshëm i lartë është niveli i ujit të lumit Vardar përgjatë gjithë rrjedhës së tij, nga pjesa e lartë në luginën e Pollogut, në qytetin e Shkupit dhe përmes Vodnos në drejtim të Velesit në pjesën e mesme dhe të poshtme të pellgut në Demir Kapi dhe Gjevgjeli. Gjatë ditës niveli i ujit pritet të mbetet i lartë sidomos në pjesën e mesme dhe të poshtme të pellgut”, theksohet në kumtesën e QMK-së.

I lartë ka qenë edhe niveli i ujit Treska, ku rreth lokalitetit Plasnicë, është bërë e mundur dedhja e lumit dhe përmbytja e livadheve në rrethinë.

“Gjatë ditës pritet stagnim gradual i nivelit të ujit të lumit Treska, por, ai do të vazhdojë të jetë i lartë. Gjithashtu, niveli i ujit të lumit Strumicë është i lartë përgjatë gjithë rrjedhës së lumit, ndërsa shkak të reshjeve në Kosovë edhe lumi Lepenec shënon nivel të lartë të ujit gjatë natës së kaluar dhe sot në mëngjes, i cili pritet të ulet gjatë ditës. Nëse sot, në vende të caktuara, reshjet janë të mëdha, mund të pritet rritje e shpejtë e nivelit të ujit të lumenjve më të vegjël”, shtojnë nga QMK-ja.

Prej aty këshillojnë lëvizje të kujdesshme përgjatë lumenjve.

Advertisement

Gjykata e Apelit Shkup sot dhe nesër me fillim në orën 9 do të mbajë mbledhje publike për rastin “Llaskarca” i cili ka të bëjë me aksidentin e autobusit i cili ndodhi në vitin 2019 në të cilin humbën jetën 16 udhëtarë, ndërsa mbi 30 ishin lënduar. Në aktvendimin, i cili ishte publikuar në janar të vitit të kaluar, të akuzuarit ishin shpallur fajtorë dhe morën gjithsej 39 vjet burg. Pas aktvendimit, Prokuroria Themelore Publike Shkup parashtroi ankesë në Gjykatën e Apelit Shkup.

Me katër vjet burg u dënua i akuzuari Durmish Beluli, pronar i kompanisë “Durmo Turs”, përgjegjës për transport në ndërmarrje, Remzi Miftari, me gjashtë vjet burgim, ndërsa tre punonjësit e stacionit të kontrollit teknik, Igor Gjorgievski, Goran Dukovski dhe Jane Bovarovski, të cilët akuzohen për të njëjtën vepër, u dënuan me pesë vjet burg. Shoferi i autobusit, Manoil Trifunovski, mori dënimin më të lartë prej 14 vjetësh. Njëkohësisht, të akuzuarve iu është ndaluar ushtrimi i profesionit dhe detyrës për një periudhë prej pesë vjet.

Sipas aktgjykimit, të akuzuarit Durmish Beluli dhe Remzi Miftari nuk i respektuan rregullat e sigurisë, duke lejuar që një autobus teknikisht me defekt të merrte pjesë në komunikacion, gjë që përbënte rrezik për jetën e pasagjerëve. Tre punonjësit në stacionin e kontrollit teknik, Igor Gjorgjievski, Goran Dukovski dhe Jane Bovarovski, kanë lejuar autobusin të kalojë kontrollin teknik edhe përkundër defekteve. Shoferi Manoil Trifunovski, i vetëdijshëm për mosfunksionimin e automjetit, drejtonte autobusin me 55 udhëtarë dhe nga pakujdesia është përplasur në rrethojën metalike.

Procesin në Gjykatën Themelore Penale Shkup e udhëhiqte gjykatësja Diana Gruevska Ilievska, ndërsa përfaqësuese e akuzës është prokurori Darko Jakimovski.

Pas aktvendimit, Prokuroria Themelore Publike Shkup parashtroi ankesë në Gjykatën e Apelit Shkup. Prokurori Jakimovski kërkon dënime më të larta për të akuzuarit Durmish Beluli, Remzi Miftari, Igor Gjorgjievski dhe Goran Dukovski, si dhe ndalesa më të gjata për kryerjen e profesionit. Sipas prokurorit, gjykata e shkallës së parë e ka konfirmuar gjendjen faktike, por dënimet për të katërt janë shumë të ulëta.

Advertisement

Sipas Prokurorisë, për shoferin Manoil Trifunovski është adekuat dënimi i lartë me burg duke pasur parasysh përgjegjësinë e tij, por edhe mosshfaqja e keqardhjes për pasojat e rënda gjatë procesit gjyqësor, përderisa për të akuzuarin Jane Bovarovski, kontributi i të cilit për fatkeqësinë ishte më i vogël, prokurori publik vlerësoi se është i mjaftueshëm dënimi i caktuar me burg.

Ministri i Ekonomisë dhe Punës, z. Besar Durmishi, mori pjesë dhe mbajti fjalën hyrëse në konferencën “Reforma e Ligjit për Marrëdhëniet e Punës – sfidat dhe drejtimet”, e cila u zhvillua më 2 prill 2025 në Aleksandar Palace – Shkup.
Konferenca mblodhi përfaqësues të sindikatave, punëdhënësve, organizatave ndërkombëtare dhe ekspertëve të fushës për të diskutuar drejtimet e mundshme të reformës së ligjit për marrëdhëniet e punës.
Në fjalën e tij, ministri Durmishi theksoi se reforma nuk është vetëm një proces teknik, por një vendim për drejtimin që duhet të marrë tregu i punës në vendin tonë.
“Nuk po vendosim vetëm për tekst ligji – po vendosim si duam të duket tregu i punës.
Marrëdhënia e punës nuk është vetëm një kontratë – është një raport i gjallë që mbart siguri, dinjitet dhe përparim,” theksoi ministri.
Ai vuri në dukje se sfidat moderne kërkojnë një sistem ligjor të qartë, fleksibil për punëdhënësit, të drejtë për punëtorët dhe funksional për shtetin.
“Asnjë reformë nuk është e lehtë, por nuk ka sukses pa guxim, partneritet dhe vizion. Ky është momenti ynë i përbashkët për të ndërtuar një bazë të fortë për gjeneratat që vijnë,” u shpreh Durmishi. Konferenca shënon një hap të rëndësishëm drejt një procesi gjithëpërfshirës të reformimit të legjislacionit të punës, me qëllim ndërtimin e një tregu pune të drejtë, modern dhe të qëndrueshëm.