Connect with us

Lajme nga vendi

Kërkesë për lehtësimin e provimit të maturës shtetërore

Published

on

Organizata për dialog dhe afirmim të nxënësve të shkollave të mesme (ODAGJ) do t’i dërgojë kërkesë Kuvendit dhe Qeverisë për të lehtësuar kalimin e maturës shtetërore për gjeneratën e sivjetme – ose të shkurtohet vëllimi i materialit ose të reduktohet numri i provimeve të brendshme.

Kryetarja e ODAGJ-it, Anisia Ugrinovska, për MIA-n deklaroi se këto janë konkluzionet nga diskutimi që e organizuan të shtunën dhe do t’i dërgohen Kuvendit dhe Qeverisë, përkatësisht Ministrisë së Arsimit dhe Shkencës. Ajo është shkëputur nga protesta që gjimnazistët mbajtën sot para MASH-it me një kërkesë të tillë.

Ugrinovska tha se ata nuk janë organizatorë dhe, me gjasë, protesta është e vetëiniciuar, por se ODAGJ do të organizojë edhe protestë paralajmëruese, nëse autoritetet nuk i dëgjojnë kërkesat e tyre.

“Si organizatë synojmë që fillimisht gjërat të zgjidhen me diskutim dhe vetëm atëherë do të pasojnë masat më radikale. Kërkojmë ulje të vëllimit të materialit të dhënë për dhënien e provimit të maturës ose shkurtim të një lënde interne. Kjo është për shkak të dy faktorëve më të mëdhenj në katër vitet e fundit – ne ishim të zënë me krizën e koronës dhe kishim një vit e gjysmë mësime në onlajn dhe kërcënime me bomba. Në ndërkohë ka pasur edhe faktorë të tjerë, kështu që ne maturantët jemi gjenerata më e dëmtuar dhe nuk kemi pasur një vit të plotë shkollor të pandërprerë”, tha Ugrinovska për MIA.

Duke pasur parasysh se provimi i parë i ekstern është caktuar për 27 maj dhe siç tha, koha po i kufizon, ata do të presin përgjigje për kërkesën e tyre këtë javë.

Advertisement

“Matura po na troket në derë, nxënësit duhet të përgatiten. Pra, ne do të presim një përgjigje këtë javë. Është një problem aktual dhe kërkon një zgjidhje të shpejtë. Nëse nuk plotësohet kërkesa jonë, në atë rast do të paralajmërojmë protestë”, shtoi Ugrinovska.

Lidhur me këtë kërkesë dhe lidhur me protestën e sotme, kryetari i Lidhjes së nxënësve të shkollave të mesme të Republikës së Maqedonisë së Veriut, Luka Paviçeviq, në përgjigje të pyetjes së një gazetari në konferencën për shtyp që organizuan sot, tha se për momentin Asambleja e Përgjithshme e LNSHMRMV-së nuk ka marrë vendim dhe se duhet të merren parasysh të gjitha aspektet.

Sipas zgjidhjes aktuale maturantët testohen në dy lëndë të eksterne dhe dy të interne dhe një detyrë projekti. Testimi pas provimit të parë ekstern – Gjuhë amtare (maqedonisht, shqip ose turqish) dhe letërsi është caktuar për 27 maj, ndërsa më 10 qershor, sipas kalendarit të Qendrës Shtetërore të Provimeve, duhet të japin provimin e dytë ekstern – një zgjedhje midis lëndëve matematikë, gjuhë angleze, frëngjisht, gjermanisht, rusisht, filozofi ose estetikë

Advertisement

Lajme nga vendi

Vrasja e mjekut në Zhelezarë, tre të arrestuar

Published

on

Është arrestuar edhe një person lidhur me vrasjen e mjekut amë në Zhelezarë, me çka shkon në tre numri total i të arrestuarve që dyshohen të kenë lidhje me këtë rast. Ministri Teknik i Punëve të Brendshme, Pançe Toshkovski njoftoi se hetimi për vrasjen e shkaktuar me thikë po vazhdon edhe më tej. “Sipas informacioneve të mia është arrestuar edhe një person, pra gjithsej 3 persona. Kërkimi ka përfunduar në orët e vona të natës, vazhdohet me veprime të tjera hetimore që të mund të konfirmohet gjendja faktike”, deklaroi Pançe Toshkovski, Ministër Teknik i punëve të brendshme.
Ministri Teknik, Toshkovski gjatë ditës së djeshme njoftoi se janë ndërmarrë 20 veprime hetimore, janë kontrolluar mbi 50 kamera, sipas të cilave, siç tha ministri, është konstatuar se motivi i vrasjes nuk lidhej me profesionin që ushtronte mjeku i vrarë. Më 21 mars në orët e vona të mbrëmjes, mjeku amë është gjetur brenda makinës së tij me 9 plagë thike në trup. Atë e kanë gjetur djemtë e tij, të cilët kishin filluar ta kërkonin që kur babai i tyre nuk ishte kthyer në shtëpi në kohën e
paraparë.TV KOHA
Continue Reading

Lajme nga vendi

Taravari për marrëveshjen e Selës me Ahmetin: Nëse mendojnë që BDI-ja duhet të vazhdojë në pushtet është e drejt e tyre legjitime

Published

on

Kryetari i ASH-së, Arben Taravari tha se në rast se krahu i Selës në ASH vendos që të shkojë vetë në zgjedhje, ai është i gatshëm të jep vulat e partisë dhe të nënshkruaj propozimet e tyre, përcjell TV21.

“Nëse është arsyeja vulat pse shkojnë me BDI-në, unë para se ta mbajnë Kuvendin sot ju them përsëri, në qoftë se e mbani qëndrimin ende se mund të shkoni vetë, unë jam këtu që t’i pranojë listat me emrat që do t’i propozojnë ato për t’i nënshkruar dhe për t’i vulosur që të dalin me logon e ASH-së”, tha Taravari.

I pyetur për marrëveshjen e mundshme të ASH-krahu i Selës me BDI-në, ku ASH-së pretendohet se i premtohen 5 deputetë, Taravari the se e respekton vendimin e secilit.

“Shumë legjitime. Pavarësisht se si janë marrë vesh, unë e respektoj mendimin e çdo kujt. Unë këto dyshime i kam pasur edhe më parë, që ka afërsi dhe e kam thënë publikisht, ka afërsi të disa funksionarëve të ASH-së e BDI-në, por kjo nuk është diçka që është e jashtëzakonshme. Ata ashtu mendojnë, mendojnë që BDI-ja duhet të vazhdojë me pushtet dhe është shumë legjitime”, deklaroi Taravari.

Continue Reading

Lajme nga vendi

Osmani: Mendoj që kjo do të jetë një ndër fitoret më të mëdha që kemi pasur si bllok

Published

on

Në takimin me punonjësit në arsim dhe studentët, kandidati shqiptar për president, Bujar Osmani ka argumentuar se pse kandidohet si president.

“Dalim me idenë e presidentit të parë shqiptar dhe kërkojmë mbështetjen e gjithëve atyre të cilët kanë qenë të privuar nga mundësia për të pasur president, për shkak se këtu ka pasur monopole etnike dhe politike në 30 vitet e fundit, të cilët po i rrënojmë një nga një, mision pas misioni, duke e demonopolizuar shtetin dhe duke krijuar barazi të plotë. Asnjëherë duke tentuar që të dominojmë mbi të tjerët, por duke e kërkuar hisen tonë që secili të ketë mundësi të barabartë. Mendojë që kjo do të jetë një ndër fitoret më të mëdha që kemi pasur si bllok.

Ministri Osmani potencoi se këto zgjedhje do jenë jashtëzakonisht të rëndësishme. “Kujtoj që jemi në një udhëkryq të rëndësishëm historik, ku parashikueshmëria strategjike do të jetë përcaktuese se si do të jetë e ardhmja jonë e përbashkët. Një karakteristikë e veçantë e këtyre zgjedhjeve, dhe do të flas nga perspektiva partiake, për herë të parë po ridefinohet skena politike. Deri më tani, kemi pasur dy blloqe të mëdha politke, multietnike, që kanë pretenduar të udhëheqin shtetin, dhe keni pasur partitë politike shqiptare duke garuar, duke qenë partneri i vogël i blloqeve të mëdha”, tha ministri Osmani.

Continue Reading

Më të lexuarat