Rëndohet bilanci i viktimave në Turqi. Ka shkuar në 66 numri i personave që kanë humbur jetën nga zjarri që përfshiu në orët e para të mëngjesit, vendpushimin e skive në një hotel në Bolus të Turqisë.

Sipas informacioneve zjarri u përhap fillimisht në restorantin e hotelit dhe u përhap më pas me shpejtësi, në të gjithë ndërtesën. Shkaqet e rënies së zjarrin ende nuk janë bërë të ditura.

Ministri i Drejtësisë Yilmaz Tundes njoftoi hapjen e një hetimi për zjarrin, duke emëruar gjashtë prokurorë dhe një ekip prej pesë ekspertësh.

Një 18- vjeçar shqiptar ka humbur jetën në një aksident rrugor ditën e djeshme (20 janar), në Vignola të Italisë.

Shqiptari është identifikuar si Idris Kreshpaj, ndërsa viktimë ka ngelur edhe një 24-vjeçar maroken i identifikuar si Rida Sidrine.

Të plagosur kanë mbetur edhe dy të rinjtë e tjerë (17 dhe 23 vjeç) që ndodheshin në makinë, të cilët kanë pësuar fraktura.

Aksidenti ndodhi rreth orës 21:00 në rrugën për në Sassuolo. Makina në të cilin udhëtonin të rinjtë, një Citroen C3, u përmbys disa herë përpara se të përplasej me një mur të ulët gardh të një shtëpie.

Sipas mediave italiane, rrethanat janë ende nën hetim, por nga të dhënat fillestare rezulton se nuk janë përfshirë automjete të tjera.

Advertisement

Të paktën 10 persona kanë vdekur dhe 32 të tjerë janë lënduar nga zjarri në një hotel resorti skijimi në Turqi.

Sipas mediave të huaja, zjarri shpërtheu në restorantin e hotelit në Kartalkaya në Turqinë veriperëndimore të martën mbrëma, tha ministri i Brendshëm Ali Yerlikaya.

Guvernatori i provincës Bolu, ku ndodhet vendpushimi i skive, i tha agjencisë shtetërore të lajmeve Anadolou se dy nga viktimat vdiqën pasi u hodhën nga ndërtesa.

Sipas guvernatorit të Bolu, Abdulaziz Aydin, hoteli kishte 234 mysafirë që qëndronin në momentin e aksidentit.

Televizioni privat NTV raportoi se disa njerëz u përpoqën të zbrisnin nga dhomat e tyre duke përdorur çarçafë.

Advertisement

Shkaku i zjarrit nuk dihet menjëherë ndërkohë që supozohet se “veshja prej druri” në pjesën e jashtme të hotelit mund të ketë përshpejtuar përhapjen e zjarrit.

Kartalkaya është një vendpushim popullor skish në malet Koroglu, rreth 300 kilometra në lindje të Stambollit.

Zjarri ka ndodhur gjatë pushimit të semestrit shkollor, kur hotelet në rajon janë të mbushura plot.

Zyra e Aydin tha se 30 kamionë zjarrfikës dhe 28 ambulanca u dërguan në vendngjarje ndërkohë që hotelet e tjera në resort u evakuuan si masë paraprake.

Advertisement