Lajme nga vendi
Kolegji Mjekësor kërkon dorëheqjen e drejtoreshës së Klinikës “Kozle” në Shkup
Letër proteste nga Kolegji Mjekësor i Klinikës Universitare për sëmundje të frymëmarrjes te fëmijët “Kozle”, për përkrahjen e parezervë të Veselinka Mitrovska Josifova dhe shkarkimin e menjëhershëm të u.d. drejtoreshës, Karolina Simonovska.
Bordi mjekësor i Klinikës për sëmundje të frymëmarrjes tek fëmijët Kozle kërkon shkarkimin e menjëhershëm dhe urgjent të u.d. Drejtoreshës Karolina Simonovska, pas vendimit të fundit skandaloz për shkarkimin e koleges së saj Dr. Veselinka Mitrovska Josifovska, specialiste e njohur ORL dhe bronkoskope me përvojë shumëvjeçare, dhe kërkojnë kthimin e menjëhershëm të mjekes në punë nga institucionet e sistemit.
“Skandali i fundit që ka tronditur klinikën, mjekët dhe pacientët tanë është se doktoresha Veselinka Josifovska Mitrovska është shkarkuar në mënyrë të paskrupullt nga puna. Në vendimin e ndërprerjes të marrë nga menaxhmenti, ajo akuzohet se ka qenë fizikisht e pranishme në sallën e bronkoskopisë kur është kryer një ndërhyrje për të hequr një trup të huaj nga rrugët e frymëmarrjes së një prej pacientëve tanë.
Prania e koleges së saj vetëm sa konfirmon shqetësimin e saj për shëndetin e pacientëve që janë fusha e saj e punës. Josifovska gjatë intervenimit ka hasur në një takim jo të këndshëm me drejtoresh dhe ka tentuar ta largojë me forcë nga zyra, pasi ka dëshmitarë. Njoftojmë publikun se ndërhyrja tek fëmija ka rezultuar me sukses, i është hequr një trup i huaj nga rrugët e frymëmarrjes së pacientit.
Fëmija nuk rrezikohej nga asgjë në asnjë moment dhe as prania e një mjeku që ka 22 vite përvojë në këtë çështje nuk mund të rrezikonte në asnjë mënyrë jetën e fëmijës. Përkundrazi, nëse shfaqen komplikime, mund të ndërhyjnë menjëherë mjekët të pranishëm dhe me përvojë shumëvjeçare. Por paradoksi është se sipas drejtoreshës, siç shkruhet në vendimin e largimit nga puna, prania e saj ka vënë në rrezik jetën e pacientit.
Shprehim mbështetjen tonë më të fortë të pa rezervë për kolegen tonë Veselinka Josifovska Mitrovska, e cila besojmë se është bërë plotësisht e padrejtë dhe pa fajin e saj po merr vendim për shkarkim nga menaxhmenti aktual”, thuhet në njoftim.
Kolegji Mjekësor kërkon edhe një herë nga institucionet kompetente, Ministrin e Shëndetësisë dhe Kryeministri i Republikës së Maqedonisë, që t’i japin fund arbitraritetit të Simonovskës, sepse Klinika Kozle është institucion shtetëror me rëndësi të jashtëzakonshme në ofrimin e kujdesit shëndetësor për kujdesin ndaj grupit më vulnerabël pacientësh, fëmijë dhe diskreditimit që po bën drejtoresha i kësaj klinike është diskreditimi i të gjithë sistemit shëndetësor.
Ekipet e Inspektoratit të Tregut kanë konstatuar disa parregullsi gjatë kontrolleve në markete te tregtarët me pakicë, ndërsa mund të ketë dënime si mbyllje e marketeve, deklaroi sot zëvendësministri i Ekonomisë dhe Punës, Marjan Risteski.“Në terren ndodhen rreth 50 ekipe të Inspektoratit të Tregut. Po kontrollohen marketet, farmacitë, kudo ku shitet me pakicë. Janë konstatuar disa parregullsi. Ka parregullsi në etiketimin e produkteve me zbritje, në përcaktimin e marzheve, çmimeve, në evidencën e kontabilitetit… Javën e ardhshme do të shqiptohen gjoba për më të padisiplinuarit dhe nuk përjashtohet mbyllja e disa marketeve, që është një nga masat e fundit në Ligjin për Tregti”, theksoi Risteski.Javën e ardhshme Inspektorati do t’i kontrollojë të gjithë distributorët dhe importuesit më të mëdhenj në vend. Komisioni për Mbrojtjen e Konkurrencës po punon për mbledhjen e provave për shpalljen e të ashtuquajturës “bashkim kartelesh”. “Masat dhe vendimet janë marrë për të mbrojtur standardin e jetesës së qytetarëve. Me masat janë përfshirë 102 grupe produktesh ose rreth 1 200 produkte. Tregtarët duhet të mësohen të jenë të disiplinuar, t’i respektojnë masat e destinuara për qytetarët. Si Ministri e Ekonomisë dhe Punës dhe si Inspeksion Shtetëror i Tregut, kudo që do të konstatojmë mospërputhje në vendimet që cenojnë të drejtat e qytetarëve, do të dënohen në mënyrë rigoroze”, theksoi Risteski.
Kanë kaluar më shumë se dy vjet që kur kompania italiane ‘TechnoAlpin’ në vitin 2022 prezantoi planin dhe projektin për zhvillimin e qendrës turistike ‘Kodra e Diellit’.Për dy vite me radhë negociatat janë zvarritur dhe pa epilog deri më tani, ndërsa institucionet e vendit e kanë mbajtur këtë temë ‘top sekret’ për opinionin, duke dhënë shumë pak informata për procesin.Nderkaq për më shumë se dy dekada pushteti lokal dhe ai qendror paralajmërojnë gjetjen e investitorit për Kodrën e Diellit. Por edhe përkundër bisedimeve me investitorë të mundshëm, nuk ka hapa konkret.Por, më optimist në këtë drejtim është Kryetari I komunës së Tetovës Bilall Kasami i cili thekson se ka komunikime me investitorë të cilët janë të interesuar të investojnë në këtë Kodrën e Diellit. ‘’Po patjetër që punojmë intensivisht. Jemi në komunikim të rregullt me disa investitorë të cilët janë të interesuar që të investojnë këtu me çka do krijohen kushte edhe më të mira që ky konkurrim dhe kjo garë të bëhet taman një garë ndërkombëtare. Më konkretisht kemi komunikim të rregullt me investitor do të kisha thënë iatliano-austriak dhe po ashtu kemi edhe komunikime me investitorë nga vendet e gjirit si do kisha thënë nga Katari, Emiratet e Bashkuara por edhe nga vendet tjera. Ne besojmë që do të gjejmë investitorin më të mirë me çka Kodra e Diellit do të ketë shkëlqimin që e ka pasur’’ deklroi Kasami.Kasami thotë se plani i detajuar urbanistik për Kodrën e Diellit është drejt finalizimit, ndërsa është parakusht për dhënie me koncesion të Kodrës së Diellit. Në Kodrën e Diellit nuk u ndërtua as parkingu në kate. Kasami u arsyetua se kompetencat i ka Ministria e Transportit dhe drejtoria që menaxhon me Kodrën e Diellit.TV KOHA
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve