Lajme nga vendi
Marsh për të drejtat e grave – “A do të mbijetojnë gratë këtu?”
Nën slloganin “A do të mbijetojnë gratë këtu?”, sot në Ditën Ndërkombëtare për Luftë Ekonomike, Politike dhe Luftë shoqërore për barazi të grave, në sheshin “Filipi II” në Shkup do të organizohet marsh për të drejtat e grave.
Ky marsh, siç thonë nga Platforma për Barazi Gjinore, është shprehje përmes protestës për ngjarjet në vendin tonë dhe moskujdesin kolektiv ndaj grave dhe vajzave në çdo pikëpamje: nga shkallët e ritjes së dhunës, femicideve, padrejtësive të përditshme sociale dhe shëndetësore dhe pasigurisë ekonomike, deri në varfërinë e lartë e cila veçanërisht i godet gratë.
“Në vitin 2023, gratë dhe vajzat ende janë të diskriminuara në çdo pikëpamje dhe nuk realizojnë as të drejta të barabarta, as mundësi të barabarta, as në shtëpi, as në punë, as në politikë, as në jetën sociale. Në vitin 2023 gratë përballen me poltika të cilat nuk i njohin nevojat e tyre, me institucione të cilat nuk i mbrojnë, mekanizma të cilët janë të verbër ndaj nevojave për avancimin e barazisë gjinore dhe kulturë të dhunës dhe mizogjinisë e cila vazhdimisht përhapet”, theksojnë nga Platforma për Barazi Gjinore.
Marshi do të fillojë në orën 18:00 nga sheshi “Filipi II”, ndërsa do të përfundojë në parkun “Gruaja luftëtare”.
Lajme nga vendi
Tetovë, interesim I lartë për vaksinim
Vaksinimi kundër gripit sezonal ka nisur sot dhe zhvillohet në 36 loakcione të vendit. Janë siguruar 70 mijë doza, ndërsa 32 mijë qytetarë janë paraqitur për vaksinim.Në Qendrën për Shëndet Publik në Tetovë shihet një interesim i madh i qytetarëve për t’u vaksinuar.Bllagorodna Mishkovska mjeke në Qendrën për Shëndet Publik në Tetovë thotë se, vaksinimi po zhvillohet pa pengesa, ndërsa tregon edhe arsyet pse duhet vaksinuar.Sipas saj, nëse ka interesim më të madh do të sigurohen doza shtesë. “Sikurse viteve të kaluara edhe këtë vit kemi një interesim të shtuar për vaksinim.Të gjithë qytetarët e interesuar aplikojnë në portalin vakcinacija.mk, pra bëhet fjalë për grupet e rrezikuara dhe marrin sms termin se kur të vijnë të marrin vaksinën. Janë siguruar vaksina për pesë grupet e rrezikuara, të sëmurit kronikë, personat e moshës mbi 60 vjeçare, puntorët shëndetësorë, fëmijët deri në moshën 5 vjeçare dhe gratë shtatzëna.Për të gjithë këta, Ministria e Shëndetësisë ka siguruar vaksina pa pagesë.Qendra për Shëndet Publik në Tetovë, deri më tash ka siguruar 1700 doza të vaksinës kundër gripit sezonal” thotë Bllagorodna Mishkovska mjeke në Qendrën për Shëndet Publik në Tetovë Nga Qendra për Shëndet Publik thonë se vaksinimi mbron pacientët kundër gripit sezonal dhe ka nivel të lartë të imunitetit, por edhe nëse infektohen simptomat janë më të vogla dhe gripi kalohet më lehtë. Ministria e Shëndetësisë njofton se të gjithë të regjistruarit do të marrin porosi SMS për datën, orën e saktë dhe vendin ku duhet të paraqiten për vaksinim. Mjekët apelojnë që të gjithë qytetarët që janë pjesë e pesë grupeve të rrezikuara, në kohë të marrin vaksinën dhe të mbrohen nga viruset e ndryshme gjatë periudhës së ardhshme. / TV KOHA/
Lajme nga vendi
Visar Ganiu : Fëmijët ma rregulluan ditën që në mëngjes
Lajme nga vendi
Miratohet ribalansi I buxhetit të komunës së Tetovës
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve