Lajme nga vendi
Tryezë dhe prezantim i Programit për mbështetjen e konkurrencës së ndërmarrjeve të vogla dhe të mesme
Tryezë e rrumbullakët për Programin për mbështetjen e konkurrencës së ndërmarrjeve të vogla dhe të mesme (NVM) në Maqedoninë e Veriut do të mbahet sot në Shkup, në organizim të Bankës Evropiane për Rindërtim dhe Zhvillim (BERZH) dhe Delegacionit të Bashkimit Evropian në Shkup.
Në tryezën e rrumbullakët është paralajmëruar prania e zëvendëskryeministrit të obliguar për Çështje Ekonomike, Koordinim të Resorëve Ekonomik dhe Investime, Fatmir Bytyqi, përfaqësuesi i BERZH-it në vend, Andi Aranitasi dhe udhëheqësi i projekteve në Delegacionin e Bashkimit Evropian, Mari-Madeleine Kanelopulo.
Në këtë ngjarje, siç informojnë organizatorët, do të promovohen rezultatet dhe mësimet e nxjerra nga Programi për konkurrencën e NVM-ve për Maqedoninë e Veriut, i cili bashkëfinancohet nga Bashkimi Evropian dhe i cili mbështet mbi 200 biznese të vogla në vend.
Sipas këtij programi, BERZH-i siguroi kredi për bankat tregtare vendase që lehtësuan më tej kreditimin për bizneset e vogla lokale. Krahas kredive, NVM-të kanë përfituar edhe grante të financuara nga Bashkimi Evropian, në vlerë deri në 15 për qind të shumës së kredisë.
Lajme nga vendi
VLEN: Gjykata Administrative e vërtetoi “trenin bullgar” në Komunën e Likovës (DOKUMENT)
Gjykata Administrative e vërtetoi “trenin bullgar” në Komunën e Likovës, bëjnë të ditur nga VLEN ku publikohet edhe vendimi gjyqësor.
Sipas këtij vendimi, rezultati i vendvotimit 1112/1 në Likovë ështé i pavlefshëm dhe anulohet. Me këtë vendim do shkarkohet këshilli votues dhe se ndaj shkelësve të ligjit do ketë përgjegjësi penale, duke rrezikuar edhe me burgim.
Lajme nga vendi
Kasami me rininë e VLEN-it në hapësirat turistike të Malit Sharr: Turizmi malor, prioritet i qeverisë së ardhshme
Kryetari i Lëvizjes Besa dhe njëheritë bartësi i listës për deputetë në njësinë 6 nga koalicioni VLEN, Bilall Kasami ka vazhduar sot fushatën në Malin Sharr.
Kasami tha se me Ndryshimin që VLEN, pas 8 majit, në pikat turistike të Tetovës dhe rajonit do të investoj edhe si pushtet qendror dhe turizmi në malin Sharr do të zhvillohet në maksimum.
“Bashkë me Forumin e Gruas dhe rininë e VLEN sot qëndruam në Gurin e Sidollit. Tetova ka natyrë të pasur, vende tepër piktoreske për të cilat kujdesemi që ti ruajmë por edhe ti promovojmë si vende turistike. Po ashtu bashkë edhe me kandidatët për deputetë të zonës zgjedhore 6, takuam numër të madh të qytetarëve të cilët kishin dalë në shëtitje. Ja VLEN që Tetova dhe vendet e saj të ruhen, të vizitohen dhe të jenë perla turistike, të cilat nuk mund të gjinden në asnjë vend tjetër.
Me Ndryshimin që VLEN, pas 8 majit, në pikat turistike të Tetovës dhe rajonit do të investojmë edhe si pushtet qendror dhe turizmi në malin Sharr do të zhvillohet në maksimum!”, ka shkruar Kasami.
Lajme nga vendi
Maqedoni, fillon regjistrimi i nxënësve të klasës së parë për vitin shkollor 2024/25
Në shkollat fillore në vend në muajin maj do të bëhet regjistrimi i nxënësve të klasës së parë.
Prindi ose kujdestari është i detyruar të regjistrojë në shkollë fillore fëmijën që do të mbushë gjashtë vjeç deri në fund të vitit kalendarik.
Përjashtimisht, fëmija mund të regjistrohet në klasën e parë nëse brenda datës 31 janar të vitit pasardhës ka mbushur gjashtë vjeç, pas një kërkese të mëparshme të prindit, pra kujdestarit dhe një mendimi të marrë nga pedagogu ose psikologu në shkollë.
Prindi ose kujdestari ka të drejtë ta regjistrojë fëmijën në shkollën fillore të zonës ku jeton ose banon përgjithmonë. Shkolla fillore është e obliguar të përfshijë nxënës nga zona e saj.
Me kërkesë të prindit dhe nëse ka pëlqim nga shkolla, si dhe vende të lira, fëmija mund të regjistrohet në një shkollë që nuk është në zonën e tij të banimit.
VLEN: Gjykata Administrative e vërtetoi “trenin bullgar” në Komunën e Likovës (DOKUMENT)
Kasami me rininë e VLEN-it në hapësirat turistike të Malit Sharr: Turizmi malor, prioritet i qeverisë së ardhshme
Maqedoni, fillon regjistrimi i nxënësve të klasës së parë për vitin shkollor 2024/25
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve