Connect with us

Lajme nga vendi

EShS: Mungesa e kuadrit nuk varet nga ne, por nga institucione tjera

Published

on

Enti Shtetëror i Statistikave do ta ketë të vështirë ta kapërcejë problemin e mungesës së kuadrit, diçka që nga Komisioni Evropian në raportin e vitit 2022 u kërkua të zgjidhet në mënyrë urgjente. KE-ja kërkoi gjithashtu edhe sigurimin e burimeve të mjaftueshme financiare për EShS-në. Nga ky institucion shprehen se në katër vitet e fundit nuk ka pasur as edhe një punësim, kurse ka pasur dalje të madhe të stafit. Në dhjetor të vitit që lam pas, EShS, shpalli konkurs për punësim, i cili pritet të zbusë sadopak këtë problematikë.

“Në lidhje me konkursin, procedura ka përfunduar më 9 janar dhe janë shpallur vendimet për pranimin e 39 kandidatëve (shpallja është paraqitur për 45 punësime të reja, por 6 nuk janë zbatuar për arsye të ndryshme). Për shkak të shtyrjes së procedurës së përzgjedhjes, zbatimi i plotë u zhvendos për në vitin 2023, kështu që aktualisht jemi në pritje të sërishme të pëlqimit financiar nga Ministria e Financave për t’u dhënë zyrtarisht vendimet punonjësve të rinj dhe të fillojnë punën”, thonë për Portalb.mk nga Enti i statistikave.

Në Entin e Statistikave ka ende mungesë të personelit (edhe përkundër këtyre 39 punësimeve të reja), duke pasur parasysh se në 4 vitet e fundit ka pasur një dalje të madhe të kuadrit dhe asnjë punësim të vetëm, thonë nga EShS.

“Plani i Entit është të vazhdojë me procedurat e rregullta për punësime të reja përmes planit të punësimit që e përgatisim çdo vit. Nëse ai plan do të zbatohet apo jo, varet nga institucionet e tjera, jo nga EShS. Nuk ka asnjë mundësi tjetër për të plotësuar nevojat e stafit të ri”, theksojnë nga EShS.

Advertisement

Në aspektin financiar, shtojnë ata, EShS financohet nga Buxheti i RMV-së dhe nga mjetet e ndara për vitin 2023, mund të konstatohet se ato janë të mjaftueshme për nevojat themelore të institucionit – pagat dhe komunalet.

“Nga këtu, sa i përket fondeve për hulumtime statistikore ekzistuese, punësime të reja, zhvillim dhe zbatim të hulumtimeve të reja statistikore – nuk mund të flasim fare për plotësimin e nevojave të Entit”, nënvizojnë në EShS.

Kujtojmë se ashtu si edhe në kapitujt tjerë, edhe në kapitullin 18 që ka të bëjë me statistikat, nuk është vërejtur ndonjë përparim i madh në raportin e Komisionit Evropian (KE) për Maqedoninë e Veriut. Vendi vazhdon të mbetet mesatarisht i përgatitur. KE-ja e sheh si urgjente nevojën e sigurimit të stafit adekuat dhe burimeve të mjaftueshme financiare për Entin shtetëror të statistikave, si dhe që ky institucion në vijim të publikojë tërësisht rezultatet e regjistrimit të popullsisë që u zhvillua në vitin 2021.

Komisioni nënvizoi se është bërë përparim i mirë, veçanërisht me publikimin e grupit të parë të të dhënave të regjistrimit të popullsisë në pranverën e vitit 2022. Përmirësime janë vërejtur në të gjitha fushat statistikore dhe në përafrimin e mëtejshëm të statistikave sektoriale me standardet e BE-së, duke përfshirë përdorimin e zgjeruar të burimeve administrative.

Theksohet se nevojiten përpjekje të vazhdueshme për të përmirësuar shtrirjen dhe cilësinë e të dhënave të statistikave makroekonomike dhe sociale.

Advertisement

Për shkak se vendi rekomandimet e vitit të kaluar nuk i zbatoi plotësisht, në vitin e ardhshëm, duhet në veçanti të:

publikojë të gjitha rezultatet e regjistrimit të popullsisë deri në fund të vitit 2022 dhe të sigurohet që rezultatet e regjistrimit të merren parasysh në vendimmarrje dhe shpërndarjen e burimeve;
sigurohet urgjentisht personel adekuat dhe burime të mjaftueshme financiare për Entin Shtetëror të Statistikave;
vazhdojë përafrimi i llogarive financiare dhe llogarive kombëtare tremujore me Sistemin evropian të llogarive 2010 (ESA 2010).
Rregullat e BE-së kërkojnë që Shtetet Anëtare të jenë në gjendje të prodhojnë statistika të cilësisë së mirë në përputhje me parimet e Kodit të praktikës së Statistikave evropiane dhe bazuar në pavarësinë profesionale, paanshmërinë, besueshmërinë, transparencën dhe konfidencialitetin. Janë parashikuar rregulla të përbashkëta për metodologjinë, prodhimin dhe shpërndarjen e informacionit statistikor.

Sidoqoftë, nëse vendi nuk do të kishte zbatuar regjistrimin e pupullësisë në vitin 2021, vështirë se do të merrte lëvdatat që i ka aktualisht në këtë kapitull. Maqedonia nuk arriti të bëjë regjistrimin për rreth 20 vite, ai paraprak, gjejgësisht para vitit 2021 ishte realizuar në vitin 2002. Dhjetë vjet më vonë apo në vitin 2011, ai nuk u mbajt për shkak të përplasjeve mes partive politike shqiptare dhe maqedonase, mbi mënyrën e realizimit, përkatësisht për përfshirjen ose jo të qytetarëve që janë jetojnë përkohësisht jashtë vendin, e që shumica prej tyre janë shqiptarë. Ishin shpenzuar dy milionë euro, ndërsa pati edhe një procedurë parahetimore kundër dy drejtuesve të koalicionit të atëhershëm qeveritar, Nikolla Gruevskit dhe Ali Ahmetit për ndërprerjen e regjistrimit, por kjo procedurë ka përfunduar pa epilog gjyqësor. /Portalb

Advertisement
Advertisement

Lajme nga vendi

Saiti: Vendimet e Gjykatës Kushtetuese doemos të respektohen

Published

on

Vendimi i Gjykatës Kushtetuese duhet të respektohet. E lexova deklaratën e tyre dhe është e vërtetë, ato nuk përcaktojnë pagën, por kanë korrigjuar dispozita që sipas tyre konsiderojnë se mund të korrigjohen, deklaroi kryetari i Shoqatës së gjyqtarëve, Xhemali Saiti.

Në pyetjen e gazetarëve në kuadër të Konferencës së sotme të gjyqtarëve 2023, me rastin e 31 Marsit – Ditës së gjyqësorit, Saiti theksoi se çështja është nëse shteti për momentin ka kapacitete ekonomike për t’i përmbushur ato kërkesa.

“Kjo mënyrë e përllogaritjes së pagës e cila ekzistonte deri më tani është bllokuar me një dispozitë e cila duhej të ketë karakter të përkohshëm, por ajo dispozitë ka që zbatohet tashmë 15 vite. Çështje tjetër është se a ka për momentin shteti kapacitet ekonomik për t’i përmbushur këto kërkesa, atë çështje me siguri e dinë njerëz nga qeveria dhe mund të përgjigjen”, tha Saiti.

Ai shprehu edhe indinjatën e tyre për mospërmbushjen e obligimeve të Qeverisë ndaj gjyqtarëve lidhur me rritjen e pagave.

Advertisement

“Ju e dini se jemi në një proces të gjatë negociatash me Qeverinë, duke hequr dorë nga kërkesat tona legjitime që të miratohet Ligj për pagat e gjyqtarëve i cili një ditë para vendimit të Gjykatës Kushtetuese u dorëzua në Komisionin para Kuvendit dhe u bllokua përmes amendamenteve, pastaj pasoi vendimi i Gjykatës Kushtetuese”, sqaroi Saiti, duke shtuar se pushteti ekzekutiv dhe legjislativ duhet ta përmbushin obligimin e tyre.

Gjykata Kushtetuese me vendim për shfuqizimin e dy neneve të Ligjit për paga dhe kompensim të funksionarëve, mundësoi rritjen e pagave të funksionarëve shtetërorë për 78 për qind. Me vendimin, përveç kryeministrit, presidentit, kryetarit të Kuvendit dhe të gjithë kryerësve të funksioneve publike përfshihen edhe gjyqtarët kushtetues.

Continue Reading

Lajme nga vendi

Zhduket një vajzë 12-vjeçare nga Shkupi, prindërit e saj kërkojnë ndihmë

Published

on

Një vajzë 12-vjeçare nga Shkupi është zhdukur që nga dje. Thirrje për ndihmë kanë publikuar edhe prindërit që kanë denoncuar rastin në polici mbrëmjen e djeshme në rrjetet sociale.

Familja e 12-vjeçares Anisa Ajro nga Shkupi që nga mëngjesi i sotëm është në kërkim të saj në rrjetet sociale dhe janë lënë numra telefoni që kushdo që e sheh të telefonojë të afërmit e saj. Të dhënat zyrtare thonë se vajza është larguar disa herë nga shtëpia dhe me ndihmën e policisë është kthyer pranë familjes.

“Më datë 30.03.2023 në Stacionin Policor Bit Pazar në ora 20:30, E.A.(38) ka raportuar se vajza e tij A.A.(12) ka ikur, ndërsa rreth orës 22:00 G.O.(39) ka lajmëruar se vajza e tij ka ikur vajzën MK (15). ). MK dhe më parë në disa raste ajo është larguar nga shtëpia dhe është kthyer mbrapsht. “Po merren masa për gjetjen e personave”, tha MPB për “A1on”.

Advertisement
Continue Reading

Lajme nga vendi

Në rrugën magjistrale Shkup-Bllacë gjendet një trup i pajetë

Published

on

Në rrugën magjistrale Shkup-Bllacë, mbrëmë rreth orës 23:30 (30.03.2023) është denoncuar se tek qarkorja në Vizbeg është gjetur një trup i pa jetë, pa kokë. Në vend ngjarje ka dalë ekip i mjekësisë ligjore dhe prokuror publik.

Sipas informacioneve të para, me siguri bëhet fjalë për migrant ilegal i cili është rrëzuar nga kamioni në të cilin ka qenë duke udhëtuar, ndërsa më pas është shkelur nga një makinë e rëndë që nuk është ndaluar në vendin e ngjarjes. Më tepër informacione pritet gjatë ditës.

Continue Reading

Më të lexuarat