Connect with us

Lajme nga bota

SHBA-ja propozon projektligj për sanksione kundër aktiviteteve destabilizuese dhe korrupsionit në Ballkanin Perëndimor

Published

on

Një grup senatorësh amerikanë, nga të dy krahët, paraqitën një projektligj që synon të mbështesë zhvillimin ekonomik, tregëtinë, si dhe të luftojë korrupsionin, përfshirë hartimin e legjislacioni të posaçëm për sanksionet, për të frenuar aktivitetet destabilizuese në Ballkanin Perëndimor, njofton VOA.

Projekligji, i njohur ndryshe si Akti mbi Demokracinë dhe Prosperitetin në Ballkanin Perëndimor është paraqitur nga senatorja demokrate Jeanne Shaheen, kryetare e Nënkomisionit për Evropën dhe Bashkëpunimin mbi Sigurinë Rajonale dhe senatori republikan Roger Wicker.

Iniciativa vjen mes shqetësimesh të rritura në rajon për shkak të luftës në Ukrainë. Senatorja Shaheen thotë se marrëdhëniet e Shteteve të Bashkuara me Ballkanin Perëndimor janë thelbësore në këto momente, ku duken qartë synimet e Presidentit Putin për të përhapur ndikimin keqdashës në të gjithë Evropën Lindore.

“Projektligji i ri dypartiak forcon tregtinë dhe investimet mes SHBA-ve dhe Ballkanit Perëndimor, duke luftuar në të njejtën kohë korrupsionin, nëpërmjet miratimit të një ligjislacioni të posaçëm për sanksione kundër aktorëve destabilizues. Të gjitha këto hapin rrugën për një integrim më të gjerë euro-atlantik”, tha Shaheen në prezantimin e iniciativës në faqen e saj në internet.

Projekligji udhëzon Sekretarin e Shtetit të ofrojë ndihmë teknike për çdo vend të Ballkanit Perëndimor për të zhvilluar një strategji kombëtare kundër korrupsionit.

Advertisement

Ai parashikon gjithashtu kthimin në ligj të dy urdhra ekzekutivë, që do të garantonin kompetenca për sanksione kundër atyre që kërcënojnë paqen dhe stabilitetin në Ballkanin Perëndimor dhe që janë të përfshirë në akte korruptive.

Po kështu synohet nxitja e partneritetin universitar, inkurajohet angazhimi i Korpusit të Paqes në rajon, krijimi i një iniciative për udhëheqësi rinore në Ballkan dhe si kërkohet nga Korporata Financiare për Zhvillim që të hapë një zyrë të shpallur më parë në rajon.

Shaheen ishte në krye të një grupi senatorësh amerikanë që vizituan në muajin prill Kosovën, Serbinë e Bosnje e Hercegovinën, mes shqetësimeve rreth ndikimit të konfliktit në Ukrainë, në Ballkanin Perëndimor. Vizita e tyre kishte për qëllim forcimin e lidhjeve mes Uashingtonit dhe Ballkanit Perëndimor, përballë përpjekjeve të huaja për të dëmtuar paqen.

Senatori Wicker tha se projektligji “do të dërgonte një sinjal të fortë dypartiak, se Shtetet e Bashkuara janë të përkushtuara për të mbështetur diplomacinë në rajon”.

Po kështu senatorët Dick Durbin, Thom Tillis, Chris Van Hollen, Ben Cardin e Chris Murphy janë mbështetës të këtij projektligji.

Advertisement

Për senatorin Tillis, në një kohë kur Rusia vazhdon luftën e saj të paligjshme kundër Ukrainës dhe kërcënon aleatët e NATO-s, rajoni i Ballkanit Perëndimor është kritik për sigurinë e Evropës.

Senatori Ben Cardin, Kryetar i Komisionit për Sigurinë dhe Bashkëpunimin në Evropë, i njohur si Komisioni amerikan i Helsinkit, tha se “në një kohë kur vendet e Ballkanit Perëndimor kanë bërë hapa të mëdhenj drejt qeverisjes demokratike, që nga fundi i luftrave në ish-Jugosllavi, përçarjet politike dhe korrupsioni në rritje, kërcënojnë të gërryejnë këtë përparim.

“Ne duhet të vazhdojmë të mbështesim partnerët dhe aleatët tanë demokratikë në Ballkanin Perëndimor. Ky projektligj dypartiak do të çojë përpara stabilitetin rajonal dhe përpjekjet kundër korrupsionit duke krijuar programe që inkurajojnë zhvillimin ekonomik gjithëpërfshirës, strategjinë kombëtare kundër korrupsionit dhe të mbajnë përgjegjës ata që kërcënojnë paqen në Ballkanin Perëndimor”, tha ai.

Senatorët amerikanë e shohin projekligjin si një mundësi për forcimin e mëtejshëm të marrëdhënieve mes SHBA-ve dhe Ballkanit Perëndimor, zgjerimin e mundësive ekonomike si dhe mbështetje për përpjekjet për të çuar përpara demokracinë dhe çrrënjosur korrupsionin.

Ndryshe, në qershor të këtij viti, Uashingtoni e filloi Dialogun Strategjik me Maqedoninë e Veriut. Sipas Departamentit amerikan të Shtetit, ky dialog përqendrohet në raportet dypalëshe dhe në të trajtohen një sërë çështjesh me interes të të dyja shteteve. Maqedonia e Veriut mund të përfitojë në aspektin ekonomik dhe të sigurisë nga dialogu strategjik.

Advertisement
Advertisement
Click to comment

You must be logged in to post a comment Login

Leave a Reply

Lajme nga bota

Lojrat Olimpike “Paris 2024”, detaje nga ceremonia madhështore mbi lumin e Senës

Published

on

Për herë të parë në histori, ceremonia e hapjes së një olimpiade do të bëhet nëpër qytet dhe jo në një stadium.

Gjashtë kilometra ndajnë Pont d’Austerlitz (Pont D’Austerlitz) dhe Pont d’léna, dhe përgjatë kësaj rruge përgjatë lumit parizien, do të nisen 162 anije, duke marrë me vete më shumë se 10,000 sportistët nga 206 delegacionet që do të marrin pjesë.

Siguria është një nga çështjet shqetësuese dhe për ta arritur këtë, përgjatë lumin Sen do të vendosen rreth 45,000 agjentë. Kulla Eifel gjithmonë imponuese, ku këtë radhë tërheqin vëmendjen unazat olimpike, që debutojnë në emblemën e qytetit.

Njëqind vjet më vonë Lojërat Olimpike kthehen në Qytetin e Dritës, e kur kanë mbetur edhe pak ditë të mbetura, shtohet ankthi, kur në 26 korrik me ceremoninë historike të hapjes do të ndizet edhe flaka olimpike.

Nëse siguria e lejon këtë falë një dislokimi të jashtëzakonshëm agjentësh dhe nuk do të lindë nevoja të aktivizohet plani B ose C (në Trocadero ose Stade de France), “Paris 2024” do të mbahet mend për organizimin e ceremonisë hapëse të parë zhvilluar jashtë stadiumit olimpik. Udhëtimi prej 6 km që sportistët do të bëjnë me varkë ditën e parë do të jetë monumental.

Advertisement

Gjithçka do të nisë në orën 19:30, nga Ura e Austerlitz-it që shkon drejt perëndimit. Dhe prej andej, me vizion të drejtpërdrejtë, do të shfaqet një park unik olimpik.

Të gjithë do të mahniten nga Katedralja Notre Dame, ende në restaurim, Muzeu i Luvrit dhe Muzeu Orsay, me orën e tij të pagabueshme.

Place de la Concorde dhe obelisku i tij, i cili do të presë sportet urbane (BMX, breaking, basketboll 3X3 dhe skateboarding), do të japin gjithashtu mirëseardhjen e tyre të veçantë më pas.

Më pas do të jetë radha e Esplanades dhe Pallatit të Invalidëve ku do të bëhet, gjuajtja me hark dhe kupola elegante prej xhami e Grand Palais, ku do të zhvillohen skerma dhe taekwondo.

Varkat që do të transportojnë 10,500 atletë nga 206 delegacionet, do të kalojnë dy ishujt qendrorë (Saint Louis dhe La Cité) dhe do të kalojnë mbi dhjetë ura, duke përfshirë Urën e njohur Alma ose kushtuar Aleksandrit III, spektakolare me detajet e saj të arta.

Advertisement

E fundit do të jetë Ura Jena, pranë Kullës Eifel dhe kopshteve Trocadero dhe Champ de Mars, ku do të luhet Beachvolley.

Dhe kjo me siguri do të jetë kartolina ikonë që do të mbetet përgjithmonë nga këto Lojëra.

“Kjo ceremoni, me botën ku po jetojmë, është një dhimbje koke për sigurinë, por do të jetë një moment i jashtëzakonshëm për komunitetin”- thotë Yannis Exarchos, drejtori i përgjithshëm i Shërbimeve të Transmetimit Olimpik.

“Ne do të kemi njëqind kamera përgjatë lumit, dyqind telefona celularë në varka, tetë dronë dhe tre helikopterë”.

Pas kufizimeve prej pandemisë në olimpiadën e Tokios, Parisi, me synim e integrimit total, propozon edhe një maratonë të hapur, si dhe dhënien e medaljeve për sportistët në Parkun e Kampionëve.

Advertisement
Continue Reading

Lajme nga bota

Forbes: Dy ditë pas atentatit, pasuria e Trump u rrit mbi 1 miliard dollarë

Published

on

Vetëm dy ditë pas atentatit ndaj kandidatit për president të Shteteve të Bashkuara të Amerikës, Donald Trump, pasuria e tij u rrit për më shumë se 1 miliard dollarë, njofton revista

Mbi 1 miliard dollarë është shtuar në vlerën neto të Trump të hënën, pasi aksionet e Trump Media—prindit të platformës sociale Truth Social—u rritën disa ditë pas një përpjekjeje për vrasje të Trump, i cili mbajti një pjesë të shumicës në kompani.

Trump ka një pasuri neto prej 6.6 miliardë dollarësh, që e rendit atë në mesin e 500 njerëzve më të pasur në botë, sipas vlerësimeve të fundit të Forbes.

Pasuria e tij neto është rritur në më shumë se 8 miliardë dollarë, nga rreth 4.1 miliardë dollarë kur Trump Media doli në publik më 26 mars dhe çmimi i aksioneve të kompanisë arriti në 79.38 dollarë.

Vlera e vlerësuar e Trump Media është midis 40 dhe 90 milionë dollarë.

Advertisement

Trump ishte duke folur në një tubim më 13 korrik në Pensilvaninë perëndimore kur u dëgjuan disa të shtëna. Më vonë, ai tha se një plumb i shpoi pjesën e sipërme të veshit të djathtë.

Dy persona u vranë, përfshirë sulmuesin e dyshuar dhe dy persona që ishin në audiencë po ashtu u plagosën rëndë.

FBI ka identifikuar të dyshuarin si Thomas Matthew Crooks, 20 vjeç, nga Pensilvania.

Continue Reading

Lajme nga bota

Mblidhen katër milionë dollarë për familjen e të vrarit në tubimin e Trump

Published

on

Në ueb-faqen GoFundMe janë mbledhur 4 milionë dollarë, për burrin që u vra gjatë sulmit në tubimin e Donald Trumpit në Pensilvani.

E në mesin e donatorëve më të mëdhenj për këtë burrë janë dhënë nga Dana White dhe Kid Rock.

Ky fondacion është organizuar nga Meredith O’Rourke, që gjithashtu financon fushatën e Trumpit dhe ka arritur të mbledhë para për të plagosurit dhe të vrasin në të shtënat e së shtunës në Butler.

Fillimisht ishin kërkuar 1 milion dollarë, por kjo shumë u tejkaluar për pak orë, duke mbledhur mbi 4 milionë dollarë nga më shumë se 54 mijë donatorë.

Bëhet fjalë për Corey Comperatore, që u vra dhe dy tjerë u plagosën rëndë në sulmin që kishte për objektiv ish-presidentin amerikan Trump që u godit me një plumb në veshin e djathtë.

Advertisement
Continue Reading

Më të lexuarat