Lajme nga vendi
Paralajmërohet rikonstruimi i bulevardit “Ilinden” në dalje të Tetovës për në Gostivar
Zgjerimi dhe rivitalizimi i bulevardit “Ilinden” nga rreth-rrotullimi afër Universitetit të Evropës Juglindore i cili lidhet me pikë-pagesën dhe autostradën për në Gostivar është në planin e Komunës së Tetovës për këtë vit. Por, nuk dihet nëse e njëjta do të realizohet në tërësi sivjet, pasi do të varet nga sigurimi i mjeteve financiare. Nga Ndërmarrja Publike “Rrugët Shtetërore” thonë se kjo pjesë e rrugës e cila lidhet me autostradën, është nën juridiksion të Komunës së Tetovës, shkruan Portalb.mk.
Kjo pjesë e bulevardit të “Ilindenit” nuk është e sinjalizuar siç duhet, mungon ndarja e bulevardit në të dy kahjet, në disa pjesë mungon ndriçimi publik si dhe probleme të tjera infrastrukturore.
Pasi që kjo pjesë e bulevardit është në dalje të qytetit dhe lidhet me autostradën Tetovë-Gostivar, pyetëm në Ndërmarrjen Publike “Rrugët Shtetërore”, ata topin e hedhin te Komuna.
“Seksioni lëndor për të cilin ju bëni pyetjen, rruga “Ilindenska”, nuk është pjesë e rrjetit rrugor shtetëror dhe është nën juridiksionin e komunës”, thanë nga NP “Rrugët Shtetërore”.
Nga ana tjetër, Komuna e Tetovës njofton se për rivitalizimin dhe zgjerimin e bulevardit “Ilinden” (nga rreth-rrotullimi afër Universitetit të Evropës Juglindore deri te pikë-pagesa për në dalje të Tetovës, e cila lidhet me autostradën) Komuna e Tetovës ka projekt të përgatitur.
“I njëjti është paraparë në Programin e punës për vitin 2023, kurse realizimi i projektit në fjalë do implementohet pasi të sigurohen mjetet financiare”, thane nga Zyra për informim e Komunës së Tetovës.
Memet Jonuzi, udhëheqës i Sektorit për veprimtari komunale në Komunën e Tetovës sqaron se për bulevardin e “ilindenit” prej te rreth-rrotullimi prej te UEJL deri te mbikalimi, së bashku me rrugën servisore, projekti kap shumën prej 40 milionë denarëve, i cili kap të gjithë fazat, përfshin rikonstruimin e rrugës, kanalizim atmosferik, elektriken dhe sinjalizimin.
“E gjithë kjo ka të bëjë me një gjatësi prej 390 metra gjatësi, është i formuar projekti me dy korsi të ndara nga 7 metra e gjysmë, kemi gjelbërimin në mes nj metër dhe trotuaret që janë të përfshira në të dy anët nga katër metra gjerësi”, sqaron Jonuzi.
Por, sipas tij gjendja financiare e Komunës mbetet problematike.
“Komuna siç e dini është me borxhe dhe buxheti i komunës është i limituar, mendojmë të shfrytëzojmë burime tjera që kanë të bëjnë me disa organizata ndërkombëtare dhe institucione vendore që ne të aplikojmë, edhe nga vetë Qeveria, ose do të provojmë edhe në formën e kredisë që të sigurojmë mjetet për realizimin e saj. Kjo nuk do të thotë se ne si tërësi këtë ta realizojmë, por jemi të interesuar që komplet si projekt të fillon, ta ketë nisjen dhe në bazë të asaj varësisht prej mjeteve që do të kemi dhe që do të bëjmë rebalancin gjatë këtij viti mendojmë që të paktën të fillohet mandej të ketë edhe përfundimin”, theksoi Jonuzi.
Ky projekt i Komunës përfshin pjesën prej te rreth-rrotullimi deri te mbikalimi së bashku me rrugën servisore, ku lidhet pjesa që vjen prej Gostivarit, ndërsa siç tha Jonuzi pjesa tjetër i takon autostradës dhe i takon Rrugëve Shtetërore.
“Me ndërtimin e Qarkores e qytetit të Tetovës, autostrada A2, pjesa e rrugëve rajonale që kalonin nëpër qytetin e Tetovës automatikisht brenda 6 muajve do të kalojë në juridiksionin e komunës sipas Rregullores për kategorizimin e rrugëve publike. Në vitin 2021, Ndërmarrja Publike për Rrugë Shtetërore, përmes Marrëveshjes me Ndërmarrjen Publike për Mirëmbajtjen dhe Mbrojtjen e Rrugëve Magjistare dhe Regjionale, ka bërë përmirësimin e rrugës në rampën hyrëse nga kryqëzimi “Tetova Jug””, thanë nga NP “Rrugët Shtetërore”.
Kujtojmë që zëvendëskryeministri i parë, Artan Grubi para dhjetë ditësh njoftoi se Qeveria ka nënshkruar marrëveshje me kompaninë “Bechtel Enka” për të ndërtuar autostradën e Korridorit 8 në tërësi. Sipas tij, do të rrënohet tërësisht rruga aktuale Tetovë-Gostivar dhe do të ndërtohet autostrada me nga tre korsi në secilën anë që do të lidhet pastaj edhe me autostradën Gostivar-Kërçovë. Si edhe një rrugë anësore që do të lidh fshatrat nga Tetova në Gostivar.
Përndryshe, në muajin nëntor të vitit të kaluar, kryetari i Komunës së Tetovës, Bilall paralajmëroi se kanë filluar punët për vazhdimin e dy bulevardeve, “Ilindenit” dhe “Industrialit” nga pjesa e cila del në rrugën rajonale Tetovë-Jazhincë.
Tetova ka katër bulevarde, “Iliria”, “Ilinden”, “Industrial” dhe “Bllaogoja Toska”- lidhja e të të cilit nga shkolla tekstile me pjesën afër spitalit pritet të përfundojë në pranverë. Hapja e tre bulevardeve “Ilindenit”, “Industrial” dhe “Bllagoja Toskës” është edhe pjesë e Programit Zgjedhor 2021-2025 për Tetovën të kryetarit aktual të Komunës së Tetovës.
Imunizimi midis fëmijëve në shoqërinë e Maqedonisë së Veriut ka rënë ndjeshëm, thonë mjekët vendas. Mosbesimi, dyshimet, “konsultimet” nga rrjetet sociale janë disa nga arsyet pse prindërit nuk i çojnë fëmijët për vaksinim, raporton Zëri i Amerikës.
Edhe pse në vitin 2000, Maqedonia e Veriut mori mirënjohje nga Organizata Botërore e Shëndetësisë, pasi mbulimi i vaksinimit për disa vaksina ishte më i madh se 95 përqind, kjo përqindje tani është më e ulët, thotë Katerina Stavriq, pediatre në Klinikën e Fëmijëve në Shkup. Pandemia e Covid, thotë ajo, ndikoi në këtë trend negativ.
“Pas Covid-it, 2022, 2023, pothuajse të gjitha vaksinat i kemi nën 90%, përveç vaksinës së Hepatitit që merret në maternitet dhe BSZ, të gjitha vaksinat e tjera janë nën 90%, që është një rrezik që t na paraqiten sëmundje. Dhe po e shohim atë. Kemi kollë të keqe, jemi në kufi me fruthin dhe me këtë mbulim mund të kemi lehtësisht një epidemi, siç kemi pasur në vitin 2018”, thotë Stavriq.
Niveli më i ulët i vaksinimit është për vaksinën HPV, rreth 50 përqind, si dhe për dozën e parë të vaksinës së fruthit. Ndryshe nga rajonet e tjera në vend, situata është disi më e mirë në rajonin Ohër-Strusë.
“Veçanërisht për vaksinën gjashtëvalente, imunizimin kundër poliomielitit, hepatitit B, difterisë dhe kollës së keqe, përqindja është mbi 97 përqind për vitin 2024, ndërsa vaksina primare për Hepatitin B dhe kundër tuberkulozit e dhënë në muajin e parë është 100 përqind”, thotë Jovanka Strulakova Korovesoska, epidemiologe në Qendrën për Shëndet Publik në Ohër.
Përveç pandemisë Covid, mjekët tregojnë edhe arsye të tjera për përqindjen e ulët të imunizimit.
“Ka disa faktorë. Besoni, prindër që janë gjithnjë e më shumë hezitues dhe kanë pyetje. Ata shpesh kërkojnë përgjigje për këto pyetje në rrjetet sociale. Këtu marrin dezinformata, konsultohen me prindërit e tjerë dhe prapë marrin dezinformata”, thotë pediatri Stavriq.
Në rajonin e Ohrit përqindja e vaksinimit me vaksinën MRP, përkatësisht kundër fruthit, rubeolës dhe parotitit është më e ulëta.
Për të rritur shtrirjen e imunizimit, është mirë të mendohet për një vaksinim më intensiv në terren në shkolla dhe zona rurale, sugjerojnë mjekët.
Në shkolla nuk duhet të ketë kafene sepse janë institucione arsimore, thonë nga Ministria e Arsimit dhe Shkencës (MASH). Pasi Sdk, pas raportimeve të qytetarëve në mjetin Raporto problem, publikoi një tekst se oborret e shkollave janë shndërruar në lokale ku mbahen festa, ditëlindje, madje edhe dasma, Ministria deklaroi se kjo praktikë duhet të ndalet.
“Në shkolla kryhen aktivitete edukative dhe jemi dakord që të mos ketë përmbajtje apo shërbime nga të cilat nuk përfitojnë të rinjtë dhe procesi i tyre arsimor. Kryesia e re e Ministrisë së Arsimit në 6 muajt e fundit i është afruar zgjidhjes së sfidave të shumta që janë akumuluar në vitet e fundit, ndaj besojmë se do të gjendet një zgjidhje e përshtatshme në lidhje me pyetjen që ju jeni duke kërkuar”, tha Ministria e Arsimit.
Me lejen e Komunave, drejtorët e shkollave u japin me qira oborret kompanive private, me arsyetimin se do të mirëmbahen terrenet sportive, të cilat nxënësit do të mund t’i përdorin gjatë orëve të mësimit.
Pas përfundimit të mësimit, terrenet sportive shfrytëzohen nga klubet sportive apo qytetarët që merren me sport deri në orët e vona të natës. Por, në vend që të jenë vetëm për aktivitete sportive, nëpër oborre bëhen kafene, në të cilat ndonëse ndodhen në institucione arsimore për të mitur, hidhet alkool, bëhen ditëlindje, festa e deri në dasma.
Sipas anketës, në territorin e Komunës Qendër shkollat fillore “Dimitar Miladinov” dhe “11 Oktomvri” janë të shënuara si oborre të shkollave që jepen me qira për aktivitete sportive, në Komunën e Aerodromit shkolla “Bllaze Koneski”, kurse në Komunën e Kisella Vodës oborret janë lëshuar për balona në shkollat ”Krume Kepeski” dhe “Kuzman Shapkarev”. Në Komunën e Karposhit, oborri i shkollës “Petar Pop Arsov” është lëshuar për çerdhe private.
Në këto shkolla që janë përgjegjësi e komunave nuk ka kafene, por qytetarët ankohen se ka aktivitete sportive deri në orët e vona të natës dhe ka shumë zhurmë në verë.
Lajme nga vendi
Mickoski takon familjen Rusi në SHBA: Ata janë shembull i shqiptarëve të suksesshëm nga Maqedonia
Kryeministri, Hiristijan Mickoski gjatë vizitës në SHBA ka takuar familjen shqiptare Rusi të cilët janë me prejardhje nga Dibra.
Kryeministri në profilin e tij në Facebook shkruan se me familjen Rusi kanë diskutuar për mundësitë për forcimin e lidhjeve mes diasporës dhe Maqedonisë, si dhe për projekte që do të sjellin përfitime për të gjithë qytetarët.
Besoj se vetëm të gjithë së bashku, pavarësisht nga përkatësia etnike, mund të punojmë së bashku për të ndërtuar një Maqedoni stabile dhe të begatë.
Ne kemi nevojë për të gjithë ata që mund të kontribuojnë, si në vendlindje ashtu edhe nga diaspora, për të krijuar të ardhmen që meritojmë”, shkruan Mickoski në Facebook./Telegrafi/
Rritet numri i shitjeve të veturave të reja në BE
Mjekët në RMV thonë se vaksinimi te fëmijët ka rënë, pasi prindërit dezinformohen
Ministria e Arsimit e RMV-së: Oborret e shkollave të mos shndërrohen në kafene
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve