Lajme nga vendi
Izet Mexhiti në SHBA për “Lutjet e Mëngjesit”
Zëvendëskryeministri i parë i Maqedonisë së Veriut, Izet Mexhiti, ka udhëtuar drejt Shteteve të Bashkuara të Amerikës për të marrë pjesë në ngjarjen tradicionale “Lutjet e Mëngjesit”, e cila organizohet nën kujdesin e Presidentit të SHBA-së, Donald Trump.
Ky është një nga eventet më të rëndësishme të vitit në Uashington, ku marrin pjesë liderë politikë, përfaqësues të institucioneve ndërkombëtare dhe personalitete me ndikim nga e gjithë bota. Pjesëmarrja e Mexhitit në këtë ngjarje vjen në kuadër të vizitave të tij të shpeshta në SHBA, të cilat konfirmojnë përkushtimin e tij për forcimin e marrëdhënieve me partnerin më të rëndësishëm strategjik të Maqedonisë së Veriut.
Së fundmi, Mexhiti ishte gjithashtu i pranishëm në ceremoninë e inaugurimit të Presidentit Trump, duke u bërë një nga zyrtarët e lartë nga rajoni që ka ndjekur nga afër zhvillimet e fundit në politikën amerikane.
Vizita e tij në Uashington për “Lutjet e Mëngjesit” pritet të shfrytëzohet edhe për takime me zyrtarë të administratës amerikane dhe përfaqësues të Kongresit, me qëllim forcimin e bashkëpunimit mes dy vendeve në fusha të ndryshme.
Zëvendëkryeministri i parë, Izet Mexhiti është takuar me kongresmenin amerikan, Robert Aderholt.
“Ishte një nder i veçantë ta takoja në ShBA kongresmenin republikan nga Alabama, Robert Aderholt. Në një ambient miqësor, biseduam për shumë tema, secila më e rëndësishme se tjetra për të ardhmen e Maqedonisë së Veriut dhe raporteve tona bilaterale.
U pajtuam që forcimi e thellimi i marrëdhënieve mes Maqedonisë së Veriut e Shteteve të Bashkuara të Amerikës duhet të jetë kryeprioritet i përbashkët. Gjatë bisedës e rikonfirmova qëndrimin tonë tanimë të njohur se integrimi në Bashkimin Evropian nuk ka alternativë dhe se Maqedonia e Veriut është faktor stabiliteti rajonal.
Duke qenë aleati kryesor i ynë, partneriteti me ShBA-në është edhe strategjik, edhe vleror. Në një botë të trazuar, përkrahja e Amerikës është shtyllë e pazëvendësueshme për zhvillimin e qëndrueshëm të Maqedonië së Veriut. Prandaj, kongresmenin Aderholt e falënderova për ndihmën e vazhdueshme dhe mbipartiake të ShBA-së për vendin tonë.”, ka shkruar Mexhiti.
Lideri i Lëvizjes Besa, Bilall Kasami ka njoftuar se është takuar me kongresmenin Tom Suozzil.
“Bashkëbisedim i këndshëm me kongresmenin Tom Suozzi!”, ka shkruar Kasami.
Lajme nga vendi
LSDM: Mickoski me orët 60.000 euro nuk mund ta kuptojë se çfarë është një shportë sindikale për një jetë të dinjitetshme
Shporta minimale sindikaliste e llogaritur nga Sindikatat është një shumë e llogaritur parash që pasqyron minimumin për një jetë dinjitoze për një familje me katër anëtarë, thonë nga LSDM.
“Këtë nuk mund ta kuptojë Kryeministri me orët luksoze 60 mijë euro dhe garderobën luksoze disa mijëra euro.
Problemi nuk është se çfarë ha Kryeministri, por se shumë qytetarë nuk kanë para të mjaftueshme për ushqim, bukë, mish, qumësht, fatura dhe nevoja elementare.
Në familjet në Maqedoni ku të dy prindërit marrin pagë minimale, është e nevojshme punë e vështirë vetëm për të mbuluar shpenzimet bazë mujore dhe paratë nuk mjaftojnë.
Ndërsa çmimet vazhdojnë të rriten, qeveria nuk bën asgjë për t’i ndihmuar ata. Këto familje nuk e kanë luksin të blejnë orë 60,000 euro si ajo e Mickoskit, mezi ia dalin mbanë për të mbijetuar”, akuzojnë nga LSDM.
Nga atje thonë se qeveria ka detyrim t’u sigurojë kushte për një jetë dinjitoze, jo t’i bindë se nuk duhet të kërkojnë paga më të larta.
Mexhiti takohet me kongresmenin amerikan Robert Aderholt
Kasami takoi kongresmenim amerikan, Tom Souzzil
LSDM: Mickoski me orët 60.000 euro nuk mund ta kuptojë se çfarë është një shportë sindikale për një jetë të dinjitetshme
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve