Linja ajrore Shkup-Dubai, e cila ishte paralajmëruar se do të niste me funksionim që nga 30 marsi, është shtyrë, përcjell TV21. Kompania “FlyDubai” ka parashtruar kërkesë deri te në Ministrinë e Transportit për prolongimin e linjës ajrore, që ishte pjesë e fluturimeve të subvencionuara të përzgjedhura në thirrjen e parë të Qeverisë.

“Në informacionin e dorëzuar në Ministrinë e Transportit, thuhet se për arsye objektive që nuk varen nga kompania ajrore ‘FlyDubai’, kërkohet zyrtarisht prolongimi i fillimit të operimit në këtë linjë. Njëkohësisht thuhet se ‘FlyDubai’ është plotësisht e përkushtuar për vendosjen e këtij destinacioni. Ministria e Transportit mbetet në komunikim të vazhdueshëm me aviokompaninë dhe plotësisht i mbështet përpjekjet e tyre për realizimin e këtij destinacioni”, thonë nga Ministria e Transportit.

Nga Ministria nuk kanë bërë të ditur se deri kur kërkohet vonesa, pra se kur do të fillojë operimi i kësaj kompanie ajrore.

Dy persona kanë mbetur të lënduar pasi një veturë ra në Lumin Vardar në fshatin Çellopek.

Më datë 04.03.2025 në ora 19:40 në Sektoriin për Punë të Brendshme Tetovë është raportuar se në rrugën lokale për në fshatin Çellopek, afër urës së lumit Vardar, automjeti i pasagjerëve “Golf” me targa të Shkupit, i drejtuar nga T.M. (39) nga Tetova, ka dalë nga rruga dhe ka ra në lum.

“Në këtë aksident, lëndime trupore kanë pësuar shoferi dhe një pasagjere e mitur vajzë, të cilat janë konfirmuar në Spitalin klinik të Tetovës”, informoi SPB Tetovë.

Inspektimi është kryer nga ekipi inspektues nga SPB Tetovë. 

Shkon në 60 numri i viktimave nga zjarri në diskotekën “Puls” në Koçan. Ka ndërruar jetë Aleksandar Karadakovski, i cili ishte menaxher i kompanisë “MMM Cafe DOOEL” vetëm në letër, por realisht punonte si kamerier në diskotekën “Puls”.

Karadakovski vdiq në Lituani teksa po trajtohej dhe është viktima e 60-të e tragjedisë që goditi Maqedoninë./TV21