Lajme nga vendi
Maqedoni, këtë vit nga skanimi i llogarive fiskale do të mund të merrni 2100 denarë
Nga ky vit rimbursimi i tatimit mbi vlerën e shtuar nga llogaritë fiskale do të rritet në 2.100 denarë në vend të 1.800 denarë.
Zgjidhja e propozuar ligjore është në procedurë parlamentare dhe është vendosur si pika e gjashtë e seancës së sotme plenare të 99-të. Ligji nxirret pas procedurës së shkurtuar.
E drejta e rimbursimit të TVSH-së ushtrohet për çdo tremujor kalendarik në të cilin lëshohet fatura fiskale.
Me propozim të Ministrisë së Financave, Qeveria më 27 dhjetor 2022 përcaktoi tekstin e Projektligjit që rrit shumën maksimale të rimbursimit të TVSH-së që mund të marrë një person fizik duke skanuar llogaritë fiskale për një tremujor.
Lajme nga vendi
Edhe një problem me dekada merr fund për Tetovën, strehimore për qentë endacak
Kryetari i komunës së Tetovës, Bilall Kasami ka njoftuar edhe për një problem të zgjidhur:
Ja postimi i tij:
Ju kujtohet në kohën e zgjedhjeve, premtimi për zgjidhjen e problemit me qentë endacak? Ata që zhvatën dhe e shkatërruan Tetovën thonin se nuk i’a dalim. Dhe, pikërisht sot, ne përurojmë STREHIMOREN për qentë endacak për të zgjidhur kështu njëherë e përgjithmonë këtë problem për qytetarët e Tetovës.
E kemi përmbushur premtimin se do të jemi ndër komunat e para që do të gjejmë një zgjidhje serioze për këtë problem që prek të gjithë vendin.
Qentë e pastrehë do t’i nënshtrohen trajtimit maksimal njerëzor që përfshin kapjen e tyre, transportin në spital, pritjen dhe ekzaminimin nga një veteriner i certifikuar, testin e socializimit, ekzaminimin laboratorik për sëmundje të caktuara, identifikimin dhe mbajtjen e shënimeve (çipe dhe etiketë në vesh), sterilizimin, tredhjen, akomodimi, trajtimi dhe kujdesi pas operacionit, si dhe vaksinimi i duhur.
Kur të tjerët flasin e premtojnë, ne gjejmë zgjidhje dhe realizojmë. Kjo është puna jonë, puna e besës dhe fjalës së dhënë!”, shkruan Kasami.
Lajme nga vendi
BDI: Vasalët të pa aftë ta ndalin poshtërimin e popullit në Qeverinë monoetnike, reagojnë me komunikata!
Bashkimi Demokratik për Integrim (BDI) dënon ashpër vendimin e qeverisë me legjitimitet një etnik, për të ndryshuar formulën e “balancerit” nga 29. 5 % siç është nxjerë nga përqindja e popullsisë totale, në 24.3%, që nënkupton mijëra shqiptarë më pak në institucionet shtetërore. Ky ndryshim është një goditje e rëndë ndaj të arriturave të deritanishme për përfaqësimin e drejtë dhe të barabartë të komuniteteve etnike në vend. Ndryshimi i formulës për të reflektuar vetëm popullsinë rezidente dhe jo atë të përgjithshme është një përpjekje e qartë për të margjinalizuar komunitetin shqiptar por edhe për të minuar kontributin e popullatës jorezidente të cilët kanë dhënë kontribit të vazhdueshëm në stabilitetin financiar të vendit përmes remitancave. Ky është veprim i dytë në drejtim të zhbërjes së rezultateve të regjistrimit të popullësisë, sëpari nga VMRO dhe tash nga Znam, dhe nxjerr në sipërfaqe pa aftësinë e vazalëve pa legjitimitet zgjedhor që po e poshtërsojnë popullin shqiptar në qeverinë monoetnike.
Ne, në BDI, e shohim këtë si një përpjekje të rrezikshme për të ulur ndikimin dhe pjesëmarrjen e shqiptarëve në jetën publike dhe institucionale të vendit. Ky vendim është në kundërshtim të plotë me frymën e Marrëveshjes së Ohrit dhe vlerat e demokracisë dhe barazisë të cilat kanë qenë themelore për paqen dhe stabilitetin në vend. BDI do të ndërmarrë të gjitha hapat e nevojshëm për të kundërshtuar këtë vendim të padrejtë dhe për të mbrojtur të drejtat e shqiptarëve në Maqedoninë e Veriut. Ne i bëjmë thirrje qeverisë të rishikojë këtë vendim diskriminues dhe të garantojë një përfaqësim të drejtë dhe të barabartë për të gjithë qytetarët e vendit.radiokosovaelire
Lajme nga vendi
Sërish edhe sot u regjistrua tërmet në Maqedoninë e Veriut
Mëngjesin e sotëm në orën 07:33 është ndjerë një tërmet në Maqedoninë e Veriut.
Fuqia e tërmetit është 2.2 gradë sipas Rihterit, ndërsa epiqendra është 120 km nga Pehçeva.
Thellësia është 10 kilometra.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve