Lajme nga vendi
RMV, nuk ka shumicë për votimin e ndryshimeve kushtetuese
Për momentin nuk ka shumicë për votimin e ndryshimeve kushtetuese, tha kreu i Parlamentit Talat Xhaferri, i cili në nj takim me gazetarët, shtoi se ai si kryetar i Komisionit për kështje kushtetuese është i gatshëm sapo të marrë një propozimin për fillimin e kësaj procedure. Për zgjedhje të mundshme të parakohshme në pranverë në favor të ndryshimeve kushtetuese, Xhaferi konsideron se duhet parë interesi i procesit, transmeton Portalb.mk.
Sipas tij, nuk ka nevojë për një takim të drejtpërdrejtë mes kryetarit të Kuvendit dhe kryeministrit për të diskutuar një çështje për të cilën kryeministri dhe palët e tjera të interesit kanë komentuar publikisht. Për momentin nuk ka shumicë adekuate për ndryshimet kushtetuese dhe të gjithë po diskutohen, theksoi kryeparlamentari.
“Në momentin kur do të konsiderojnë se i kanë kushtet për të nisur një iniciativë, unë jam i gatshëm si kryetar i Komisionit dhe i Kuvendit të veproj sipas procedurës, pasi të merret iniciativa më tutje”, tha Xhaferi.
Ai tha se nuk mund të thotë se deri ku kanë shkuar negociatat me deputetët për këtë çështje pasi nuk i udhëheq të njëjtat.
“Nuk është përgjegjësia ime t’i bëj ato biseda me deputetët”, tha Xhaferi.
Lidhur me çështjen e zgjedhjeve të parakohshme për votat e ndryshimeve kushtetuese, kryetari i Kuvendit thekson se vlerësimi i parë i kësaj duhet bërë nga këndvështrimi se a është në favor të procesit të shtetit drejt BE-së dhe nëse është në favor të interesave të qytetarëve.
“Nga konteksti im, ajo që shtë në interes të procesit. Interesi i procesit është që ndryshimet të ndodhin, të hapet rruga dhe të punohet brenda një afati të caktuar kohor për të përmbushur sa më shpejt atë që duhet të përmbushim për t’u bërë anëtare e plotë e BE-së. Nuk na duhet shembull tjetër, mjafton shembulli ynë me anëtarësimin në NATO. Të gjithë i dimë perceptimet para dhe pas anëtarësimit në NATO në kontekstin e zhvillimeve gjeopolitike. Në atë kontekst duhet të kemi parasysh që ai proces të përfundojë sa më shpejt, e kam fjalën të gjithë neve dhe shtetit dhe qytetarëve”, thotë Xhaferi.
Nga VMRO-DPMNE theksuan dje se mbeten të qëndrimit se nuk i përkrahin ndryshimet kushtetuese. Ata në një konferencë për media theksuan se si parti mbështesin anëtarësimin në Bashkimin Evropian dhe se nëse do të ketë zgjedhje, në programin e tyre parazgjedhor do të deklarojnë në mënyrë të detajuar se si do të vazhdojë vendi në atë rrugë, i cili do t’i prezantohet në mënyrë transparente me votuesit të cilët nëse do të ketë zgjedhje do të vendosin nëse do ta mbështesin politikën e ofruar nga kjo parti.
Kryeministri Dimitar Kovaçevski para pak kohësh deklaroi se për të është e qartë se vendimi i deputetëve në Kuvend për ndryshimet kushtetuese nuk do të jetë i lehtë, por nga ta pret që të tregojnë sjellje burrshtetasish. Ajo që është e qartë, theksoi kryeministri, është se deputetët kanë zgjedhjen ta lënë vendin në stagnim ose të marrin një vendim për një të ardhme më të mirë.
Kreu i Besës, Bilal Kasami, i ka dhënë ultimatum kryeministrit këtë javë, nëse dëshiron ndryshime kushtetuese, të shpallë zgjedhje të parakohshme parlamentare. Sipas tij, përfshirja e bullgarëve në Kushtetutë është në korrelacion të drejtpërdrejtë me mbajtjen e zgjedhjeve të parakohshme.
Kovaçevski e hodhi poshtë menjëherë një ultimatum të tillë, duke theksuar se ai nuk funksionon nën shantazh.
“Do ta përsëris edhe një herë se nuk funksionoj nën shantazh dhe presion. Zgjedhjet do të jenë në vitin 2024 dhe kjo tashmë është një përfundim i paramenduar. Çështja e ndryshimeve kushtetuese është serioze, është çështje shtetërore sepse nënkupton përfundimin e procesit për hapjen e klasterave në procesin e nisur të negociatave me BE-në. Kemi filluar negociatat me Bashkimin Evropian, procesi i skriningut është duke u zhvilluar dhe tani gjithçka varet nga ne. Prandaj, kjo çështje është parimore, nëse dikush e mbështet apo jo rrugën evropiane. Kushtet për një çështje ,,të tillë janë vërtet të papranueshme”, i është përgjigjur Kovaçevski Kasamit.
Lajme nga vendi
Gripi i shpendëve “te dera”, Romania dhe Bullgaria në alarm/ Mjekët: Kërkohet monitorim i veçantë
Epdeimologet veterinere kërkojnë të rritet monitorimi i shpendëve të egër që në këtë periudhë shtegtojnë në vendin tonë.
“Për momentin vendet më të afërta që kanë praninë e virusit në rajonin tonë janë Bullgaria dhe Rumania. Zakonisht virusi shfaqet tani në pranverë, deri në fund të verës.
Me ardhjen e shpendëve transportojnë edhe virusin e shpendëve”, tha dr Kujtim Mersini, epidemiolog, veteriner dhe pedagog në UBT.
Veterinerët tanë e kanë të pamundur të monitorojnë lagunat ku vijnë e ndalen shpendët e egra pasi nuk kanë automjete.
Ndërkohë që vetëm para dy vitesh gripi shpendëve orteku tre pularitë më të mëdha në vend duke u shkaktuar dëme të konsiderueshme.
“Risku është gjithmonë i lartë, na u prekën pularitë më të mëdha në vend, dëmi ekonomik ishte shumë i madh.
Risku është gjithmonë pranë, sepse shpendët e egra nuk i kontrollojmë dot”, tha Mersini.
Meta i shkon te shtëpia liderit demokrat: Moj Serbi, murin ta prisha se më thonë Sali Berisha
Edhe pse njihet si një grip që prek vetëm shpendët H5N1 ka alarmuar organizatën botërore të shëndetësisë pasi ka ndryshuar sjellje duke prekur gjitarët.
Në Qendrën e Trajnimit në Idrizovë sot u mbajt promovimi solemn i nëpunësve të rinj policorë – gjenerata 2023-2024.
Trajnimin njëvjeçar e përfunduan 508 policë të rinj prej të cilëve 416 burra dhe 92 gra.
Kryeministri Talat Xhaferi duke i uruar pjesëtarët e rinj të policisë theksoi se të jesh në vijën e parë të sigurisë është detyrë fisnike dhe në të njëjtën kohë detyrë me shumë përgjegjësi.
“Njohuritë dhe aftësitë të cilat i keni arritur gjatë vitit të kaluar përmes trajnimit intensiv, besoj që si nëpunës të ardhshëm të policisë do t’i zbatoni vazhdimisht në njësitë organizative ku do të shpërndaheni”, tha Xhaferi.
Ministri i Punëve të Brendshme, Pançe Toshkovski theksoi se policët i pret një etapë e re.
“Së pari do të ju porosis që gjithmonë ta keni në mendje se çdonjëri nga ju është kreator i fatit të tij. Suksesi juaj varet vetëm nga ju. Suksesi juaj duhet të përfundojë vetëm nga profesionalizmi juaj, bashkëpunimi, vullneti i mirë”, theksoi Toshkovski.
Me një letër të hapur drejtuar opinionit Lidhja e Sindikatave thekson se lëvizja punëtore në Maqedoni po përballet me një sfidë serioze për shkak të, siç thekson, qëndrimit të politikëbërësve të cilët kanë treguar se kujdesen vetëm për interesat e veta dhe nuk kujdesen për të drejtat e punëtorëve. Sindikalistët kërkojnë kthimin e shpenzimeve të ushqimit dhe rrugës, që sipas tyre përbën së paku 20% të pagës së punëtorëve në nivel vendi. Në 100 ditëshin e parë të qeverisë së re do të kërkojnë rritje të pagës minimale në 450 euro, duke ndjekur trendin e vendeve të rajonit. Kryetari i LSM-së Sllobodan Trendafillov tha se nëse nuk arrihet kjo edhe këta pak punëtorë që na kanë mbetur do të braktisin vendin.
Barriera psikologjike ngarkohet kur 60 mijë denarë ka arritur shporta e konsumit minimal, ky është një ‘karton i kuq’ për ata që dyshuan në përllogaritjet e sindikatës, duke u përpjekur të tregojnë se punëtorët mund të jetojnë me pak shpenzime. Ne këtë shportë të konsumin e publikojmë tu tregojmë punëtorëve se nuk mund të jetojnë me pagat që marrin. Lehtë e kanë ata të krijojnë politika me paga 2,500 euro por është vështirë të jetohet me 22,500 denarë”, tha Sllobodan Trendafillov, Kryetar i LSM-së.
Përndryshe, paga mesatare mujore bruto e paguar për punonjës, në shkurt 2024, ishte 58.967 denarë. Paga mesatare mujore neto e paguar për të punësuar në shkurt të këtij viti ishte 39.276 dhe krahasuar me shkurtin e vitit të kaluar është më e lartë për 16.5%, thuhet në raportin e Entit të Statistikave.
“Kjo rritje vjen mbi të gjitha nga rritja e pagës mesatare mujore neto të paguar për punonjës në sektorët: Administratë publike dhe mbrojtje; sigurimet shoqërore të detyrueshme 24.9%, shërbimet administrative dhe ndihmëse 22.5% dhe arti, argëtimi dhe rekreacioni 20.4%. Nga ana tjetër zvogëlim i pagës mesatare mujore neto për punonjës, krahasuar me muajin paraprak, është vërejtur në sektorët: Transport dhe magazinim 10.1%, Miniera dhe gurore 7.2% dhe Bujqësi, pylltari dhe peshkim 6.3%”, thanë nga Enti Shtetëror i Statistikave.
Më 1 maj është paralajmëruar një protestë masive ku punëtorët do të shprehin pakënaqësitë e tyre. Kryetari i Lidhjes së Sindikatave të Maqedonisë, kërkoi të tregohet vendosmëri në luftën e përbashkët, për një të nesërme më të mirë dhe për të drejta të punëtorëve. Në Ditën Ndërkombëtare të Punës protesta do të nis në orën 11:00 nga para Shtëpisë së Punëtorëve deri te Kuvend – Oda Ekonomike – Qeveri./Alsat.mk
Gripi i shpendëve “te dera”, Romania dhe Bullgaria në alarm/ Mjekët: Kërkohet monitorim i veçantë
U promovua gjenerata e re e nëpunësve policorë
Sindikalistët kërkojnë kthimin e shpenzimeve të ushqimit dhe rrugës
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve