Në Shkup sot do të mbahet panel diskutim për politikat për licencimin e transmetimit dhe për të ardhmen e shpërndarjes së përmbajtjeve televizive në organizim të Qendrës për Zhvillim të Mediave.

“Besojmë se deri më tani ndryshimet në Ligjin për shërbimet mediatike audio dhe audiovizuele për harmonizimin e tij me Direktivën e re për Shërbimet Mediatike Audiovizive të BE-së, nuk janë të mjaftueshme dhe se ligjvënies i nevojitet një reformë më e plotë, që do të sigurojë përshtatjen e tij me tendencat e reja në fushën e transmetimeve televizive dhe funksionimin e medias në përgjithësi në mjedisin e ri dixhital”, theksojnë nga Qendra.

Mjedisi i ri dixhital dhe dominimi në rritje në platformat e internetit të shpërndarjes, ashtu siç potencohet në kumtesë, “mes tjerash edhe të përmbajtjeve mediatike audiovizuale, i bën platformat e vjetra të shpërndarjes gjithnjë e më pak të rëndësishme për procesin e shpërndarjes së përmbajtjes televizive/audiovizuale deri tek publiku”.

“Ky dokument është një përpjekje për të nxitur debat për nevojën e ndryshimeve në politikat aktuale për shpërndarjen e kapaciteteve në dispozicion për transmetim tokësor, por edhe për transmetimin kabllovik, satelitor dhe IPTV në Republikën e Maqedonisë së Veriut. Gjithashtu, dokumenti ofron disa ide dhe propozime më konkrete për drejtimet në të cilat duhet të shkojnë zgjidhjet dhe politikat legjivënëse për dhënien e lejeve të transmetimit, për t’iu përgjigjur sfidave të reja. Përgatitja e këtij dokumenti të politikave publike dhe diskutimi janë pjesë e aktiviteteve të rregullta të Qendrës për Zhvillimin e Mediave, me mbështetje financiare nga Fondi Evropian për Demokraci (EED)”, theksohet në kumtesë.

Në vitin 2022, 48.800 gra në botë prej tyre u shuan nga kjo dhunë, sipas OKB. Edhe në Gjermani gati çdo ditë një grua vritet nga partneri,sipas autoriteteve. Çdo tre minuta një grua apo një vajzë përjeton dhunë.

Dhuna ndaj grave vazhdon të rritet edhe në Gjermani.  Këtë e tregon raporti aktual i situatës mbi dhunën ndaj gruas i titulluar “Krimet specifike gjinore ndaj grave në vitin 2023”. Raporti i prezantuar nga Zyra Federale e Kriminalistikës javën e kaluar shfaqet për herë të parë në këtë formë, pasi ai përmban të dhëna edhe për krimet ndaj grave për shkak të paragjykimeve ndaj tyre, si dhe shifra për krimet që kryhen kryesisht në dëm të grave. 322 krime si pasojë e paragjykimeve kundër gruas u regjistruan nga policia vitin e kaluar si dhe 938 delikte të vrasjes së grave, 9 më shumë se në vitin 2022.

“Dhuna ndaj grave na prek të gjithëve. Ne shohim një femicid në Gjermani pothuajse çdo ditë.  Çdo tre minuta një grua apo vajzë në Gjermani përjeton dhunë në familje. Çdo ditë më shumë se 140 gra dhe vajza në Gjermani bëhen viktima të një krimi seksual. Ato bëhen viktima sepse janë gra. “Kjo është e padurueshme – dhe kërkon angazhim të vazhdueshëm,” u shpreh ministrja e Punëve të Brendshme, Nancy Faeser gjatë prezantimit të raportit të situatës aktuale në këtë drejtim nga Zyra Federale e Kriminalistikës.

Dita Ndërkombëtare kundër Dhunës ndaj gruas u thirr për herë të parë në vitin 1981 nga gratë në Karaibe dhe Amerikën Jugore. Gratë përkujtuan me këtë ditë tre motra që jetonin në Republikën Domenikane që u rrëmbyen, përdhunuan dhe u vranë. Patricia, Minerva dhe Maria Teresa Mirabal vdiqën më 25 nëntor 1960 nga dhuna e ushtarëve të regjimit famëkeq Trujillo, i njohur si regjim diktatorial dhe brutal. Në vitin 1999 kjo ditë aksioni u njoh zyrtarisht nga OKB. Në deklaratat ndërkombëtare dhuna ndaj gruas sot klasifikohet si shkelje e të drejtave të njeriut.Top Channel

Advertisement

Moti sot në mëngjes do të jetë i kthjellët dhe i ftohtë, nëpër disa lugina me kushte për paraqitje të mjegullës. Gjatë ditës, moti do të jetë kryesisht me diell me erë të lehtë nga drejtimi i ndryshueshëm. Temperatura minimale do të jetë në interval prej minus 11 deri në minus 3, ndërsa ajo maksimale do të lëvizë prej 7 deri 14 gradë, informojnë nga Drejtoria për Punë Hidrometeorologjike.

Në Shkup është paralajmëruar mëngjes i ftohtë, në disa pjesë të luginës me kushte për paraqitje të mjegullës. Gjatë ditës, moti pritet të jetë me diell dhe i qetë. Temperatura minimale është paraparë të bie deri në minus 6, ndërsa ajo maksimale do të arrijë deri 10 gradë.

Në ditët në vijim parashihet moti të jetë i qëndrueshëm dhe kryesisht i qetë me temperatura të ulëta të mëngjesit, ndërsa ato të ditës do të rriten. Nëpër disa lugina të ketë paraqitje të mjegullës dhe temperatura më të ulëta të ditës. Të premten në fund të ditës, priten reshje të kohëpaskohshme të shiut.