Lajme nga vendi
Zeqiri: Të ardhurat nga buxheti i shtetit të jenë të njejta për të gjitha universitetet publike
Të ardhurat personale në arsimin e lartë për të gjitha universitetet publike të financuara nga shteti duhet të jenë të barabarta dhe të ndahen në bazë të kriteriumeve të njëjta.
Nuk është e drejtë që Kryetari i Kuvendit, z. Talat Xhaferi, në cilësinë e personit të autorizuar nga themeluesi i Universitetit, gjegjësisht Kuvendi i Republikës së Maqedonisë së Veriut dhe kryetari i Sindikatës së të punësuarve në Universitetin “Shën Qirili dhe Metodi” në Shkup, profesor Angel Ristov të nënshkruajnë marrëveshje kolektive individuale me USHQM ku rregullohen të drejtat, detyrimet dhe përgjegjësitë e punëtorëve dhe punëdhënësit, Universiteti “Shën Qirili dhe Metodi” në Shkup, të cilat rrjedhin nga marrëdhënia e punës, për përmirësimin e gjendjes materiale të personelit mësimdhënës dhe jomësimdhënës në USHQM.
Me këtë dokument Shteti u zotua se në vitin 2024 dhe 2025 do të ketë rritje të ndjeshme të pagave të punonjësve në universitet, gjë që do të kontribuojë në një zhvillim më të mirë të shkencës dhe arsimit të lartë, e gjithë kjo në interes të studentëve dhe shtetit.
Parashtrohet pyetja se çka ndodhë me pesë universitetet tjera publike ndër të cilat bënë pjesë edhe Universiteti ‘Nënë Tereza’ në Shkup i cili i ka pagat më të ulta se të gjitha universitetet tjera publike në vend.
Ne si universitet nuk jemi kundër marrëveshjes që ka nënshkruar kryetari i Kuvendit z. Talat Xhaferi por kërkojmë që të gjithë universitetet publike të përfshihen në marrëveshjen e njejtë.
Gjithashtu kërkojmë nga Ministria e Arsimit dhe Shkencës të rregullon çështjen e financimit në Arsimin e lartë. Është urgjente që në Arsimin e lartë të ndërrmeren reforma në çështjen e finacimit të universiteteve. Nuk është në rregull paratë për financimin e universiteteve publike nga buxheti i Republikës së Maqedonisë së Veriut të ndahen sipas Marrëveshjes për vetëqeverisje lokale të vitit 1988, pa rregulla, pa kriteriume dhe pa standarde.
Me qëllim ose pa qëllim nuk është në funksion Komisionin për financimin e arsimit të lartë që të mund ta ndalojë këtë laramani dhe padrejtësi që bëhet gjatë shpërndarjes së mjeteve nga Buxheti i RMV për universitetet publike.
Nga dita në ditë paratë nga Buxheti i RMV për financimimin e Arsimit të lartë shkojnë duke u zvogëluar por në të njejtën kohë zvogëlohen edhe mjetet nga vetëfinancimi.
Në shtojcë ju paraqesim analizën nga viti 2012 deri në vitin 2022.
Me respekt,
Prof.dr. Izet Zeqiri
Rektor i UNT-së
Lajme nga vendi
Durmishi ndau mjete financiare për organizatat e konsumatorëve për zbatimin e Programit për mbrojtjen e konsumatorëve
Ministri i Ekonomisë dhe Punës, Besar Durmishi ndau sot mjete financiare për organizatat e konsumatorëve për zbatimin e Programit për mbrojtjen e konsumatorëve, Programit për bashkëfinancimin e projekteve për zhvillimin dhe avancimin e sipërmarrësisë dhe zejtarisë, aktivitetet programore të rrjeteve të zejtarëve të biznesit, si dhe Programin për mbështetjen e konkurrueshmërisë së industrisë përpunuese dhe përgjegjësisë shoqërore.
Ministria e Ekonomisë dhe Punës, në përputhje me Thirrjen publike për ndarjen e mjeteve për realizimin e programeve (projekteve) të shoqatave të konsumatorëve, ka ndarë mjete financiare për organizatat e konsumatorëve në qytete të ndryshme të shtetit. Janë ndarë mjete për:
Organizata e Konsumatorëve të Ohrit: 350.000,00 denarë;
Organizata e Konsumatorëve të Manastirit: 350.000,00 denarë;
Organizimi e Konsumatorëve të Koçanës: 319.500,00 denarë;
Organizata e Konsumatorëve të Shtipit: 300.000,00 denarë;
Organizata e Konsumatorëve të Tetovës: 340.000,00 denarë;
Organizata e Konsumatorëve të Maqedonisë-Shkup (OKM): 340.200,00 denarë
Në kuadër të Programit për zhvillimin e sipërmarrësisë dhe konkurrueshmërisë së ndërmarrjeve të vogla dhe të mesme, si dhe për nxitjen e zhvillimit dhe avancimit të sipërmarrësisë dhe konkurrueshmërisë së ndërmarrjeve, Ministria e Ekonomisë dhe Punës realizon bashkëfinancimin e projekteve të fondacioneve dhe shoqatave që lidhen me mbështetjen jofinanciare për zhvillimin e biznesit dhe konkurrencës, për bashkëfinancimin e projekteve të shoqatave, fondacioneve dhe odave të zejtarëve për zhvillimin dhe promovimin e zejtarëve, etj., si dhe bashkëfinancimin e projekteve për veprimtari zejtare.
Për të tre masat, është parashikuar bashkëfinancim i 70% të shpenzimeve të projektit, por jo më shumë se 350.000 denarë për aplikant, ndërsa pas realizimit të programit, do të ndahen subvencione për 26 projekte me vlerë të përgjithshme prej 6.132.240 denarë.
Në kuadër të Programit për mbështetjen e konkurrueshmërisë së industrisë përpunuese dhe përgjegjësisë shoqërore, Ministria e Ekonomisë dhe Punës ka realizuar masën për kompensimin e një pjesë të shpenzimeve për akreditimin e laboratorëve, parashikohet zgjerimi i fushëveprimit të akreditimit të
laboratorëve ekzistues për testimin ose prokurimin e pajisjeve për laboratorët për lëshim në treg të produkteve me cilësi të sigurt.
Në kuadër kësaj mase, parashikohet bashkëfinancimi i shpenzimeve prej 50% të shumës jo më shumë se 400.000 denarë për secilin aplikant. Vlera e përgjithshme e vlerësuar është 3.000.000 denarë. Përdorues të kësaj skeme janë 11 laboratorë.
Te masa e kompensimit të një pjese të shpenzimeve për mirëmbajtjen dhe zbatimin e praktikave të pranueshme sociale të subjekteve afariste, vlera e përgjithshme e mjeteve është 2.000.000 denarë, ndërsa Ministria e Ekonomisë dhe Punës bashkëfinancoi 8 kompani.
Duke marrë parasysh nevojat e kompanive, Ministria e Ekonomisë dhe Punës do të vazhdojë të zbatojë masa dhe aktivitete që synojnë përmirësimin e konkurrueshmërisë. Lista e përdoruesve është tashmë e disponueshme në faqen e internetit të Ministrisë.
Kryetari i Komunës Qendër, Goran Gerasimovski njofton se është përfunduar thirrja publike për ndarjen e njëhershme të ndihmës financiare në shumë prej 2.500 denarë për pensionistët me pension pleqërie, familjare, invaliditeti ose pensioni social jo më i lartë se 23.758,00 denarë. Në këtë thirrje kanë aplikuar 1735 pensionistë për mbështetje financiare të njëhershme nga Komuna, e cila do të paguhet deri në fund të vitit.
Gerasimovski thotë se për këtë ndihmë kanë aplikuar 1735 pensionistë, e cila është një hap i rëndësishëm për mbështetje gjatë festave të fundivitit.
“Gjatë festave të Vitit të Ri kur e gjithë familjet festojnë së bashku, këto ditë mund të jenë një presion shtesë financiar për pensionistët. Prandaj, detyra jonë është t’ua lehtësojmë jetën e përditshme. Interesimi për thirrjen publike ishte vërtet i madh, besoj se këto mjete do t’u ndihmojnë për buxhetin familjar të festave”, thotë Gerasimovski.
Komuna Qendër, theksojnë nga atje, vazhdon të realizojë projekte përmes të cilave do të fuqizojë bashkësinë lokale, por edhe do të përmirësojë cilësinë e jetës së të gjithë qytetarëve.
“Në këtë kohë sfidash dhe krizash të reja, Koalicioni VLEN nuk ndalet! Sot, Ministria e Ekonomisë dhe Punës e drejtuar nga ministri Besar Durmishi, në përputhje me Thirrjen publike ndau mjete konkrete që prekin drejtpërdrejt jetën e qytetarëve tanë – për konsumatorët, zejtarët dhe sipërmarrësit që janë themeli i ekonomisë sonë.
Sepse për ne, secili qytetar është prioritet, dhe çdo denarë i ndarë shkon për të ndihmuar ata që punojnë dhe krijojnë!
Janë ndarë rreth dy milion denarë në të gjithë Shoqatat e Organizatave të Konsumatorëve në vend. Ndërsa pas realizimit të programit, do të ndahen subvencione për 26 projekte me vlerë të përgjithshme prej 6.132.240 denarë”, thuhet në njoftimin e koalicionit VLEN.
“Në kuadër të Programit për mbështetjen e konkurrentësisë së industrisë përpunuese dhe përgjegjësisë shoqërore, Ministria e Ekonomisë dhe Punës ka realizuar masën për kompensimin e një pjesë të shpenzimeve për akreditimin e laboratorëve, parashikohet zgjerimi i fushëveprimit të akreditimit të laboratorëve ekzistues për testimin ose prokurimin e pajisjeve për laboratorët për lëshim në treg të produkteve me cilësi të sigurt. Në kuadër kësaj mase, parashikohet bashkëfinancimi i shpenzimeve prej 50% të shumës jo më shumë se 400.000 denarë për secilin aplikant. Vlera e përgjithshme e vlerësuar është 3.000.000 denarë. Përdorues të kësaj skeme janë 11 laboratorë.
Te masa e kompensimit të një pjese të shpenzimeve për mirëmbajtjen dhe zbatimin e praktikave të pranueshme sociale të subjekteve afariste, vlera e përgjithshme e mjeteve është 2.000.000 denarë, ndërsa Ministria e Ekonomisë dhe Punës bashkëfinancoi 8 kompani. Duke marrë parasysh nevojat e kompanive, Ministria e Ekonomisë dhe Punës do të vazhdojë të zbatojë masa dhe aktivitete që synojnë përmirësimin e konkurrentësisë.
VLEN angazhohet për lehtësimin e jetës së qytetarëve. VLEN është afër afaristeve dhe qytetarëve. VLEN është zotuar për të dërguar në vend premtimet e saj”, mbyllet njoftimi i koalicionit VLEN.
Durmishi ndau mjete financiare për organizatat e konsumatorëve për zbatimin e Programit për mbrojtjen e konsumatorëve
Gerasimovski: 1735 pensionistë para festave do të marrin nga 2.500 denarë
VLEN: Çdo denarë për qytetarët, sipërmarrësit dhe të ardhmen e përbashkët!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve