Lajme nga vendi
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Gjendje krize në pjesën e energjetikës pritet të shpallet nesër. Vendimi do të jetë i vlefshëm nga 1 shtatori, ndërsa sipas paralajmërimeve të autoriteteve nuk do të ketë kufizime të energjisë elektrike në periudhën e dimrit nëse gjithçka shkon sipas planit. Madje, nga 1 shtatori hyjnë në fuqi masat për kursimin e energjisë elektrike që i miratoi Qeveria të cilat do të vlejnë deri më 31 mars të vitit të ardhshëm.
Ministri i Ekonomisë, Kreshnik Bekteshi, së fundmi në konferencë për media tha se nuk pret të ketë kufizime nëse gjithçka shkon sipas planit të Kompanisë elektroekonomike të Maqedonisë së Veriut.
“Nëse shkohet sipas planit të EMV, nuk presim të ketë restrikcione. Po bisedojmë edhe me udhëheqësitë e ministrive në Serbi dhe Bullgari që të mos ketë ndërprerje të kapaciteteve ndërkufitare si në vitin 2009 që të mos ketë problem në pjesën e furnizimit të konsumatorëve në tregun e lirë dhe këto janë kompanitë më të mëdha që bëjnë tregti përmes interkonektorëve me fqinjët”, tha Bekteshi në konferencën e përbashkët për shtyp me drejtorin e EMV-së ku u publikuan masat për kursimin e energjisë elektrike.
Sipas drejtorit SHA EMV, Vasko Kovaçevski, madje kompania punon me kapacitet maksimal sipas kapaciteteve aktuale të termocentraleve dhe resurseve dhe siç shtoi, “plotësojmë nevojat e furnizuesit universal EVN Home për qytetarët dhe konsumatorët e vegjël”.
“Bllok 3 në TEC Manastir është në ngecje për shkak të transformatorit të djegur shkaktuar nga ndikimi i jashtëm gjatë dhjetorit të vitit të kaluar dhe janarit të këtij viti. Për momentin transformatori ekzistues gjendet për servisim në Beograd dhe njëkohësisht është bërë edhe furnizimi publik për blerjen e një transformatori të ri i cili nuk është riparuar për 40 vjet që nga vënia në funksion e TEC Manastir. Presim që në fund të shtatorit ose në fillim të tetorit njëri prej transformatorëve të arrijë dhe në fund të tetorit të jemi me kapacitet të plotë me TEC Manastir që të mund një nga blloqet t’i nënshtrohet një riparimi të shkurtër”, tha Kovaçevski.
Sipas Kovaçevskit, aktualisht ka prodhim të energjisë elektrike nga dy blloqe në REK Manastir, një kaldajë në TEC Negotinë, prodhim hidro, prodhim energjie nga era dhe dielli, ndërsa tepricat e natës prej rreth 50 megavat shiten në tregun e lirë me çmime në bursë.
Qeveria në ditët në vijim pritet të shpallë edhe thirrjet publike për përzgjedhjen e kontraktorëve për prodhim, shpërndarje dhe furnizim me energji termike pasi që BEG-ut iu mor licenca për punë.
Qeveria më 16 gusht shpalli edhe masat për kursimin e energjisë elektrike deri në 15 për qind të cilat do të vlejnë deri në mars të vitit të ardhshëm. Për familjet dhe kompanitë ato janë në formë rekomandimi, ndërsa për institucionet shtetërore ka detyrime konkrete që do të duhet t’i respektojnë pasi në të kundërtën do të pasojnë sanksione.
“Para nesh është një nga dimrat më të rëndë në planin energjetik, jo vetëm për ne, por edhe për të gjitha vendet në rajon, si dhe në Evropë. Në mënyrë që më lehtë të përballemi me atë që na pret, për furnizim të papengueshëm me energji elektrike, shpenzim racional dhe fatura më të ulëta, përgatitëm plan dhe rekomandime për kursim të rrymës. Masat janë ndarë në disa kategori, varësisht nëse bëhet fjalë për amvisëri, kompani apo objekte, institucione dhe ndërmarrje në pronësi shtetërore. Qëllimi është ulja e konsumit për 15 për qind krahasuar me muajin e njëjtë vitin e kaluar. Nëse nuk arrihet ky qëllim, do të pasojnë, në pajtim me kodin etik dhe të gjitha dekretet, sanksione të caktuara për të gjithë udhëheqësit e institucioneve”, theksoi ministri i Ekonomisë, Kreshnik Bekteshi.
Lajme nga vendi
Mexhiti: Në tragjedinë e Koçanit u dëshmua se jemi bashkë pa kurrfarë dallimesh, kështu duhet të vazhdojmë
Zëvëndëskryeministri i parë, Izet Mexhiti, i ftuar në studio të hapur në Kanal 5 deklaroi që tragjedia e Koçanit ishte mësimi më i mirë që kemi fituar, që ne jemi në gjendje t’i qëndrojmë krah njëri tjetrit pa kurrfarë dallimesh.
“Kemi reaguar të gjithë pa dallim, hoxhallarë e priftërinjë, pa dallime etnike e fetare, donacione të shummta pothuajse nga shumë komuna Çair, Butel, Gostivar, kjo është për tu përshëndetur”, tha zëvëndëskryeministri Izet Mexhiti.
Ai shtoi se ky rast duhet të shrëbej si mësim që ngjashëm duhet të vazhdojmë.
“Kjo tragjedi duhet të na japin mësimin që me të njëjtin ritëm të vazhdojmë edhe tutje, të bashkuar edhe në të mirë jo vetëm në raste tragjike”, përfundoi zëvëndëskryeministri Mexhiti.
Shkruan: Adnan Azizi
Shpesh më pyesin: Pse vazhdimisht BDI bën spina kundër Bilallit, kundër teje, e bashkë me patronët e saj, në veçanti e sulmon me shpifje Lëvizjen BESA dhe lidershipin e saj?
Është shumë e qartë dhe shumë e thjeshtë, vetëm se duhet një analizë e vogël kronologjike!
Ja, nëse i analizojmë lajmet që mediat i bëjnë për të gjitha komunat në RMV, do të na del një shifër dyfish më e madhe e lajmeve kundër Komunës së Tetovës dhe Bilall Kasamit, krahasuar me lajmet e bëra për të gjitha komunat e tjera bashkërisht.
Nuk ka as edhe një ditë të vetme që e ka falë Zoti, që disa mediume dhe ca të ashtuquajtur gazetarë – kuptohet, të sponsorizuar dikur nga direkt Artani, e tash nga BDI – që nuk rrinë para dyerve të Komunës, rrugëve të qytetit të Tetovës, për të bërë ndonjë lajm të rremë ose për të shpifur për ta njollosur Bilallin.
A e dini pse?
Sepse Bilall Kasami dhe Lëvizja BESA janë promotorët dhe faktorët kryesorë që e dërguan BDI-në në opozitë, fillimisht duke bashkuar opozitën shqiptare, e cila asnjëherë më parë nuk kishte arritur të ishte e bashkuar.
Mllefi u shtua edhe më shumë pasi Bilall Kasami, tri herë me radhë, e mundi BDI-në në Tetovë.
Sepse në zgjedhjet e fundit parlamentare, Bilalli i fitoi të gjithë bashkë, në të ashtuquajturin “Fronti Europian”.
Një arsye tjetër tepër e rëndësishme pse ata e sulmojnë Bilallin është fakti se nuk po gjejnë kundërkandidat në Tetovë që do ta sfidojë, e jo më ta mundë Bilall Kasamin.
Bilall Kasami është edhe lider partie, edhe kryetar i Komunës së Tetovës, i cili me vizion dhe punë e ka transformuar rrënjësisht Komunën, të cilën me dekada e shkatërruan në çdo aspekt si BDI-ja, ashtu edhe të tjerët para saj!
E sulmojnë Bilall Kasamin sepse ia lanë trashëgimi 24 milionë euro borxh, ndërsa ai nuk vazhdoi të vjedhë si ata, por përveç ndërtimit dhe zhvillimit të komunës në çdo dimension, e ka ulur borxhin për 9 milionë euro. Sepse për vetëm tri vite, Bilall Kasami ka realizuar mbi 7 milionë euro investime kapitale.
Në vitin 2025 pritet që investimet të kalojnë shifrën e 15 milionë eurove në infrastrukturë tokësore dhe nëntokësore, pa harruar projektin e fituar për kolektorët, të financuar nga Banka Botërore me mbi 40 milionë euro, projekt ky që ata për 8 vite nuk e kishin lëvizur nga vendi dhe rrezikonte të humbte grandin.
E sulmojnë Bilall Kasamin sepse Bilalli kurrë nuk i shkoi në shtëpi Aliut dhe se Aliut kurrë nuk i kanë ecur “mësytnitë” me Bilallin dhe Lëvizjen BESA.
BDI, përmes kanaleve të saj të ndryshme, gjithmonë e ka përdorur strategjinë “përçaj dhe sundo” dhe përmes shantazhit të kryetarëve të partive tjera kundërshtare të saj.
Ky tentim nuk i ka ndezur kurrë me lidershipin e Lëvizjes BESA, e cila përveç se ua ka prishur të gjitha matematikat, i dërgoi edhe në opozitë. Ndërsa në zgjedhjet lokale, do t’i dërgojë në histori.
Dhe për në fund: A e keni vërejtur se vetëm në komunat ku menaxhon Lëvizja BESA, vazhdimisht ka realizim projektesh dhe investime kapitale? Si në Zhelinë ashtu edhe në Tetovë.
A mos vallë keni parë ndonjë kryetar komune nga radhët e BDI-së dhe Frontit Europian që të realizojë ndonjë projekt, qoftë edhe në fshatin e liderit të BDI-së, ku për dy dekada me pushtet lokal e qendror, ende nuk ka kanalizim?
Epo, nëse për 25 vite do të ishit angazhuar për të punuar në interes të qytetarëve, do të kishit harxhuar energji për të krijuar investime, për të ndërtuar bulevarde e autostrada, për të ndërtuar shkolla dhe spitale – e jo për të vjedhur dhe për t’u pasuruar, e as për të përçarë shqiptarët – atëherë sot do të ndjeheshit krenarë dhe do të rrinit me kokën lart.
Por, pasi keni vepruar ashtu siç keni vepruar, tani mbani në shpinën tuaj samarin e mëkateve dhe krimeve që keni bërë, ndërsa ne, e dinë të gjithë se:
“Nga dita që kemi le, as jemi shitur e as jemi ble”.
Vazhdojnë kontrollet e shkollave, çerdheve dhe institucioneve në vend. Në Tetovë deri nesër pritet të përfundojnë kontrollet e Inspektoratit Komunal në institucionet që janë në kompetencë të tyre. Për të gjitha lëshimet që do të konstatohen do të jepet afat për mënjanim. Kreu i Tetovës Bilall Kasami theksoi se nëse institucionet kanë vështirësi për të mbuluar shpenzimet, do të ndihmojë komuna.
Mexhiti: Në tragjedinë e Koçanit u dëshmua se jemi bashkë pa kurrfarë dallimesh, kështu duhet të vazhdojmë
Azizi: Pse po luftohet Bilall Kasami?!
You must be logged in to post a comment Login