Lajme nga vendi
LDM: Zgjerimi i shumicës parlamentare do të rrisë pakënaqësitë e qytetarëve
Lidhja Demokratike e Maqedonisë vlerëson se ideja e rritjes së shumicës parlamentare do të intensifikojë edhe më shumë pakënaqësitë e qytetarëve, se tensionet ndëretnike do të intensifikohen dhe parimet kushtetuese për përfaqësim adekuat dhe shkelen të drejtat e komuniteteve në qeveri.
“Përndryshe edhe me përbërjen aktuale të Qeverisë janë shkelur zgjidhjet themelore nga Marrëveshja Kornizë e Ohrit, si dhe normat e “Badenter” dhe “Balancuesit” që rrjedhin prej saj. Nëse duam institucione funksionale, kushtet prioritare për poste drejtuese në qeveri duhet të jenë ekspertiza, profesionalizmi, integriteti personal dhe rezistenca ndaj ndikimeve partiake dhe kriminale.
Partizani dhe çelësi etnik bllokuan dhe kriminalizuan institucionet. Qëndrimi i Lidhjes Demokratike është që në vend të negociatave aktuale për përfshirjen e Aleancës në Qeveri, LSDM-ja dhe veçanërisht BDI-ja duhet urgjentisht të konsolidojnë situatën brenda partisë për të vazhduar me reformat, veçanërisht në sistemin e drejtësisë dhe për të filluar një luftë të fortë dhe pa dallim kundër korrupsionit”, thonë nga LD.
Sipas tyre, në procesin e skriningut duhet të përfshihen të gjitha potencialet krijuese dhe Kuvendi të informohet vazhdimisht./Telegrafi/
Ministria e Punëve të Brendshme në prag të festave të ardhshme të Pashkëve, kumtoi se sot të gjitha Seksionet për punë administrative pranë Repartit për punë administrative të MPB-së, përveç Repartit për punë administrative Shkup, do të punojnë në periudhën prej orës 08:00 deri 16:00.
Reparti për punë administrative Shkup, megjithatë, respektivisht njësitë e tij organizative sot do të punojnë me këtë orar:
Pika Prolet – me dy turne prej orës 07:30 deri 19:30;
Pika TVM – me dy turne prej orës 07:30 deri 19:30, ndërsa me periudhën e njëjtë do të punojnë edhe pikat në Beko dhe Gjorçe Petrov;
Pikat Draçevë dhe Butel do të punojnë në një turn në periudhë prej orës 10:00 deri ora 18:00.
MPB-ja i njofton qytetarët se fotografimi për dokumente personale do të bëhet pa caktim të terminit, ndërsa dhënia e dokumenteve do të bëhet rregullisht.
Nesër (e shtunë 19.04) do të punojnë vetëm sportelet për dhënie të dokumenteve personale në TVM dhe Beko nga ora 08:00 deri ora 16:00.
Forca të shumta policore, me automjete të rënda, janë pozicionuar sot në vende strategjike në Haraçinë, raporton TV Shenja.
Ende nuk ka ndonjë informacion zyrtar për qëllimin e këtij aksioni. Rajoni i Haraçinës është shpesh në qendër të operacioneve .
Ndërmarrja publike komunale “Standard” e cila ekonomizon me ujësjellësin Rosoki-Dibër, njofton përdoruesit e ujit për pije se mund ta përdorin vetëm duke e vluar paraprakisht.
“Njoftojmë përdoruesit se rekomandohet vlimi i ujit të pijshëm para konsumimit, për sigurinë e shëndetit të qytetarëve. Ndaj kërkojmë mirëkuptim dhe vëmendje gjatë përdorimit të ujit deri në njoftimin e dytë”, thuhet në njoftimin e publikuar pasditen e sotme.
Shkak për këtë është një defekt teknik në pajisjen e stacionit të klorinimit, për këtë arsye uji nuk do të klorohet derisa të rregullohet defekti.
Orari i punës i Shërbimeve administrative të MPB-së gjatë festave të Pashkëve
Në Lundër të Tiranës, donin të vrisnin gruan e Roan Brahimit/ Policia: Makina me targa të ngjashme, autorët ngatërruan objektivin
LAJMI I FUNDIT: Forca të shumta policore në Haraçinë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve