Lajme nga vendi
Grupet parlamentare të partive në pushtet kanë dorëzuar interpelancë për punën e anëtarëve të Këshillit Gjyqësor të zgjedhur nga Kuvendi
Grupet parlamentare të partive në pushtet nga VMRO-DPMNE, VLEN dhe ZNAM sot kanë dorëzuar në dhomën ligjdhënëse interpelancë për punën e anëtarëve të Këshillit Gjyqësor të cilët i zgjedh Kuvendi.
“Përveç kësaj, ju kujtoj se grupi parlamentar i VMRO-DPMNE-së dhe Koalicionit votuan kundër Raportit vjetor për punën e Këshillit Gjyqësor për vitin 2023 dhe ai nuk u miratua nga Kuvendi. Kjo flet shumë dhe është vetëm një nga arsyet e shumta pse ne po paraqesim sot këtë interpelancë. Bashkimi Evropian dhe opinioni në Republikën e Maqedonisë vazhdimisht kanë theksuar mangësi serioze në punën e Këshillit Gjyqësor, veçanërisht në aspektin e pavarësisë, transparencës dhe llogaridhënies. Këto vërejtje janë të një rëndësie thelbësore për procesin e reformave në sektorin gjyqësor dhe përparimin e vendit drejt anëtarësimit në BE, tha në konferencën e sotme për shtypa, Nikolla Micevski, koordinator i grupit parlamentar të VMRO-DPMNE-së.
Ai thekson se deri më tani kanë pritur që Këshilli Gjyqësor vetë të inicojë iniciativa për shqyrtimin Raportit.
“Konkretisht, neni 100, paragrafi 8 i Ligjit për Këshillin Gjyqësor parasheh që nëse Kuvendi i Republikës së Maqedonisë nuk e miraton Raportin për punën e Këshillit Gjyqësor dhe ai i njëjti nuk është miratuar, kjo do të jetë bazë për inicimin e debatit para organeve që i kanë zgjedhur anëtarët e Këshillit Gjyqësor për punën e tyre në Këshill. Domethënë, sipas atij neni, ata vetë duhej të fillonin punën për shqyrtimin e raportit negativ që erdhi nga Kuvendi, i cili zgjedh pesë nga 13 anëtarët e vetë Këshillit. Duhet të gjejmë një shkas që të fillojmë me një iniciativë të caktuar, neve na e jep ligji për disa nga anëtarët që kemi zgjedhur në Kuvend, sepse ashtu si janë zgjedhur, të njëjtët përfaqësues që i zgjedhin kanë të drejtë të diskutojnë dhe të flasin për punën e tyre, pas votimit të interpelancave do të shohim hapat e radhës nga Këshilli Gjyqësor”, tha ai.
Sipas Micevskit, zgjidhja e këtyre sfidave është e nevojshme për të rikthyer besimin në sistemin gjyqësor dhe për të forcuar sundimin e ligjit.
“Këshilli Gjyqësor është institucion kyç për funksionimin e shtetin e së drejtës dhe ruajtjen e sundimit të ligjit në Maqedoni. Prandaj, çdo hije dyshimi në punën e anëtarëve të tij duhet të analizohet thellësisht dhe publiku duhet të sigurohet se Këshilli punon me ndershmëri, profesionalizëm dhe në interes të qytetarëve. Qëllimi ynë është që të kontribuojmë dhe të bëjmë gjithçka në kuadër të kompetencave dhe mundësive tona kushtetuese dhe procedurale për të mundësuar një sistem gjyqësor më të mirë, më efikas dhe të pavarur që do të thotë dhe do të sjellë drejtësi të madhe për çdo qytetar të Maqedonisë njësoj”, tha Micevski.
Ai dërgoi mesazh se është koha për të vënë rregull në sistemin e rrënuar të drejtësisë së Maqedonisë përmes reformave serioze dhe ndryshimeve rrënjësore që, siç tha ai, “do të nënkuptojnë fillimin e fundit të keqpërdorimeve, padrejtësive, zhgënjimeve dhe praktikave negative të deritanishme në gjyqësorin në Maqedoni”.
Ai kërkoi mbështetjen e të gjitha partive parlamentare opozitare dhe të gjithë deputetëve të tjerë për këto ndryshime.
Në janar të vitit 2025 janë dhënë 317 leje për ndërtim, që është për 23,8 % më shumë krahasuar me muajin e njejtë të vitit paraprak, tregojnë të dhënat e Entit Shtetëror të Statistikës.
Sipas lejeve të dhëna për ndërtim, vlera e paraparë e objekteve është 5 772 690 mijë denarë, që është për 28,2 % më shumë krahasuar me muajin e njejtë të vitit paraprak.
Nga numri i përgjithshëm i numrit të lejeve të dhëna për ndërtim 174 (54,9 %) janë të dedikuara për objektet e ndërtimit të lartë, 50 (15,8 %) për objektet e ndërtimit të ulët dhe 93 (29,3 %) objektet për rikonstruim.
Nga gjithsej 317 objekte, te 178 (56,2. %) si investitorë na paraqiten persona fizik, ndërsa tek 139 (43,8 %) objekte si investitorë janë subjektet afariste.
Në periudhën raportuese është paraparë ndërtimi i 759 banesave, me sipërfaqe të përgjithshme prej 60 471 m2.
Lajme nga vendi
Rokas: Reformat në financat publike janë thelbësore për çdo vend që përgatitet për në BE
Reformat në financat publike janë një hap kyç për çdo vend që po përgatitet për anëtarësim në BE, tha sot ambasadori evropian Mihalis Rokas para anëtarëve të komisioneve parlamentare për financa dhe buxhet.
Në prezantimin për menaxhimin fiskal në BE dhe rolin e Këshillit Fiskal, Rokas përmendi se këshillat fiskalë inkurajojnë debatet publike për çështjet fiskale dhe transparencën që u mundëson qytetarëve dhe subjekteve të biznesit, si dhe investitorëve të kuptojnë më mirë situatën fiskale dhe financiare në vendet e tyre. Në këtë kuadër, ai përshëndeti ngritjen e Këshillit Fiskal në vend, si dhe përpjekjen për forcimin e kapaciteteve dhe mandatit të tij.
Rokas kujtoi se në BE, qëllimi i këshillave fiskale është të ushtrojnë mbikëqyrje të pavarur dhe të monitorojnë pajtueshmërinë me rregullat fiskale, që do të thotë, vuri në dukje ai, për të shmangur vlerësimet tepër optimiste të qeverisë ose planet e paqëndrueshme të shpenzimeve publike që mund të çojnë në disbalanca fiskale.
“Prej vitit 2018 ne kemi mbështetur reformat në financat publike me projekte rreth 13 milionë euro. Krijimi i Këshillit Fiskal në vitin 2023 ishte një moment historik i rëndësishëm në përafrimin e kuadrit të qeverisjes ekonomike. Politikëbërësit duhet t’i konsiderojnë këshillat fiskalë si një objektiv kyç në procesin e miratimit të politikave publike dhe për këtë arsye, forcimi i këshillave fiskale në të gjithë BE-në konsiderohet si një çelës për stabilitetin fiskal”, vuri në dukje ambasadori evropian.
Sipas tij, këshillat fiskalë në shumë vende përballen me sfida dhe efektiviteti i tyre varet nga pavarësia e tyre.
“Presim që parlamentet të jenë burime të rëndësishme që do të punojnë me pritshmëri dhe vlerësime realiste. Roli i viteve fiskale është intensifikuar edhe më shumë gjatë krizave. Kriza energjitike theksoi nevojën për rolin e tyre”, tha Rokas.
Ndryshe, Këshilli Fiskal, qëllimi i të cilit është të monitorojë sesi qeveria menaxhon buxhetin dhe borxhin publik, u krijua vitin 2023 me mbështetjen e partnerëve të huaj. Ky organ, i konceptuar si kontroll i qëndrueshmërisë fiskale, ka tre anëtarë të propozuar nga AShAM, Enti Shtetëror i Revizionit dhe Banka Popullore e Maqedonisë. Mes tyre janë akademiku Abdulmenaf Bexheti, profesoresha Mirjana Trpeska dhe bankieri Gligor Bishev.
Në raportin e fundit të Drejtorisë së Doganave në lidhje me sekuestrimet që janë bërë së fundmi, thuhet se në pesë raste janë sekuestruar pjesë të automjeteve në vlerë të 200.000 denarëve. Nga Drejtoria e Doganave thonë se sekuestrimet janë bërë në bashkëpunim me Ministrinë e Punëve të Brendshme.
Për njërin rast, nga Doganat thonë:
“Tre koka të motorit me ventilë dhe punuese dhe dy boshte me nyje për vetura janë zbuluar gjatë kontrollit të autobusit në pikën kufitare Tabanoc”.
Djali i Trumpit ka mbërritur në Beograd, takimi me Vuçiqin, cila është agjenda?!
Vuçiq i zemëruar i thotë Daçiqit para kamerave: Nuk mund ta dëgjoj më këtë justifikim
VOLEJBOLL: NESËR ZHVILLOHET JAVA E 17 E KAMPIONATIT
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve