Koalicioni VLEN tashmë është shndërruar në parti të vetme me të njëjtën emër, ndërkohë që kryetari akoma nuk është zgjedhur. Tash për tash VLEN-in do ta udhëheq Kresia e partisë me 23 anëtarë, ndërkohë që Alternativa e Zeqirija Ibrahimit do të ketë numrin më të madh të anëtarëve 9 gjithsej, BESA e Bilall Kasamit 7, ndërkohë që LD e Izet Mexhitit 5 anëtarë, ndërsa dy vende janë rezervuar për Vetëvendosjen, konkretisht Bekim Qoku dhe Jusuf Sopi.

Anëtarët e Kryesisë nga Lëvizja Demokratike:
1. Izet Mexhiti
2. Visar Ganiu
3. Saranda Imeri
4. Merita Koxhaxhiku, dhe
5. Feride Haxhiu

Lëvizja BESA për anëtarë të Kryesisë së partisë propozoi:
1. Bilall Kasami
2. Fatmir Limani
3. Blerim Sejdiu
4. Melinda Rashidi
5. Hasim Murtezani
6. Sedat Sulejmani, dhe
7. Fadil Zendeli

Alternativa propozoi:
1. Zeqirija Ibrahimi
2. Amir Elezi
3. Afan Elezi
4. Arben Labënishti
5. Orhan Murtezani
6. Safije Sadiki Shahini
7. Bashkim Murtezi
8. Bekim Sali, dhe
9. Imërlije Saliu Fetai

Anëtar i Kryesisë së partisë VLEN do të jetë edhe përfaqësuesi i Vetëvendosjes, pjesë e koalicionit VLEN do të jetë edhe:
1. Bekim Qoku, dhe
2. Jusuf Sopi

Advertisement

Koalicioni VLEN në një kumtesë për media thotë se projekti madhor për ndërtimin e sistemit të kolektorit dhe impiantit modern për trajtimin e ujërave të zeza në Kërçovë, me vlerë mbi 1 miliard denarë nga buxheti i shtetit, tashmë ka nisur të realizohet.

Nga VLEN thonë se ky projekt përfaqëson një hap të madh përpara në përmirësimin e cilësisë së jetës së qytetarëve të Kërçovës, duke mbrojtur shëndetin publik dhe mjedisin.

“Por jo vetëm kaq, pas 22 vitesh premtime dhe manipulime politike nga BDI-ja, më në fund edhe Zajazi i Ali Ahmetit po bëhet me kanalizim. E pabesueshme, por e vërtetë: duhej të vinte VLEN-i në qeveri, që të zgjidhej një problem bazik në vendlindjen e atij që për dy dekada sundoi pa i zgjidhur hallet e vetë vendit të tij. Ky projekt ishte buzë dështimit kur VLEN mori përgjegjësinë qeverisëse: vetëm 17% zbatim në 21 muaj, fonde IPA të humbura, kontraktor jofunksional dhe mungesë totale reagimi institucional nga qeveria paraprake – një tjetër pasqyrë e paaftësisë dhe dështimit sistematik që i është servirur qytetarëve për vite me radhë”.

“Falë ndërhyrjes së drejtpërdrejtë të zëvendëskryeministrit të parë, Izet Mexhiti, si dhe punës së palodhshme të kolegëve në Ministrinë e Mjedisit dhe Planifikimit Hapësinor, projekti u shpëtua nga dështimi i plotë. Kontrata e mëparshme u ndërpre, u kërkua dëmshpërblim dhe përmes një prokurimi të ri, transparent dhe afatgjatë, u sigurua financimi i plotë nga buxheti i shtetit për realizimin e këtij investimi strategjik”, thonë nga VLEN.

Kryetari i Aleancës për Shqiptarët dhe pjesë e Frontit Evropian, Ziadin Sela hodhi poshtë kategorikisht çdo mundësi bashkimi me krahun e partisë që aktualisht drejtohet nga Arben Taravari.

“Dera mbetet e hapur për anëtarët e ASH-së që shkuan me Taravarin, por jo për Taravarin”, tha Sela, në “RTMV2”.

Ai tha se do të ishte “imoralitet ekstrem”, duke nënkuptuar se përçarja në parti nuk është vetëm çështje strategjish apo interesash aktuale, por një pasojë e thellë e qasjes dhe parimeve politike.

Taravari më herët ka theksuar se është i vendosur që në zgjedhjet lokale të garoj me lista të veçanta për këshilltarë.

“Ne po shkojmë në zgjedhjet lokale me lista të ndara për këshilltarë dhe nuk ka kthim prapa nga ai vendim”, tha dje Taravari.

Advertisement

Ai shtoi se janë të gatshëm të diskutojnë gjithçka tjetër me të gjithë, dhe do të takohen me kryeministrin Mickoski, me të cilin kanë pasur komunikim të rregullt, pasi ai të kthehet nga udhëtimi i tij.

Lidhur me situatën në VLEN, zëvendëskryeministri dhe ministri i Transportit Aleksandar Nikolloski theksoi se nuk pret që Taravari të ndërmarrë një hap që do të çonte në një koalicion me BDI-në opozitare, sepse kjo do të thoshte vetëvrasje politike për të.