Kryeministri Hristijan Mickoski sot para mediave deklaroi se para Arben Taravarit janë dy zgjidhje: njëra është kjo Qeveri e cila ofron reforma dhe ndryshime, ndërsa opsioni i dytë është ai që me vite e ka kriminalizuar shtetin dhe ka shkatërruar institucionet.

“Nuk ka opsion të tretë, kjo është zgjidhja. Do të doja të dëgjojë nga Taravari se cili opsion është më i mirë për të”, tha Mickoski, përcjell SHENJA.

Për marrëdhëniet personale me Taravarin, Mickoski tha se si person ka mendim pozitiv, por në politik, fytyra është diçka që ose e ke ose nuk e ke.

“Ose e mbanë fjalë ose nuk e mban. Në rastin e tij, të paktën tre herë kamë treguar se e mbajë fjalën dhe në momente kur ndoshta ka patur dilema në kuadër të udhëheqësisë së partisë. Lojërat prapa perdeve janë të lexueshme dhe lehtë identifikohen. Zakonisht ju bien në kokë atyre që i bëjnë. Askënd në jetë nuk e kam lutur dhe nuk e kam ndërmend ta lus. Me ose pa Taravarin, Qeveria është stabile me shumicë të madhe”, tha Mickoski.

Kryetari i ASH-së Arben Taravari, ka folur për takimin e tij që do ta mbajë sot me kryeministrin Hristijan Mickoski. Ai tha se do t’ia sqarojë çështjet që Mickoski nuk i ka të qarta në lidhje me funksionimin e ASH-së në Qeveri.

Taravari foli edhe për VLEN-in, për të cilët tha se “servilosen dhe duan me çdo kusht të jenë në Qeveri”.

“VLEN-i sikur serviloset dhe me çdo kusht mundohen të jenë në Qeveri. Nëse është kusht ky neve nuk na pengojnë, por duken jashtë prej jashtë dhe lënë përshtypje të keqe. U urojmë suksese, brenda ditës së nesërme do ta kemi grupin tonë parlamentar dhe do ta shohim si do të rrjedhin zhvillimet politike”, tha Taravari.

I pyetur për bashkëpunimin me MPB-në, ai tha se për momentin kryesia e partisë së tij ka vetëm vendim për të shkuar në zgjedhjet lokale me lista të veçanta për kandidatë për këshilltarë komunash.

“Për momentin kryesia e partisë ka vetëm një vendim, që është të shkojmë me lista të veçanta për këshilltarë komunal, ndërsa për kandidatët për kryetarë komunash do të shohim”, tha Taravari.

Advertisement

VLEN në një kumtesë për media thotë se përfaqësuesi i tyre, në cilësinë e ministrit të Çështjeve Evropiane, Orhan Murtezani, ditëve të fundit ka qëndruar në Japoni për të zhvilluar takime të frytshme me përfaqësuesit e Agjencisë Japoneze për Bashkëpunim Ndërkombëtar (JICA) dhe personalitete të rëndësishëm dhe biznesmen të rëndësishëm në Japoni.

Nga VLEN thonë se takime të tilla shënojnë një moment të rëndësishëm në marrëdhëniet tona bilaterale me Japoninë.

“Gjatë diskutimit, u theksua rëndësia e hapjes së një zyre të JICA-s në Maqedoninë e Veriut, një nismë që do të intensifikojë koordinimin, do të përforcojë bashkëpunimin institucional dhe do të lehtësojë implementimin e projekteve të reja në terren. Një prezencë fizike e JICA-s në Shkup do të sillte një ritëm të ri në bashkëpunimin tonë dhe do të shërbente si pikë kontakti për projekte afatgjata. Duke parë drejt vitit 2025 dhe më tej, riafirmuam përkushtimin për të vazhduar me iniciativa të reja në fushën e turizmit për bizneset e vogla dhe të mesme, duke forcuar kështu zhvillimin ekonomik lokal dhe ndërtuar një model më të qëndrueshëm zhvillimi”.

“Partneritetet si ai me Japoninë nuk janë thjesht projekte të izoluara, por pjesë e një qasjeje gjithëpërfshirëse që synon rritje të kapaciteteve institucionale dhe përmirësimin e jetës së qytetarëve. VLEN të përkushtuar për zhvillimin ekonomik që të lehtësohet jeta e qytetarëve tanë!”, thonë nga VLEN.