Deputeti nga Koalicioni VLEN, Rijad Shaqiri, në një intervistë për TV21, ka folur rreth ligjit për përfaqësim të drejtë dhe adekuat. Ai tha se ligji do të jetë së shpejti në opinion dhe do të mbrojë përfaqësimin e etniteteve. Shaqiritha se përveç përfaqësimit të drejtë dhe adekuat do të kthehet edhe meritokracia në institucione shtetërore.

“Është më mirë që një ligj të përpunohet më gjatë se sa të ketë ligj që në vazhdimësi do të ketë ndryshime. Me këtë ligj, shqiptarët do të jenë të përfaqësuar në të gjitha institucionet e shtetit edhe në ato institucione që kanë qenë të paprekur për shqiptarët. Nuk mund të ketë emër shqiptar Dragan apo emër maqedonas Eroll e Rijad. Çështja e meritokracisë është se duhet të vendosim një standard dhe është për të ardhur keq ku kemi student që arrijnë mestarë të lartë, ndërsa ata studentë janë fëmijë të prindërve që nuk kanë bagazh politik dhe ata fëmijë mbetën të pa përfshirë. Fundja ne këtu duhet të vendosim një stop dhe ata student duhet të rrinë këtu”, tha Shaqiri.

Ai shtoi se edhe fëmijët tanë duhet ta kuptojnë se duhet të angazhohen për t’u avancuar dhe për të punuar.

_____________

Shaqiri: Duhet të departizohet administrata

Advertisement

Deputeti nga Koalicioni VLEN, Rijad Shaqiri, në intervistën e ditës në TV21, foli edhe për mekanizmat e departizimit të administratës publike.

“Në vazhdimësi në të kaluarën nëse nuk kishe qenë anëtar i ndonjë partie politike nuk ke pasur mundësi të punësohesh apo të avancoheshin brenda institucioneve publike. Ne kemi edhe institucione të cilat janë familjarizuar. Në institucione të caktuar kuadrot nuk krijohen brenda natës, ato kuadro që janë aty duhet të mbështeten pasi janë në shërbim të qytetarëve. Në ushtri, doganë, mjekësi dhe fusha tjera të caktuara, nuk mund të krijohen ekspert brenda natës. Pra, çdo kush ta ketë vlerën e mirëfilltë”, u shpreh Shaqiri.

_____________

Shaqiri: Gjuha shqipe është dashtë të definohet në Kushtetutë që nga viti 2001

Deputeti nga Koalicioni VLEN, Rijad Shaqiri, në intervistën e ditës në TV21, përdorim zyrtar të gjuhës shqipe nënkupton që të përdoret shqipja si në VK Tabanocë, VK Gjevgjeli ashtu edhe si në VK Blacë dhe VK Qafë Thanë.

Advertisement

“Policia edhe sot e kësaj dite dënimin e jep vetëm në gjuhën maqedonase, ashtu edhe në spitale n fletlëshimet bëhen vetëm në gjuhën maqedonase. Gjuha shqipe nuk është as në uniforma të policisë apo edhe në bankënotat. Shembull e kemi Kosovën, ku gjuha serbe është zyrtare si në Prizren, Gjilan ashtu edhe në Graçanicë apo Mitrovicë të Veriut. Pra me dy për qind sa janë serbët në Kosovë, e kanë gjuhën serbe zyrtare”, tha Shaqiri.

Ai shtoi se përdorimi i gjuhës shqipe është dashtë të definohet në kushtetutë që në vitin 2001 por u la si një barrë.

_______________

Shaqiri: Do të fokusohemi në drejtimin e decentralizimit të vendit

Advertisement

Deputeti nga Koalicioni VLEN, Rijad Shaqiri, në intervistën e ditës në TV21, ka folur edhe për ligjin për vetëqeverisjen lokale. Shaqiri deklaroi se ne si vend duhet të fokusohemi në drejtimin e decentralizimit të vendit.

“Të gjithë kompanitë që gravitojnë në komunat të caktuara. Do të krijojmë mundësi më të mira që pushteti lokal, të jetë më afër qytetarëve dhe të kryej shërbime më shpejt për qytetarët. Një punë e madhe e lejeve dhe detajeve urbanistike është deshtë të pritet leje edhe nga Ministria. Sa participon me taksa duhet të kthehet ajo pjesë deri te qytetarët”, deklaroi Shaqiri.

______________

Shaqiri: Në interpelancën e Stoilkoviqit nuk morëm pjesë

Deputeti nga Koalicioni VLEN, Rijad Shaqiri, në intervistë të ditës në TV21, foli për deklarimet e ministrit për Marrëdhënie Ndërmjet Bashkësive, Ivan Stoilkoviq rreth Kosovës. Ai u shpreh se asnjë deputet i VLEN-it, nuk ishte prezentë në sallë kur u votua interpelanca ndaj tij dhe kjo është një mesazh i qartë politik.

Advertisement

“Deklaratat e tilla nga serbët për Kosovën janë të pritura. Kryeministër është Mickoski dhe kur ke raporte bilaterale për fqinjësi të mirë dhe shumë çështje tjera, është e drejtë e Mickoskit si kryeministër që të kërkoj përgjegjësi. Derisa nëse ai privatisht e ka bërë atëherë është çështje tjetër”, tha Shaqiri. Deputeti gjithashtu shtoi Shaqiri shtoi se edhe ai ndonjëherë mund të bëjë deklarime të tilla rreth serbeve.

______________

Shaqiri: Individë nga BDI u pasuruan brenda natës

Deputeti nga Koalicioni VLEN, Rijad Shaqiri, në një intervistë për TV21, ka folur edhe për BDI-në dhe keqpërdorimeve të tyre gjatë pushtetit. Shaqiri u kundërpërgjigj ndaj akuzave të BDI-së se VLEN nuk ka ndikim. Ai tha se BDI sa ishte në pushtet deshën të na shesin Republikën Ilinditase si shqiptare.

“Individë nga BDI u pasuruan brenda natës ku krijuan qendra tregtare, spitale private e hidrocentrale. Ne kemi shumë biznesmen të suksesshëm që duhet të mbështeten nga ne. Dje VLEN-i solli ligjin për licencat në gjuhën shqipe, ku mundësojmë edukatoret të hynë në provim në gjuhën shqipe dhe licencat t’i marrin edhe në gjuhën shqipe. Ata 20 vjet kanë qenë në pushtet dhe këtë nuk e kanë bërë”, u shpreh Shaqiri.

Advertisement

Është kryer implantimi i një valvule biologjike në pozicionin mitral (valvula brenda valvulës) – një procedurë komplekse hibride tek pacientja74-vjeçare në gjendje të rëndë të përgjithshme me dëmtim të funksionit të veshkave dhe është vendosur në aparat për dializë.

Kjo metodë minimale invazive e zëvendësimit të protezës së valvulës mitrale është e rrallë në mbarë botën dhe është kryer tek pacientja 74-vjeçare në Klinikën Zhan Mitrev. Ekipi, i përbërë nga kardiokirurgë dhe kardiologë intervenues, realizoi procedurën TMVI (Transcatether mitral valve implatation procedure), në mënyrë të suksesshme me implantimin e valvulës, pa kirurgji klasike.

“Sot kemi një rast të veçantë, një procedurë tepër komplekse tek një paciente në gjendje shëndetësore jashtëzakonisht të rëndë. Këto misione në dukje të pamundura që u zgjasin jetën pacientëve me vite e dekada, këtu në klinikën Zhan Mitrev, bëhen të mundshme dhegjithnjë më të shpeshta, duke i shtyrë kështu kufijtë e kardiokirurgjisë në mbarë botën. Për 25 vjet, ekipi në Klinikën Zhan Mitrev ka vendosur standarde të reja në kujdesin shëndetësor gjithëpërfshirës dhe ka gjetur mënyra për të ndihmuar sa më shumë pacientë. “Me pajisje moderne, duke aplikuar teknologji të avancuar, ne krijojmë mundësi jetësore për pacientët tanë dhe justifikojmë funksionin e vërtetë të mjekësisë”, theksoi dr. Mitrev.

Proteza e valvulës mitrale është vendosur mbi pjesën e sipërme të zemrës në pozicionin mitral, pa i’u nënshtruar operacionit klasik. Dallimi ndërmjet kirurgjisë klasike dhe kësaj ndërhyrjeje është se ka vetëm një hapje të vogël në gjoks – 5 cm në anën e majtë, përmes së cilës arrihet pjesa e sipërme e zemrës dhe me anë të përdorimit të një katetre speciale, futet valvula e re në valvulën ekzistuese, pa përdorur qarkullimin ekstrakorporal.

“Arritje të tilla kardiokirurgjike tregojnë për potencialin e madh të autoriteteve shëndetësore në Maqedoni. Risia në kryerjen e këtij operacionipothuajse të pamundur në rastin e pacientes e cila më parë i është nënshtruar dy operacioneve të tjera,  ka përfitime të mëdha si për pacienten ashtu edhe për sistemin shëndetësor në tërësi, duke përfshirë këtu edhe fondin. Metoda inovative e kryerjes së procedurës minimalisht invazive, është e sigurt për pacientët, e mbi të gjitha, mbart shumë përfitime financiare përsa i përket të gjithë procesit të shërimit të plotë të pacientit. Shembuj të tillë nxisin disponueshmëri më të madhe nga fondi për ndërhyrje kirurgjikale në klinikat private”, tha Sasho Klekovski, drejtor i Fondit për sigurim shëndetësor të Republikës së Maqedonisë.

Advertisement

Ekipi i kardiokirurgëve dhe kardiologëve intervenues u drejtua nga Dr.Mitrev, së bashku me Doc. Dr. Oliver Bushljetikj, specialist nëmjekësisë interne, subspecialist në kardiologji dhe Dr. Vilma Ampova Sokollov, specialiste në mjekësinë interne dhe subspecialiste në kardiologji.

“Pacientja ka pasur dy operacione të mëhershme dhe duhej të operohej për herë të tretë sepse proteza e valvulës mitrale kishte humbur funksionin plotësisht”. Arritëm të vendosim një protezë në valvulën mitrale, mbi majën e zemrës, në pozicion mitral, pa iu nënshtruar operacionit klasik dhe duke shmangur kështu ekspozimin ndaj rrezikut shtesë, një operacion që sigurisht nuk do ta përballonte dot. Ky lloj operacioni është relativisht një risi , veçanërisht për zëvendësimin e valvulës aortale, ndërsa përsa i përket protezës mitrale, këto janë raste jashtëzakonisht të rralla.

Kjo procedurë zakonisht kryhet në valvulën e aortës, dhe shumë rrallë në valvulën mitrale. Në rastin konkret, meqënëse gjoksi i saj ishte hapur dy herë më parë, kjo ishte e vetmja mundësi për t’i shpëtuar jetën.

Kjo ishte e vetmja mundësi për një rezultat pozitiv për pacienten,” theksoi Dr. Bushljetikj.

Pacientja për herë të parë është operuar në vitin 1994 në Spitalin Mjekësorë Ushtarak në Beograd, ndërsa herën e dytë në vitin 2011 në Klinikën Zhan Mitrev, ku është bërë një rioperacion për zëvendësimin e valvulës mitrale me protezë biologjike. Me këto operacione – i parëkur ishte shumë e re, në moshën 43 vjeçare në Beograd, operacioni i dytë pas 17 vjetësh (2011) dhe tani pas 14 vitesh, pacientes i ështëmundësuar 30 vjet jetë, që është në fakt një dëshmi për luftën e mjekëve dhe aplikimin e duhur të mjekësisë moderne në funksion të shpëtimit dhe zgjatjes së jetës.

Advertisement

Kryetari i Qeverisë së Republikës së Maqedonisë së Veriut, Hristijan Mickoski, gjatë vizitës së tij në Shtetet e Bashkuara të Amerikës mori pjesë në përkujtimin e 30-vjetorit të krijimit të kishës “Shën Nikolla”, ku morën pjesë edhe shumë mërgimtarë maqedonas.

Në fjalimin e tij, ai theksoi se këto 7 muaj që nga zgjedhja e Qeverisë, ajo po e udhëheq luftën brenda vendit për një infrastrukturë më të mirë, shëndetësi më të mirë, arsim më cilësor, një ekonomi konkurruese dhe se kjo luftë do të vazhdojë dhe nuk do të ndalet.

“Por, kjo luftë për popullin maqedonas kam frikë se nuk është e mjaftueshme, do të duhet të fitojmë këtu në Uashington, në Nju Jork, në Bruksel, në Berlin, në Londër, në Paris, në Romë dhe në metropolet e tjera botërore, nëse duam që çështja maqedonase të merr një zgjidhje të përhershme, sepse ajo nuk është zgjidhur, ajo ka zgjatur dhe vazhdon të ekzistojë për shekuj. Kështu që është shumë e rëndësishme që kjo lidhje që ka atdheu me maqedonasit jashtë atdheut të vazhdojë të funksionojë, të forcohet dhe të bëhet edhe më e fortë. Si Qeveri jemi të angazhuar të ndërtojmë marrëdhënien tonë me diasporën maqedonase, lidhja duhet të forcohet dhe të jetë e fortë. Nuk duhet të lejojmë që diaspora jonë të jetë e zhgënjyer, sepse elitat politike maqedonase nuk janë në gjendje ta kultivojnë dhe ta mbajnë atë lidhje”, theksoi Kryeministri Mickoski.

Sipas Kryeministrit, nuk ka një dëshmi më të fuqishme të identitetit maqedonas sesa kur ka më shumë maqedonas, pavarësisht nëse ata janë lindur në Maqedoni apo jashtë Maqedonisë, sepse në këtë mënyrë mbrohet kombi dhe identiteti maqedonas, me pasardhësit.

“Ne Maqedonasit jemi njerëz të thjeshtë, me zemër të madhe, mikpritës. Nuk ka mënyrë më të mirë se të mësojmë fëmijët që nga mosha më e vogël me traditat dhe zakonet maqedonase. Tradita dhe zakonet duhet të ruhen, ato janë pjesë e pandashme e identitetit maqedonas”, nënvizoi ai.

Advertisement

Ai theksoi se e di që ndoshta gjatë këtyre më shumë se tre dekadave të demokracisë në Maqedoni, elitat politike shpesh herë kanë zhgënjyer maqedonasit dhe se shpesh këto zhgënjime kanë qenë shkaku që shumë bashkatdhetarë të largohen nga atdheu i tyre.

“Dua të dërgoj një mesazh që do të bëjmë gjithçka si Qeveri, do të bëjmë gjithçka që mundemi dhe do të bëjmë më shumë se sa mundemi për të rikthyer pjesën e humbur të kohës dhe një pjesë të humbur të dinjitetit, që ju të mund të thoni se Maqedonia është përsëri e juaja dhe do të jeni përsëri maqedonas krenarë. Ky është qëllimi ynë dhe ky është frymëzimi ynë sepse ne si një brez morëm përsipër ta punojmë këtë punë. Të jeni të sigurt se do të investojmë çdo atom energjie që të punojmë vetëm për interesin e atdheut dhe të qytetarëve”, u tha Kryeministri Mickoski të pranishmëve.

Ai dha garanci se, pavarësisht të gjitha sfidave në vend dhe të gjithë tradhtarëve që nuk duan që Maqedonia të jetë e suksesshme, kjo Qeveri, ky brez do të konfirmojë idealet e Ilindenit dhe do të vazhdojë veprën e Ilindenasve, të komitëve, të udhëheqësve, më pas dhe të partizanëve për një Maqedoni sovrane, të pavarur, demokratike, e cila do të jetë shteti më i pasur dhe më me prosperitet në Ballkan dhe pse jo edhe në Evropë.