Sport
FUTBOLL: EKIPET VIJOJNË PËRGATITJET SIPAS PLANI PROGRAMIT
Ekipet e futbollit Shkëndija, Struga Trim Lum, Besa e Dobërdollit vazhdojnë përgatitjet sipas plan programit të hartuar duke zhvilluar edhe ndeshje kontrolluese
Ekipet e kategorisë pare të dytë në kuadër të përgatitjeve për pjesën pranverore të kampionatit që do të fillon më 15 dhe 16 shkurt, vazhdojnë realizimin e përgatitjeve sipas plan programeve të stafeve teknik të tyre si dhe në bazë të kushteve që kanë Shkëndija e Tetovës pas zhvendosjes në tokën turke ku zhvillon fazën kryesore të përgatitjeve dje ka zhvilluar ndeshje miqësore me skuadrën Yelimay Semey e cila ka përfunduar me fitore bindëse të skuadrës nga Kazakistani 0-3. Megjithatë ky test i shërbeu trajnerit Jeton Beqiri për të parë në veprim lojtarët në kombinime të ndryshme, ndërsa kuqezinjtë vazhdojnë punën për ndeshjet e radhës në Antalia.
Ndeshje miqësore në Antalia ka zhvilluar edhe kampioni në fuqi në futbollin vendor Struga Trim Lum kundër gjigantëve rus Rubin Kazan të cilën e kanë humbur me rezultat 1-0. Megjithatë trajneri Qatip Osmani ka mbetur I kënaqur me angazhimin e lojtarëve.
Besa e Dobërdollit në Gostivar ka zhvilluar ndeshjen e dytë kontrolluese në kuadër të përgatitjeve për sezonin pranveror kundër Skopjes që e fitoi 3-1 me dy golat e Remzifaik Selmanit dhe një të Shefit Shefitit. Ndërkaq ekipi I ligës së dytë Arsimi i Çegranit ka barazuar me Borecin e Velesit 3-3.
Klubi i futbollit Shkëndija në pritje të pjesës pranverore të kampionatit ku edhe do të vendoset për renditjen e përgjithshme të ekipeve, nga dita e sotme në radhët e veta ka sjell ish futbollistin e Shkupit senegalezin Fabricie Tamba. Sulmuesi 21 vjeçar te skuadra e Shkupit erdhi në fillim të kampionatit 2024/2025 dhe ka luajtur si titullar në 12 ndeshje dhe ka regjistruar 3 gola. Pas firmosi për ekipin e Shkëndijës për kanalin zyrtar të klubit është shprehur tepër i kënaqur që i bashkëngjitet ekipit tetovar
‘’Mirë fillimisht ishte befasi . Në fillim unë nuk e dija se do të luaj me këtë ekip. Kam luajtur kundër Shkëndijës, mendoj ishte në fillim të sezonit, ishte ndeshje e vështirë, dolëm me barazim 1-1. Por sigurisht unë pashë vërtet cilësi të mirë. Sigurisht se kur kam dëgjuar se ky ekip më dëshiron mua isha shumë i lumtur sepse unë vërtet dua të luaj për këtë për këtë skuadër’’
Përforcimi më i ri i Shkëndijës senegalezi Tamba ka pohuar se nuk ka njohuri për historikun e Shkëndijës por e dinë që është skuadër e madhe.
“Mirë, vërtet nuk e di storjen e plotë, por sigurisht se do të tentoj të mësoj sa më shumë që do të mundem. E di se është ekip i madh, ambicie të mëdha, edhe presion i madh. Por e di se ekipi dëshiron të jetë kampion, të fitojmë ligën sigurisht. Mendoj tani jemi në krye të renditjes dhe e di se jam këtu për atë. Jam këtu të ndihmoj ekipin sa më shumë që do të jetë e mundur, të ndihmoj ekipin të realizojë ambiciet. Mirë, mendoj se ne do t’ia dalim.”
Futbollisti Fabrice Tamba I cili nga sot edhe zyrtarisht është pjesë e ekipit tetovar që nga dita e sotme do të udhëton në Antalia për t’iu bashkangjitur ekipit në përgatitje për pjesën pranverore të kampionatit
Shaban Sinani / TV Koha
Sot zhvillohen 18 ndeshjet e raundit të tetë dhe të fundit në edicionin 2024/25 në Ligën e Kampionëve.
Fazës së ligës në Ligën e Kampionëve po i vjen fundi, pasi me ndeshjet e sotme do të mësojmë tetë skuadrat e para që kalojnë direkt në fazën tjetër dhe 16 skuadrat e tjera nga vendi i 9-25 që do të luajnë në ‘play-off’ për një vend në 1/8-tën.
Liverpuli dhe Barcelona janë dy ekipet e vetme që e kanë siguruar vendin në tetë ekipet e para, ndërsa Interit në shtëpi ndaj Monacos dhe Arsenalit në udhëtim te Girona iu nevojitet vetëm nga një pikë për të kaluar në raundin tjetër.
Një nga ndeshjet më interesante të mbrëmjes së sotme pritet të jetë ajo në mes të Mançester City -Club Brugge, ku vendasit vetëm më fitore sigurojnë një vend në play-off, teksa Paris Saint-Germain duhet të marrë së paku një barazim në udhëtim te Stuttgarti.
Milani mund të kualifikohet në mesin e tetë ekipeve të para vetëm me fitore eventuale kundër Dinamnos në Zagreb , ndërsa Atalanta rrezikon seriozisht të mbetet në ‘top 8’ pasi luan si mysafir i Barcelonës.
Ndeshje interesante në mbrëmjen e sotme prtitet edhe në të gjitha ndeshjet tjera. Të gjitha 18 duelet e sotme fillojnë në ora 21:00 . Shaban Sinani / TV Koha
Sezoni i ri i garave në atletik sipas orarit të Federatës së Atletikës hapet me disiplinat e hedhjes në fund të muajit shkurt. Dhe pikërisht për këtë klubi i atletikës Studenti i Tetovës nga java e kaluar nën drejtimin e trajnerit Bexhet Toçi kanë filluar me përgatitje intensive në sallë.
Klubi i atletikës Studenti nga Tetova, vitin e 24-të të themelimit të vet i ka filluar përgatitjet për realizimin e plan programit për vitin 2025, të hartuar nga kryesia e klubit në bashkëpunim me stafin teknik që e kryeson profesor Bexhet Toçi.
Pra, ekipi nga java e kaluar me kapacitet mesatar vijon përgatitjet në salla të mbyllura shkaku i kushteve të vështira atmosferike, megjithatë të gjithë atletët në seancat stërvitore japin gjithçka nga vetja të vetëdijshëm se vetëm në këtë mënyrë mund të realizojnë objektivin e tyre
“ Kemi filluar. Ushtrimet kanë filluar që nga java e kaluar në palestër dhe përgatitemi për sezonin e ardhshëm 2025. Stërvitjet do të jenë më intensive me përmirësimin e kohës për shkak të kushteve jo të përshtatshme klimatike në Tetovë dhe pamundësia e palestrave të nxehta. “ deklaroi Bexhet Toçi kryetar i KA Studenti.
Por ekipi krahas punës në kushtet ekzistuese këtu në Tetovë planifikon që në bazë të mundësive në fazë të përgatitjeve ta zhvillojnë në Korçë kua ka kushte ideale për përgatitje.
“ Kemi në plan si për çdo vit që shkojmë në muajin mars, kemi një udhëtim për në Korçë ku ka dy stadiume të atletikës dhe janë kushtet shumë të mira dhe kemi një ambient shumë të mirë për stërvitje” tha Bexhet Toçi
Sa i përket pjesëmarrjes në ndonjë garë apo miting që organizohet në rajon klubi i atletikës Studenti do të veprojë në bazë të mundësive dhe do të merr pjesë në garat që organizohen në Shqipëri dhe Kosovë dhe normal në të gjitha garat që do të mbahen në vend
“Kampionati shtetëror fillon me hedhjet i cili do filloj në fund të shkurtit 24 dhe 25 shkurt dhe do marrim pjesë në të gjitha ato gara ku ne do të kemi mundësi edhe materiale. Se për të shkuar pasi buxhetet e komunës dhe të shtetit janë shumë të dobëta për zhvillimin e sportit nëpër gjithësi“ tha kryetari Toçi
Edhe një çerdhe e re në Gostivar, ndahen 10 punësime të reja
Unioni i Komunave turke premton investime në Tetovë
Rruga Prizren-Tetovë, Aliu: Do të shkurtohet nga tre orë në më pak se një
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve