Pas bojkotit të paralajmëruar për nesër  të marketeve, disa furra buke, pastiçeri, dhe kioska ushqimore nesër do t’i shesin produktet e tyre me çmime të paktën 10 përqind më të ulëta, pas marrëveshjes së arritur me Odën e Zejtarisë të Maqedonisë. Ata thonë se kjo nismë nuk është thjesht një reagim ndaj situatës aktuale, por një mesazh për qytetarët që të mbështesin vazhdimisht artizanët vendas, prodhuesit mikro dhe të vegjël.Me këtë masë shtesë ne kemi dashur t’u japim konsumatorëve dhe qytetarëve një nxitje edhe më të madhe për të blerë në vend. Ajo që u bëjmë apel të gjithë qytetarëve është jo vetëm gjatë bojkotit, por të zgjedhin vazhdimisht tregtarët vendas. Kjo jo vetëm që mbështet produktet vendase, por edhe forcon ekonominë e të gjithë vendit, thonë nga Oda e Zejtarisë.Nga ana tjetër tregtarët i paraprinë bojkotit të nesërm të paralajmëruar ndaj marketeve. Derisa qytetarët po i japin mbështetje masive në rrjetet sociale thirrjes për bojkot për shkak të çmimeve të larta, disa markete kanë paralajmëruar se nesër, 31 janar, do të jenë të hapura deri në orën 15:00. Nga ana tjetër, në disa markete nisi ulja e çmimeve. Me promocione ofrojnë produkte ushqimore bazë me çmime dukshëm më të ulëta se më parë. Institucionet ditë më parë paralajmëruan se do të ketë kontrolle në terren dhe do të kontrollojnë situatën me çmimet neper markete dhe objekte tjera komerciale.Ndryshe, ka mobilizim masiv të qytetarëve në mbarë rajonin. Të premten e kaluar kishte një bojkot në Kroaci dhe ai doli i suksesshëm.Kroatët po vazhdojnë me masa më radikale nesër – bojkot njëjavor të dyqaneve. Qytetarët e Bosnjë-Hercegovinës, Malit të Zi, Serbisë dhe Sllovenisë nesër nuk do të  blejnë në supermarkete.Ndryshe, gjatë një ankete të realizuar nga Televizoni Koha, qytetarët e Tetovës mbështetën inicitivën që ditën e premte mos blejnë në markete.Kjo iniciativë për habinë e të gjithëve është përkrahur edhe nga qeveria.

Zëvendësministrja e Mjedisit Jetësor dhe Planifikimit Hapësinor, Ana Lashkoska, mbajti një fjalim hyrës në ngjarjen përfundimtare, ku u prezantuan rezultatet dhe arritjet e projektit “Aktivizimi i të rinjve për lumenj të qëndrueshëm: Mbrojtja dhe ruajtja e biodiversitetit të lumit Treska”.

Projekti po implementohet nga Analitika – Shkup me mbështetje nga Ambasada e Kanadasë për Serbinë, Maqedoninë e Veriut dhe Malin e Zi, dhe qëllimi i saj është të nxisë aksione konkrete për përmirësimin e gjendjes së ujit në lumin Treska, si dhe mbrojtjen e florës dhe faunës lokale, përmes krijimit të partneriteteve ndërmjet të rinjve, organizatave qytetare dhe autoriteteve lokale dhe kombëtare.

Zëvendësministrja Lashkoska përshëndeti përfshirjen e të rinjve në projekte të tilla kërkimore:

– Ky projekt mundësoi mësimin e teknikave për grumbullimin e të dhënave nga terreni, analizën e mostrave dhe matjen e parametrave të ujit dhe mjedisit. Në këtë mënyrë, të rinjtë, përmes një shembulli konkret, përgatiten për profesionet e ardhshme që lidhen me mjedisin, punën kërkimore dhe shkencore – tha ajo.

Lashkoska theksoi gjithashtu se, duke pasur parasysh se për lumin Treska nuk ishin bërë kërkime të tjera më parë, ky projekt duhet të jetë një nxitës dhe ide për aktivitete të ardhshme.

Advertisement

– Mbrojtja dhe ruajtja e biodiversitetit të lumit Treska nga njëra anë mundëson kuptimin dhe ndërgjegjësimin për ndikimet e aktiviteteve të njeriut mbi cilësinë e ujërave të lumenjve, botën e gjallë dhe biodiversitetin e lumit, ndërsa nga ana tjetër, rrit njohuritë dhe ndërgjegjësimin për vlerën dhe kompleksitetin e mjedisit dhe për aktivitetet e nevojshme dhe të mundshme për ta mbrojtur dhe ruajtur këtë pasuri natyrore – shtoi zëvendësministrja.

– Ajo që e bën këtë projekt dhe këtë analizë të vlefshme për vëmendje është fakti se përfshin edhe pjesën e rritjes së ndërgjegjësimit publik dhe përgjegjësisë së çdo individi, sepse në fund të ditës, kujdesi për ujin nuk është vetëm përgjegjësi e shtetit dhe institucioneve, ajo është përgjegjësi e çdo njeriu, sepse të gjithë jemi pjesë e hapësirës së përbashkët në të cilën jetojmë – tha Lashkoska.

Në kuadër të ngjarjes, u mbajt dhe një diskutim në panel me titull “Rruga drejt ruajtjes së Treskës”, ku u ndanë rezultatet e kërkimit dhe u realizua planifikimi i përbashkët i hapave të ardhshëm për përmirësimin e gjendjes së lumit Treska. Në ngjarje morën pjesë ekspertë, profesorë, përfaqësues nga Ambasada e Kanadasë, përfaqësues nga organizata joqeveritare, si dhe aktivistë rinorë që janë të angazhuar në fushën e ruajtjes së burimeve natyrore, luftës kundër ndotjes dhe mbrojtjes së ekosistemeve ujore.

Ministri i Politikës Sociale, Demografisë dhe Rinisë, Fatmir Limani, hapi sot konferencën donatore të organizuar me qëllim të nxitjes së zhvillimit dhe realizimit të projekteve të fokusuar tek të rinjtë, si pjesë e politikave të Qeverisë së Republikës së Maqedonisë së Veriut dhe Ministrisë së Politikës Sociale, Demografisë dhe Rinisë.

Para ambasadorëve të pranishëm, përfaqësuesve të agjencive të OKB-së në Maqedoninë e Veriut dhe organizatave ndërkombëtare, ministri Limani iu referua prioriteteve strategjike të Qeverisë dhe Ministrisë në fushën e rinisë, gjegjësisht realizimin e synimeve të përcaktuara – përmirësimin e infrastrukturës rinore, organizimi i të rinjve dhe pjesëmarrja në sjelljen e vendimmarje dhe politikë. Më tej, ai vuri në dukje zhvillimin e politikës demografike me fokus të rinjtë, inkurajimin e migrimeve të kthimit, mbështetjen dhe mbrojtjen e familjeve dhe përmirësimin e sistemit në fushën e mbrojtjes së fëmijëve, të cilat synojnë zbutjen e tendencave negative demografike, si pjesë e politikave rinore në vend.

“Është shumë e rëndësishme të rritet pjesëmarrja e të rinjve në politikëbërje dhe në jetën sociale. Për këtë qëllim është e nevojshme rritja e numrit të Këshillave Rinor Lokal (KRL) të sapoformuar nëpër komuna, fuqizimi i bashkëpunimit me format e organizimit rinor, organizimi i trajnimeve për ngritjen e aftësive të anëtarëve të Këshillave Rinor Lokal dhe zyrtarëve rinorë, rritjen e numrit të organizatave rinore të mbështetura financiarisht për realizimin e projekteve në fushën e rinisë dhe të tjera”, tha Limani.

Ai gjithashtu theksoi se Ministria vazhdon me aktivitetet në fushën e mbështetjes për të rinjtë e talentuar, mbështetjen për poetët e rinj, artistët e rinj, mbështetjen për të rinjtë në fushën e punësimit të tyre, si dhe angazhimin në drejtim të zbatimit të plotë të Ligjit për pjesëmarrjen e të rinjve dhe politikave rinore.

“Si Qeveri dhe Ministri resore, së bashku me institucionet e tjera kompetente që përfshijnë politika dhe masa për të rinjtë në punën e tyre, ne vazhdojmë të investojmë përpjekjet në ofrimin e kushteve dhe mundësive për të rinjtë, për t’i mbajtur ata në vend, si dhe për t’I motivuar ata që janë larguar të kthehen në vendin e tyre”, tha Limani.

Advertisement

Ai në fund tha: “Nëse duam një të ardhme më të mirë, më të ndritshme për fëmijët tanë, për t’i motivuar ata të qëndrojnë në vendin e tyre, por në të njëjtën kohë për të motivuar ata që u larguan nga shtëpia të kthehen dhe të jetojnë këtu me familjet e tyre, ne duhet t’i bindim se këtu në vendlindjen e tyre ka shpresë dhe mundësi për zhvillim, prosperitet dhe sukses. Ai shprehu besimin se nëse të gjithë i investojnë kapacitetet e veta së bashku, madje edhe më shumë do të ketë sukses.

Limani u bëri thirrje të gjithë të pranishmëve për bashkëpunim dhe mbështetje të thelluar.

“Le ta bëjmë të mundur së bashku që t’u japim të rinjve të ardhmen që meritojnë! Një shans dhe mundësi për çdo të ri!”, porositi Limani.

Aktualisht, Strategjia Kombëtare për Rininë 2023-2027 dhe Plani i Veprimit i miratuar 2023-2025 janë ende të vlefshme, Ministria vazhdon me zbatimin e Planit të Veprimit i cili është në progres, dhe fillon punën për një Plan të ri Veprimi për vitin 2026-2027.

Advertisement