Connect with us

Lajme nga vendi

Kërkohen linja të reja të autobusëve për fshatrat e malësisë së Tetovës

Published

2 years ago

on

  • Disa nga këshilltarët e komunës së Tetovës kërkojnë që të ketë më shumë linja të
    transportit publik.Bëhet fjalë për fshatrat e malësisë së Tetovës dhe fshatin
    Fallishtë.Kjo kërkesë është shtruar nga ana e këshilltarëve të LSDM-së .
    “Kemi propozuar hapjen e linjave të reja për transport të udhëtarëve deri në
    fshatin Falisht dhe Saraqinë.Pasi që ka disa linja, shpresoj se dhe kjo linjë do
    të hapet dhe këshilli do të marrë në konsideratë kërkesën tonë dhe qytetarët të
    mund të shfrytëzojnë trasportin publik”, tha Natasha Petrovska”këshilltare e
    LSDM-së.
    Ndërkaq, kërkesë kishte që të hapen linja të reja edhe për në fshatin Bozovcë, Vicë
    dhe poashtu Falishtë.
    “Propozova që të shtohen tre linja të reja, pra linja Tetova-Vicë dhe anasjelltas, linja Tetovë-Bozovcë dhe anasjelltas dhe
    Tetova –Falishtë dhe anasjelltas.Kërkova që raporti së bashku me linjat e reja të përfshira të inkorporohen dhe të sillet
    në seancën e rradhës në rend dite pasi që kishte edhe mangësi sa I përket linjave ekzistuese, pasi që linjat që janë të
    miratuara nuk realizohen në praktikë” tha Faton Selami këshilltar nga Alternativa.
    Në ndërkohë, këshilltarët e VMRO-DPMNE-së, theksojnë se kërkesa e LSDM-së
    është kopjuar nga ata dhe thonë se ata kanë kërkuar që nga viti I ardhshëm të ketë
    linja të caktuara edhe për fshatin Falisht.
    “Dua të demantoj këshilltaren e LSDM-së, sepse ne këtë propozim e kemi
    dhënë që në seancëne komisionit dhe ai propozim do të jetë për programën
    për vitin 2023.Pra, nuk do të ketë çdo orë autobus, por do të ketë orarë të
    caktuar gjatë ditës dhe nuk mund në këtë mënyrë të jepen deklarata”, tha
    Angel Karapetrov, këshilltar i VMRO-DPMNEsë.
    Ndërkaq, nga komuna e Tetovës thonë se kërkesat do të shqyrtohen dhe në bazë të
    mundësive do të përgjigjen kërkesave të këshilltarëve.
    “Unë si kryetar I këshillit kërkova që këta kërkesa të këshilltarëve të adresohen tek ndërmarrja dhe të sheh
    mundësinë reale që të inkorporohen edhe ata linja të reja. Por do të presim që administrata e ndërmarrjes të
    jep përgjigje se si do veprohet më tej në lidhje me këta kërkesa” tha Besar Durmishi, kryetar I këshillit të
    komunës së Tetovës.
    Në rend dite të seancës së gjashtë të komunës së Tetovës ishin raportet financiare
    për punë të Ndërmarrjes Publike Tetova Transport.TV KOHA
Related Topics:
Advertisement

Lajme nga vendi

68 persona dyshohen për tragjedinë në Koçan, po merren në pyetje dëshmitarët

Published

1 week ago

on

May 8, 2025

By

Prokurori Publik i Shtetit nuk sheh pengesa që hetimi për zjarrin në Koçan, i cili mori jetën e 62 personave, të përfundojë deri më 17 qershor, siç parasheh afati ligjor prej tre muajsh. Pa zbuluar detaje, prokurori tha se hetimi është në një fazë shumë të rëndësishme dhe dëshmitarët aktualisht po merren në pyetje si në Koçan ashtu edhe në Shkup. Sipas Kocevskit, nuk ka selektivizëm në hetim. Ai përsëriti sot, siç deklaroi edhe më parë Alsat, se hetimi mund të zgjerohet për të përfshirë të dyshuar të ri.

“Dëshmitarët po merren aktualisht në pyetje, si edhe të dëmtuarit dhe persona të tjerë që dinë diçka rreth ngjarjes. Ndërkohë, ata po koordinohen edhe me ekspertët në lidhje me atë që duhet të kryhet ekspertizë. Pra, nuk ka selektivizëm deri më tani, nuk do të ketë as në të ardhmen. Unë tashmë thashë për një media, kështu që derisa të përfundojë hetimi, zgjerim i mundshëm është i mundur, megjithatë, kjo varet nga provat dhe ajo që do të sigurojnë prokurorët publikë”, tha Ljupço Kocevski, Prokuror Publik i Shtetit.

Përpara tragjedisë në Koçan, qeveria filloi procedurë për shkarkimin e Kocevskit, e cila tani është e pezulluar. Nëse kjo procedurë do të vazhdojë apo jo, për Kocevskin, është vendim politik.

“E kam thënë disa herë këtë, kështu që është vendim politik. Për momentin, që nga fillimi i procedurës, nuk kam pasur asnjë presion apo kërcënim në këtë drejtim”, theksoi Ljupço Kocevski, Prokuror Publik i Shtetit.

Hetimi në Koçan filloi menjëherë pas tragjedisë, më 17 mars, dhe prokuroria ka tre muaj kohë për të përgatitur aktakuzë. 13 prokurorë po punojnë në hetimin, i cili është zgjeruar disa herë deri më tani, dhe i cili deri më tani ka përfshirë 68 persona fizikë dhe tre juridikë. /Alsat.mk

Advertisement
Continue Reading

Lajme nga vendi

Gjykata e Apelit ua rriti dënimet disa prej të akuzuarëve në rastin “Llaskarca”

Published

1 week ago

on

May 8, 2025

By

Gjykata e Apelit në Shkup i hodhi poshtë si të pabazuara ankesat e disa prej të pandehurve në rastin “Laskarci”, i cili ka të bëjë me aksidentin me autobus që ndodhi në vitin 2019, në të cilin humbën jetën 16 udhëtarë dhe u lënduan mbi 30, ndërsa pjesërisht e mbështeti ankesën e Prokurorisë Themelore Publike në Shkup, në një mënyrë që i rriti dënimet me burg pronarit të kompanisë “Durmo Tours”, të pandehurit Durmish Beluli, nga 4 në 10 vjet, personit përgjegjës për transportin në kompani, Remzi Miftari, nga 6 në 10 vjet dhe nga 5 në 7 vjet burg për dy punonjësit e stacionit të kontrollit teknik, Igor Gjorgievski dhe Goran Dukovski.
“Dënimet e punonjësit të tretë në stacionin e kontrollit teknik, Jane Bovarovski, dhe shoferit të autobusit, Manoil Trifunovski, mbeten të njëjta, 5 dhe 14 vjet burg. Seanca publike në Gjykatën e Apelit u mbajt më 2 prill të këtij viti, dhe pas kryerjes së këshillimeve dhe votimit në një pjesë të mbyllur të seancës më 17 prill 2025, gjykata nxori një vendim, i cili, siç informon, hodhi poshtë si të pabazuara ankesat e pronarit të kompanisë “Durmo Tours”, të pandehurit Durmishi Beluli, si dhe tre punonjësve në stacionin e kontrollit teknik Igor Gjorgjiovski, Goran Dukovski dhe Jane Bovarovski, dhe pranoi pjesërisht ankesat e personit përgjegjës për transportin në kompani, të pandehurit Remzi Miftari dhe shoferit të autobusit Manoil Trifunovski”, thuhet në njoftim.
Gjykata e Apelit e miratoi pjesërisht ankesën e Prokurorisë Themelore Publike në Shkup.
Njëkohësisht, sipas paragrafit II të vendimit, vendimi miratoi ankesat e palëve të dëmtuara në lidhje me vendimin për shpenzimet që kjo gjykatë e rrëzoi dhe e ktheu çështjen në atë pjesë në gjykatën e shkallës së parë për rigjykim.
“Ankesat e palëve të dëmtuara në lidhje me vendimin për kërkesën pasurore juridike u refuzuan si të papranueshme, në përputhje me nenin 411, paragrafi 4 i Ligjit për Procedurën Penale”, tha Zyra e Ankesave në një deklaratë.
Vendimi me arsyet e tij, në përputhje me Ligjin për Menaxhimin e Lëvizjes së Çështjeve në Gjykata, do të publikohet i plotë dhe do të jetë i disponueshëm në faqen e internetit të gjykatës.
Në vendimin, i cili u shpall janarin e kaluar, të pandehurit u shpallën fajtorë dhe morën një total prej 39 vitesh burg.
I pandehuri Durmish Beluli, pronar i kompanisë “Durmo Tours”, atëherë u dënua me katër vjet burg, personi përgjegjës për transportin në kompani, Remzi Miftari, u dënua me gjashtë vjet burg, ndërsa tre punonjësit e stacionit të kontrollit teknik, Igor Gjorgievski, Goran Dukovski dhe Jane Bovarovski, të cilët akuzohen për bashkëfajësi në të njëjtin krim, u dënuan me nga pesë vjet burg secili. Shoferi i autobusit, Manoil Trifunovski, mori dënimin më të lartë me burg prej 14 vitesh. Në të njëjtën kohë, të pandehurve iu ndalua gjithashtu ushtrimi i profesionit dhe detyrave të tyre për një periudhë prej pesë vitesh.
Sipas vendimit, të pandehurit Durmish Beluli dhe Remzi Miftari nuk i janë përmbajtur rregulloreve të sigurisë, duke lejuar që një autobus teknikisht i dëmtuar të marrë pjesë në trafik, gjë që përbënte rrezik për jetën e pasagjerëve. Tre punonjësit në stacionin e kontrollit teknik, Igor Gjorgjievski, Goran Dukovski dhe Jane Bovarovski, lejuan që autobusi të kalonte kontrollin teknik pavarësisht defekteve. Shoferi Manoil Trifunovski, i vetëdijshëm për mosfunksionimin e automjetit, po drejtonte autobusin me 55 pasagjerë dhe për shkak të pakujdesisë u përplas me gardhin metalik.
Gjykimin në Gjykatën Themelore Penale në Shkup e drejtoi gjykatësja Diana Gruevska Ilievska, ndërsa prokurorinë e përfaqësoi prokurori Darko Jakimovski.
Continue Reading

Lajme nga vendi

Sot u mbajt prezantimi i drejtimeve dhe profileve që ofrojnë shkollat e mesme të Tetovës në “Ditën e Hapur”

Published

1 week ago

on

May 8, 2025

By

Prezantimi i drejtimeve dhe profileve që ofrojnë shkollat e mesme të Tetovës në “Ditën e Hapur”, është më shumë se një prezantim publik pasi të gjithë të interesuarit dhe nxënësit që këtë vit për herë të parë do të regjistrohen në arsimin e mesëm nga afër u njoftuan me stafin mësimor, me drejtimet, kushtet dhe profilet që kanë shkollat e komunës së Tetovës. Ata kanë mundësi të zgjedhin se në cilën shkollë do të vazhdojnë mësimin dhe çfarë ofrojnë ato. Një gjë tashëm është e sigurte se shkollat e Komunës së Tetovës, janë të pajisura me të gjitha mjetet e nevojshme dhe procesi edukativo arsimor zhvillohet në një ambient komod dhe bashkëkohor.
Komuna e Tetovës është e përkushtuar që të ketë shkolla konkurruese jo vetëm në rajon, por edhe më gjërë!

Continue Reading

Më të lexuarat