Lajme nga bota
TikTok në SHBA do të kufizohet për moshat nën 18 vjeç
Rrjeti social TikTok ka njoftuar se do të lejojë përdoruesit amerikanë nën moshën 18 vjeçare të kufizojnë qasjen në një orë në ditë, një nga vendimet më radikale në përpjekje për të moderuar përdorimin e rrjetit social nga adoleshentët.
Është bërë e ditur se ky opsion do të jetë i disponueshëm në javët e ardhshme dhe do të mund të çaktivizohet. Megjithatë, përfshirja e kufizimeve mund të jetë më e pranueshme sesa mundësia që rrjeti social kinez të vendosë më shumë kufizime.
Pra, adoleshentët do të mund të përdorin TiTok për një orë në ditë, pas së cilës do t’u kërkohet të fusin një kod kalimi nëse opsioni është i aktivizuar.
Ky vendim është marrë pas vitesh monitorimi të ndikimit të rrjeteve sociale tek të rinjtë. Përveç kësaj, TikTok është nën presion në rritje nga Shtetet e Bashkuara, të cilat janë të shqetësuara për qëllimin e tij të vërtetë. Ekziston frika se Kina po e përdor këtë rrjet social si një mjet inteligjence. U përmend gjithashtu mundësia që amerikanët të çaktivizojnë plotësisht përdorimin e TikTok.
Kreu i besimit dhe sigurisë i TikTok, Cormac Keenan, tha se ata u konsultuan me ekspertë në Spitalin e Fëmijëve të Bostonit kur shqyrtonin sesa duhet të kufizohej qasja.
“Ndërsa nuk ka konsensus se sa shumë kohë para ekranit është e tepërt apo çfarë ndikimi ka, ne e kuptojmë se adoleshentëve u duhet dhënë mbështetje shtesë derisa të fillojnë të eksplorojnë në mënyrë të pavarur botën online”, tha Keenan.
Ai tregoi se nëse një person nën moshën 18 vjeç e çaktivizon kufirin e përmendur dhe përdor TikTok për më shumë se 100 minuta në ditë, do t’i kërkohet të vendosë një kufi kohor për veten e tij.
Ndryshe, rrjetet sociale Instagram dhe Snapchat kanë opsione të ngjashme.
Lajme nga bota
Gara në SHBA hyn në fazën përfundimtare, por ja sa milionë amerikanë kanë votuar tashmë
Dita e zgjedhjeve mund të jetë ende dy javë larg, por miliona njerëz në të gjithë SHBA kanë votuar tashmë.
Sipas një gjurmuesi, të jashtëm të mbajtur nga Universiteti i Floridës, gati 17 milionë njerëz kanë marrë pjesë në skemat e votimit të hershëm, të cilat janë gjerësisht të disponueshme në shumicën dërrmuese të shteteve të SHBA.
Demokratët dhe të moshuarit kanë më shumë gjasa të votojnë herët, qoftë personalisht ose nëpërmjet fletëvotimeve me postë.
Numri i njerëzve që votojnë herët është rritur në mënyrë të vazhdueshme në të gjithë SHBA dhe është rritur në 2020 për shkak të Covid-19.
Pas fitores së Joe Biden, Trump nisi një fushatë kundër votimit me postë dhe pretendoi pa prova se kjo çoi në mashtrim të gjerë elektoral.
Do të dëgjojmë shumë më tepër nga kandidatët në ditët në vijim ndërsa ata përpiqen të fitojnë votues të pavendosur, por ia vlen të kihet parasysh se miliona kanë vendosur tashmë dhe kanë vendosur kryqin e tyre në kuti.
Një djalë pesëmbëdhjetëvjeçar është arrestuar në SHBA pasi dyshohet se ka vrarë prindërit dhe tre vëllezërit e motrat e tij, dhe ka plagosur rëndë edhe një motër tjetër. Tragjedia ndodhi dje rreth orës 5 të mëngjesit me kohën lokale në Fall City, pranë Seattle-it.
Sipas mediave, vajza e plagosur rëndë, e cila ishte qëlluar me dy plumba, arriti të largohej nga shtëpia dhe të vraponte tek fqinjët për të kërkuar ndihmë. Policia mori thirrjen menjëherë pas kësaj.
Kur ekipet arritën në vendin e ngjarjes, u përballën me një skenë të tmerrshme. “Anëtarët tanë panë një pamje tragjike, pesë persona të qëlluar, të cilëve nuk u kishte mbetur shpëtim. Dy të rritur dhe tri vajza adoleshente”, njoftuan autoritetet.
Një vajzë u dërgua në spital me plagë të rënda dhe nuk dihet gjendja e saj. Fqinjët thonë se në shtëpi jetonte një familje prej shtatë anëtarësh – babai, nëna dhe pesë fëmijë të moshës nga 7 deri në 15 vjeç. Ata shpesh shiheshin duke shëtitur qentë dhe fëmijët që ngisnin biçikleta. “Dje i pashë fëmijët. Sillen normalisht”, thonë fqinjët.
Të gjithë janë në shok dhe thonë se fëmijët ishin të sjellshëm dhe të edukuar mirë. Ende nuk dihet çfarë i parapriu tragjedisë. Sipas policisë, djali i dyshuar për vrasje nuk bëri rezistencë gjatë arrestimit.
Një shqiptar është ekzekutuar në Spanjë, ndërsa trupi i tij është braktisur në derën e spitalit.
Ngjarja ka ndodhur në ‘La Selva’ të Gironas, ku një automjet tip “Audi” braktisi në derën e spitalit “Blanes” një person të vdekur. Viktima, i identifikuar më pas si shtetas shqiptar, ishte qëlluar me armë zjarri në pjesën e pasme të kokës.
Sipas policisë, mjeti që e braktisi ishte “Audi” ngjyrë e zezë me targa të huaja dhe brenda tij mendohet se kanë qenë 3 persona. Viktima nuk kishte mjet identifikimi me vete dhe autopsia e tij pritet të zhvillohet të hënën.
Tetovë, interesim I lartë për vaksinim
Visar Ganiu : Fëmijët ma rregulluan ditën që në mëngjes
Miratohet ribalansi I buxhetit të komunës së Tetovës
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve