Kujdesi i një qeverie ndaj qytetarëve të saj shihet në kapacitetet që do të ndërtojë dhe resurset që do të vë në dispozicion.

Me këtë konferencë për shtyp duam të shënojmë dhe të njoftojmë fillimin e rekonstruksionit të dy kapaciteteve jetike, për të cilat folësit e mëparshëm tashmë folën në detaje – Spitali i Qytetit “8 Shtatori” dhe Aeroporti i Ohrit “Shën Apostull Pavle”.

Shëndetësia, duhet të theksoj, ishte një nga fushat më të neglizhuara, ku neglizhenca e vazhdueshme nga qeveria e kaluar çoi në degradimin e mëtejshëm të spitaleve dhe kapaciteteve tashmë të amortizuara. Këtu dua të shpreh mirënjohje për një pjesë të madhe të stafit të përkushtuar shëndetësor, i cili, edhe në kushte të tilla, vazhdoi të punojë me përkushtim dhe pavarësisht kushteve nën standard, dha maksimumin e tij.

Nuk do të përsëris atë që thanë folësit e mëparshëm për karakteristikat teknike të këtyre dy projekteve, për gjithçka që do të rinovohet, etj. Vetëm në fund dëshiroj të shpreh mirënjohje ndaj nënkryetarit të Qeverisë dhe ministër i Transportit, Aleksandar Nikolloski, ministrit të Shëndetësisë, Arben Taravari, si dhe drejtorit të Spitalit “8 Shtatori”, Dr. Sinisha Stojanovski, për përkushtimin dhe angazhimin e tyre në realizimin e këtyre projekteve.

Në përgjithësi, këto janë investime dhe ndërhyrje të mëdha për objekte që kanë rëndësi thelbësore për shtetin tonë. Me përkushtim vazhdojmë të zgjidhim problemet, të krijojmë vlerë të shtuar dhe të luftojmë për një jetë më të mirë për qytetarët. Është e rëndësishme të dihet se duhet të ecim përpara dhe që Maqedonia të jetë përsëri e juaja.”

Advertisement

Shaban Sallmani nga Gostivari është emri i propozuar për postin e Zëvendës Drejtorit në Byronë për Siguri Publike në Ministrinë e Punëve të Brendshme (MPB). Ai ka një karrierë të gjatë dhe të pasur në sektorin e sigurisë, duke shërbyer për më shumë se dy dekada në pozita të ndryshme brenda MPB-së.

Përvoja profesionale:
• Gjatë krizës së Kosovës (1999-2000), ka punuar me organizatat ndërkombëtare “Action Against Hunger” dhe “Oxfam GB” si asistent programi.
• Ka bashkëpunuar me OSBE-në në zgjedhjet parlamentare të vitit 2002.
• Ka qenë profesor në Shkollën e Mesme Ekonomike në Gostivar (2004-2005).
• Prej vitit 2007 e deri më sot, ka mbajtur pozita të rëndësishme në MPB, duke përfshirë:
• Inspektor për të huajt dhe kalimet kufitare (2006-2008).
• Kryeshef i administratës në SPB Tetovë (2008).
• Shef ndërrimi në Stacionin Policor Gostivar (2008-2015).
• Udhëheqës sektori në Departamentin Policor Gallatë (2015-2018).
• Inspektor i lartë në Departamentin e tregtisë së paligjshme të drogës (2018-2022, 2023-aktualisht).
• Inspektor i lartë në luftën kundër krimit të organizuar dhe serioz në MPB (2022-2023).

Kualifikimet dhe aftësitë:
Shaban Sallmani është njohës i gjuhës angleze dhe gjermane. Ai ka ndjekur shumë trajnime kombëtare dhe ndërkombëtare, përfshirë edhe trajnime me DEA-n amerikane. Përveç kësaj, ai është trajner kombëtar për trajnimin e zyrtarëve policorë në MPB.

Me këtë përvojë të gjerë, emërimi i tij në krye të Byrosë për Siguri Publike shihet si një lëvizje për të forcuar luftën kundër krimit të organizuar dhe për të përmirësuar sigurinë publike në vend.

Ministri i Transformimit Digjital, Stefan Andonovski në fjalimin në Forumin për Zhvillim Rajonal të organizuar nga Unioni Ndërkombëtar i Telekomunikacionit (ITU), i cili aktualisht po mbahet në Budapest, Republika e Hungarisë theksoi se në Maqedoni industria digjitale kontribuon mbi 5% në BPV dhe se kjo shifër është në rritje.

“Qëllimi ynë është ta përshpejtojmë këtë rritje duke investuar në inteligjencën artificiale, sigurinë kibernetike dhe infrastrukturën dixhitale, duke siguruar që çdo qytetar të ketë akses në shërbime dixhitale të shpejta, të besueshme dhe të sigurta. Duke parë përpara në vitin 2025, momenti ynë i ardhshëm historik është zgjerimi i shërbimeve dixhitale të qeverisë dhe zhvillimi i iniciativave të qytetit të zgjuar, sistemeve të identitetit dixhital dhe automatizimi i AI. Ne nuk duam vetëm të vazhdojmë me revolucionin dixhital, ne duam që Maqedonia të bëhet lider në qeverisjen dixhitale në Ballkanin Perëndimor”, tha ministri Andonovski

“Duke ndarë praktikat më të mira, duke harmonizuar rregulloret dhe duke investuar në infrastrukturën ndërkufitare, ne mund të përshpejtojmë kolektivisht transformimin dixhital në të gjithë vendet e Evropës Juglindore”, tha Andonovski.